完整藏文原文 · 德格版页 当前仅加载第 52 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དང་། ཐ་དད་དེ། བཅོམ་ལྡན་འདས་ཀྱིས་གསུངས་པ་ལྟར་ན། དགེ་སློང་རྣམས་ནི་ཆོས་རྣམ་པ་བཞི་པོ་ལ་གནས་པར་བགྱིའོ། །བཞི་གང་ཞེ་ན། ཆོས་ལ་གནས་ཀྱི་གང་ཟག་ལ་མི་གནས་པ་དང་། དོན་ལ་གནས་ཀྱི་ཚིག་ལ་མི་
D119.052.0099a01.01གནས་པ་དང་། ཡེ་ཤེས་ལ་གནས་ཀྱི་རྣམ་པར་ཤེས་པ་ལ་མི་གནས་པ་དང་། ངེས་པའི་དོན་ལ་གནས་ཀྱི་བཀྲི་བའི་དོན་ལ་མི་གནས་པ་སྟེ། ཆོས་རྣམ་པ་བཞི་པོ་འདི་རྟོགས་པར་བགྱི་བ་ལགས་ཀྱི། སྐྱེས་བུ་རྣམ་པ་བཞི་པོ་ནི་མ་ལགས་སོ། །བཅོམ་
D119.052.0099a02.01ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ལ་གནས་ཞེས་བྱ་བ་ནི། དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བ་ཆེན་པོའོ། །སངས་རྒྱས་ཀྱི་ཆོས་ནི་ཆོས་རྣམས་ཀྱི་ཆོས་ཉིད་དོ། །ཆོས་ཉིད་ཅེས་བྱ་བ་ནི་དེ་བཞིན་གཤེགས་པའོ། །དེ་བས་ན་དེ་
D119.052.0099a03.01བཞིན་གཤེགས་པ་ནི་རྟག་པ་མི་འགྱུར་བའོ། །དེ་ལ་གང་ཞིག་དེ་བཞིན་གཤེགས་པ་མི་རྟག་ཅེས་སྨྲ་ན་གང་ཟག་དེ་ནི་ཆོས་ཉིད་མི་མཐོང་། མི་ཤེས་པའོ། །གལ་ཏེ་ཆོས་ཉིད་མི་མཐོང་མི་ཤེས་ན། དེ་ལ་མི་གནས་མི་རྟེན་ཏེ། གོང་དུ་གསུངས་པའི་སྐྱེས་བུ་བཞི་
D119.052.0099a04.01པོ་འཇིག་རྟེན་དུ་བྱུང་བ་དམ་པའི་ཆོས་སྲུང་ཞིང་འཛིན་ན། ཤེས་ཤིང་རིག་པར་བྱ་སྟེ། དེ་ལ་གནས་ཤིང་བརྟེན་པར་བྱའོ། །དེ་ཅིའི་ཕྱིར་ཞེ་ན། གང་ཟག་དེ་ནི་དེ་བཞིན་གཤེགས་པས་དགོངས་ཏེ་གསུངས་པའི་དོན་ཟབ་མོ་ལ་ཤིན་ཏུ་མཁས་པས། དེ་བཞིན་
D119.052.0099a05.01གཤེགས་པ་ནི་རྟག་པ་མི་འགྱུར་བར་ཤེས་པའི་ཕྱིར་རོ། །གལ་ཏེ་དེ་བཞིན་གཤེགས་པ་ལ་མི་རྟག་ཅེའམ། འགྱུར་བ་འཕོ་བའི་ཆོས་ཅན་ནོ། །ཞེས་བྱ་བའི་གནས་མེད་དེ། སྐྱེས་བུ་རྣམ་པ་བཞི་པོ་ནི་དེ་བཞིན་གཤེགས་པ་ཞེས་བྱའོ། །དེ་ཅིའི་ཕྱིར་ཞེ་ན། གང་
D119.052.0099a06.01ཟག་དེ་ནི་དེ་བཞིན་གཤེགས་པས་དགོངས་ཏེ་གསུངས་པ་ཤེས་ལ་སྟོན་ཀྱང་ནུས་པའི་ཕྱིར་རོ། །སྐྱེས་བུ་གང་ཞིག་དེ་བཞིན་གཤེགས་པས་དགོངས་ཏེ་གསུངས་པའི་དོན་ཟབ་མོ་ཡང་ཤེས་ལ། དེ་བཞིན་གཤེགས་པ་ནི་རྟག་པ་མི་འགྱུར་བའི་ཆོས་ཅན་དུ་ཤེས་ན་
D119.052.0099a07.01