完整藏文原文 · 德格版页 当前仅加载第 52 函德格 321b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་ཉེས་པ་མེད་དོ་ཞེས་བྱ་བ་དེ་ཇི་ལྟར་ན་ཉེས་པ་མེད་ཅེས་བྱར་རུང་། གང་སྡིག་པ་དང་བཅས་པ་ནི་སྡིག་པའི་འབྲས་བུ་རྣམ་པར་སྨིན་ནོ། །གང་དགེ་བའི་ལས་བྱེད་པ་ནི་སྡིག་པའི་ལས་རྣམ་པར་སྨིན་པ་ཡང་མེད་དོ། །ཁྱོད་ཀྱི་ཕ་རྒྱལ་པོ་གལ་ཏེ་སྡིག་པ་མེད་པ་ཞིག་ན་ཅི་སྟེ་ལས་རྣམ་པར་སྨིན་པར་འགྱུར།
D119.052.0321b01.01གཟུགས་ཅན་སྙིང་པོ་ད་ལྟར་གྱི་དུས་སུ་དགེ་བའི་འབྲས་བུ་ཐོབ་ལ་མི་དགེ་བའི་འབྲས་བུ་ཡང་ཐོབ་སྟེ། དེའི་ཕྱིར་རྒྱལ་པོ་སྔ་མ་ནི་མ་ངེས་པའོ། །དེ་ལྟར་མ་ངེས་པས་ན་བསད་པ་ཡང་མ་ངེས་སོ། །བསད་པ་མ་ངེས་པ་ཡིན་ན་ཅི་སྟེ་ངེས་པར་སེམས་ཅན་དམྱལ་བར་ལྟུང་ངོ་ཞེས་སྨྲ། སེམས་ཅན་རྣམས་ནི་མྱོས་པ་
D119.052.0321b02.01དང་བསད་པ་ལ་རྣམ་པ་བཞི་སྟེ། འདོད་པས་མྱོས་པ་དང་། སྨན་གྱིས་མྱོས་པ་དང་། སྔགས་ཀྱིས་མྱོས་པ་དང་། སྔོན་གྱི་ལས་ཀྱི་རྐྱེན་གྱིས་མྱོས་པའོ། །རྒྱལ་པོ་ཆེན་པོ་ངའི་ཉེ་གནས་ཀྱི་ནང་ན་ཡང་མྱོས་པ་བཞི་པོ་དང་བཅས་པ་ཡོད་དེ་མི་དགེ་བ་མང་དུ་བྱས་ཀྱང་དེ་ཚུལ་ཁྲིམས་བཤིག་པ་ཡིན་ནོ་ཞེས་ལུང་མི་སྟོན་ཏོ། །
D119.052.0321b03.01དེ་དག་གིས་ཅི་བྱས་ཀྱང་ངན་སོང་གསུམ་དུ་མི་འགྲོ་ལ། གལ་ཏེ་ཕྱིར་དྲན་པར་གྱུར་ན་ཚུལ་ཁྲིམས་ཉམས་པ་ཞེས་མི་བྱའོ། །རྒྱལ་པོ་ཡང་སྲིད་དང་ཡུལ་འདོད་པའི་ཕྱིར་རྒྱལ་པོ་ཕ་བསད་པ་ནི་འདོད་པས་མྱོས་པའི་སེམས་ཀྱིས་བྱས་པ་ཡིན་ན་ཅི་སྟེ་སྡིག་པར་འགྱུར། རྒྱལ་པོ་ཆེན་པོ་དཔེར་ན་མི་ཞིག་ཆང་གིས་མྱོས་
D119.052.0321b04.01ནས་མ་བསད་དོ། །སངས་པར་གྱུར་པ་དང་རབ་ཏུ་འགྱོད་པའི་སེམས་སྐྱེས་ན་ལས་དེ་ནི་རྣམ་པར་སྨིན་པ་མ་ཡིན་པར་རིག་པར་བྱའོ། །རྒྱལ་པོ་ཡང་འདོད་པས་མྱོས་པའི་ཕྱིར་བྱས་ཀྱི། དྲན་བཞིན་དུ་བྱས་པ་ནི་མ་ཡིན་ནོ། །དེ་ལྟར་དྲན་བཞིན་དུ་བྱས་པ་མ་ཡིན་ན་ཅི་སྟེ་ཁ་ན་མ་ཐོ་བའི་སྡིག་འཐོབ་པར་འགྱུར། རྒྱལ་པོ་
D119.052.0321b05.01ཆེན་པོ་དཔེར་ན་སྒྱུ་མ་མཁན་གྱིས་ལམ་གྱི་བཞི་མདོར་སྒྱུ་མའི་སྐྱེས་པ་དང་། བུད་མེད་དང་། བལ་གླང་དང་། རྟ་དང་། སེ་མོ་དོ་དང་། གོས་ལ་སོགས་པ་རྣམ་པ་སྣ་ཚོགས་བྱས་པ་ལ་བུས་པ་གླེན་པ་གཏི་མུག་ཅན་གྱིས་ཡང་དག་པ་བདེན་པ་ཡིན་པར་འཛིན་ཏོ། །མཁས་པ་ཤེས་རབ་ཅན་གྱིས་ནི་ཡང་དག་པའི་བདེན་
D119.052.0321b06.01པ་མ་ཡིན་པར་རིག་སྟེ། དེ་བཞིན་དུ་གསོད་པ་ཡང་དེ་དང་འདྲ་སྟེ། བུས་པ་མ་རབས་སོ་སོའི་སྐྱེ་བོ་དག་ནི་ཡང་དག་པར་ཡོད་པར་འཛིན། སངས་རྒྱས་བཅོམ་ལྡན་འདས་ཀྱིས་ནི་ཡང་དག་པ་མ་ཡིན་པར་རིག་གོ། །རྒྱལ་པོ་ཆེན་པོ་དཔེར་ན་བྲག་ཅ་ལ་གཏི་མུག་ཅན་གྱིས་སྒྲ་ཡང་དག་པར་འཛིན་ཏོ། །མཁས་པ་ཤེས་
D119.052.0321b07.01