完整藏文原文 · 德格版页 当前仅加载第 52 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱིས་མི་འཇིགས་ལ། ཕྱིས་མི་ལྡང་བར་ཡང་གདུལ་ནུས་སོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན། ཀླུ་གདུག་པ་ནི་ཕ་རོལ་ལ་གསོད་པའི་ཚེ། བར་འགའ་ནི་མིག་གིས་བལྟས་པ་ཙམ་མམ། བར་འགའ་དབུགས་ཀྱིས་རྔུབས་
D119.052.0089a01.01པ་ཙམ་གྱིས་འཆི་སྟེ། དེ་བས་ན་སེང་གེ་དང་། སྟག་དང་། འཕར་སྤྱང་དང་། ཁྱི་ལ་སོགས་པ་ཐམས་ཅད་དེ་ལ་འཇིགས་སོ། །གཅན་གཟན་དེ་དག་ལ་སོགས་པས་དེའི་སྐད་ཐོས་སམ། དེའི་ལུས་ཀྱིས་རེག་པ་ཙམ་གྱིས་མི་འཆི་བ་མེད་དོ། །གང་སྔགས་ལ་ཤིན་
D119.052.0089a02.01ཏུ་མཁས་པ་ནི་སྔགས་ཀྱི་མཐུས་ན་ཀླུ་གདུག་པ་དང་། ནམ་མཁའ་ལྡིང་དང་། བལ་གྱི་གླང་པོ་ཆེ་སྨྱོས་པ་དང་། སེང་གེ་དང་། སྟག་དང་། འཕར་སྤྱང་ལ་སོགས་པ་ཐམས་ཅད་ཐུལ་ཏེ། ཁ་ལོ་སྒྱུར་ཞིང་ཞོན་ཀྱང་ནུས་སོ། །གཅན་གཟན་དེ་དག་གིས་སྔགས་
D119.052.0089a03.01ལ་མཁས་པ་དེ་མཐོང་བ་ཙམ་གྱིས་རང་འདུལ་ལོ། །ཉན་ཐོས་དང་། རང་སངས་རྒྱས་ཀྱང་དེ་དང་འདྲ་སྟེ། བདུད་སྡིག་ཏོ་ཅན་མཐོང་ན་ཐམས་ཅད་འཇིགས་སྐྲག་གོ། །བདུད་སྡིག་ཏོ་ཅན་ནི་དེ་དག་ལ་འཇིགས་པའམ་སྐྲག་པའི་སེམས་མེད་དེ། བདུད་ཀྱི་
D119.052.0089a04.01ལས་ཀྱང་བྱེད་དོ། །ཐེག་པ་ཆེན་པོ་ལ་སློབ་པ་ཡང་དེ་དང་འདྲ་སྟེ། དེ་ལྟར་ཉན་ཐོས་དག་བདུད་ཀྱིས་སྐྲག་སྟེ། ཐེག་པ་ཆེན་པོ་ལ་མི་མོས་མི་དད་པ་མཐོང་ནས། སྔར་ཐབས་ཀྱིས་བདུད་ཀྱི་རིས་རྣམས་བཏུལ་ཏེ། ཐམས་ཅད་འདུལ་བར་བྱས་ནས། དེའི་འོག་
D119.052.0089a05.01ཏུ་དམ་པའི་ཆོས་རྣམ་པ་སྣ་ཚོགས་སྟོན་ཅིང་འཆད་དོ། །ཉན་ཐོས་དང་། རང་སངས་རྒྱས་དག་དེ་ལྟར་བདུད་རྣམས་བཏུལ་བ་མཐོང་ན། གདོད་སྐྲག་པ་སྐྱེས་ཏེ། ཐེག་པ་ཆེན་པོ་དམ་པའི་ཆོས་བླ་ན་མེད་པ་ལ་མོས་པ་དང་དད་པ་བསྐྱེད་དེ། འདི་སྐད་དུ་བདག་
D119.052.0089a06.01ཅག་ནི་ད་ཕྱིན་ཆད་དམ་པའི་ཆོས་འདིའི་བར་ཆད་དང་། བགེགས་མི་བྱའོ་ཞེས་སྨྲའོ། །གཞན་ཡང་རིགས་ཀྱི་བུ་ཉན་ཐོས་དང་། རང་སངས་རྒྱས་ནི་ཉོན་མོངས་པ་རྣམས་ལ་འཇིགས་པ་དང་སྐྲག་པ་སྐྱེའོ། །ཐེག་པ་ཆེན་པོ་སློབ་པ་དག་ནི་འཇིགས་པའམ་བག་ཚ་བ་
D119.052.0089a07.01