完整藏文原文 · 德格版页 当前仅加载第 52 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
གི་རྣམ་པར་ཤེས་པ་སྐྱེ་བར་འགྱུར་རོ། །རིགས་ཀྱི་བུ་མིག་ཀྱང་། འདི་ལྟར་བདག་གིས་ནི་མིག་གི་རྣམ་པར་ཤེས་པ་བསྐྱེད་དོ་སྙམ་མི་སེམས་པ་ནས་བསམ་པའི་བར་དུ་ཡང་མིག་གི་རྣམ་པར་ཤེས་པ་བསྐྱེད་དོ་སྙམ་མི་སེམས་ལ། མིག་གི་རྣམ་པར་ཤེས་པ་
D119.052.0222a01.01ཉིད་ཀྱང་བདག་ནི་བདག་བསྐྱེད་དོ་སྙམ་མི་སེམས་ཏེ། རིགས་ཀྱི་བུ་འོན་ཀྱང་དེ་རྣམས་འདུས་ཤིང་ཚོགས་པ་ལས་མཐོང་བར་གྱུར་ཏོ། །རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། ཕ་རོལ་ཏུ་ཕྱིན་པ་དྲུག་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་
D119.052.0222a02.01དང་། ཆོས་རྣམས་རྟོག་པ་དང་། གཞན་ཡང་ལྐོག་མ་དང་། རྐན་དང་། ལྕེ་དང་། སོ་དང་མཆུ་དང་། ཁ་ལས་ཚིག་ཏུ་སྨྲ་བའི་སྒྲ་ལས། ཐོག་མ་ཚེ་དང་ལྡན་པ་ཀཽཎྜི་ནྱ་ལ་ཆོས་བསྟན་པ་ནི་ཆོས་ཀྱི་འཁོར་ལོ་བསྐོར་བ་ཞེས་བྱ་སྟེ། དོན་དེ་ལྟ་བས་ན་དེ་བཞིན་གཤེགས་པ་
D119.052.0222a03.01ནི་ཆོས་ཀྱི་འཁོར་ལོ་བསྐོར་ཞེས་མི་བྱའོ། །རིགས་ཀྱི་བུ་གང་མ་བསྐོར་བ་དེ་ནི་ཆོས་ཞེས་བྱ་སྟེ་ཆོས་ནི་དེ་བཞིན་གཤེགས་པའོ། །རིགས་ཀྱི་བུ་དཔེར་ན་གཙུབ་ཤིང་དང་། གཙུབ་སྟན་དང་། ལག་པ་དང་། བཙའ་འདུས་པ་ལས་མེ་བྱུང་སྟེ། གཙུབ་ཤིང་ཡང་བདག་
D119.052.0222a04.01གིས་ནི་མེ་ཕྱུང་ངོ་སྙམ་མི་སེམས། གཙུབ་སྟན་དང་། ལག་པ་དང་། བཙའ་ཡང་བདག་གིས་མེ་ཕྱུང་ངོ་སྙམ་མི་སེམས་སོ། །མེ་ཡང་དེ་ལྟར་བདག་གིས་བདག་ཕྱུང་ངོ་སྙམ་མི་སེམས་སོ། །དེ་བཞིན་གཤེགས་པ་ཡང་དེ་དང་འདྲ་སྟེ་ཕ་རོལ་ཏུ་ཕྱིན་པ་དྲུག་ནས་ཚེ་དང་
D119.052.0222a05.01ལྡན་པ་ཀཽཎྜི་ནྱའི་བར་དུ་ཆོས་ཀྱི་འཁོར་ལོ་བསྐོར་བ་ཞེས་བྱ་སྟེ། དེ་བཞིན་གཤེགས་པ་ནི་ངས་ཆོས་ཀྱི་འཁོར་ལོ་བསྐོར་རོ་སྙམ་མི་དགོངས་སོ། །རིགས་ཀྱི་བུ་དེ་ལྟར་མི་དགོངས་པ་དེ་ནི་ཆོས་ཀྱི་འཁོར་ལོ་ཡང་དག་པར་བསྐོར་བ་ཞེས་བྱ་སྟེ། དེ་ལྟར་ཆོས་ཀྱི་འཁོར་ལོ་བསྐོར་བ་
D119.052.0222a06.01དེ་ནི་དེ་བཞིན་གཤེགས་པ་ཞེས་བྱའོ། །རིགས་ཀྱི་བུ་དཔེར་ན་མར་ཡང་ཞོ་དང་། ཆུ་དང་། རྫ་མ་དང་། སྲུབ་ཤིང་། ཐག་གུ་དང་། ལག་པ་ལས་མར་འབྱུང་སྟེ། ཞོ་ཡང་འདི་ལྟར་བདག་གིས་མར་ཕྱུང་ངོ་སྙམ་མི་སེམས་པ་ནས་ལག་པའི་བར་དུ་བདག་གིས་འདི་ལྟར་
D119.052.0222a07.01