完整藏文原文 · 德格版页 当前仅加载第 52 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
པད་མོ་ཉིད་ནི་གསེར། སྡོང་བུ་ནི་བཻ་དཱུརྱ། གེ་སར་ནི་རྡོ་རྗེ། གཞི་ནི་ཤེལ་ལས་བྱས་པ་སྟེ། ཟླུམ་ཁྱད་ནི་ཤིང་རྟའི་འཁོར་ལོ་ཙམ་མོ། །པད་མོ་དེ་དག་སོ་སོ་ལས་ཀྱང་འོད་རྣམ་པ་སྣ་ཚོགས་བྱུང་བ་ནི་སྔོན་པོ་དང་། སེར་པོ་དང་། དམར་པོ་
D119.052.0173a01.01དང་། དཀར་པོ་དང་། སྨུག་པོ་དང་། ཤེལ་གྱི་ཁ་དོག་ལྟ་བུ་སྟེ། འོད་དེ་དག་སོ་སོ་ནས་མཚམས་མེད་པའི་སེམས་ཅན་དམྱལ་བ་ཆེན་པོ་དང་། འདུ་ཤེས་ཀྱི་སེམས་ཅན་དམྱལ་བ་དང་། ཐིག་ནག་པོའི་སེམས་ཅན་དམྱལ་བ་དང་། སྣ་ཚོགས་འདུས་
D119.052.0173a02.01པའི་སེམས་ཅན་དམྱལ་བ་དང་། འོ་དོད་འབོད་པའི་སེམས་ཅན་དམྱལ་བ་ཆེན་པོ་དང་། འོ་དོད་འབོད་པ་ཆེན་པོའི་སེམས་ཅན་དམྱལ་བ་དང་། ཤིན་ཏུ་ཚིག་པའི་སེམས་ཅན་དམྱལ་བ་དང་། རབ་ཏུ་ཆེར་ཚིག་པའི་སེམས་ཅན་དམྱལ་བ་དང་།
D119.052.0173a03.01སེམས་ཅན་དམྱལ་བ་བརྒྱད་པོར་སྐྱེས་པའི་སེམས་ཅན་དག་རྟག་ཏུ་སྡུག་བསྔལ་མང་པོས་རྣམ་པར་གཟིར་བ་ནི་འདི་ལྟ་སྟེ། སྲེག་པ་དང་། བཙོ་བ་དང་། མེ་མུར་དང་། གཏུན་བུས་བརྡུང་བ་ལ་སོགས་པ་སྟེ། དེ་དག་ཀྱང་འོད་དེས་ཕོག་མ་ཐག་ཏུ་སྡུག་བསྔལ་དེ་
D119.052.0173a04.01དག་ལྷག་མ་མ་ལུས་པར་ཐམས་ཅད་བྱང་ནས་རབ་ཏུ་བདེ་བ་དང་། ཤིན་ཏུ་བསིལ་བར་ལོངས་སྤྱོད་པར་གྱུར་ཏོ། །འོད་ཟེར་དེ་ལས་འདི་སྐད་དུ། དེ་བཞིན་གཤེགས་པས་དགོངས་ཏེ་གསུངས་པའི་སྙིང་པོ་གྲགས་པར་གྱུར་པ་ནི། ཀྱེ་སེམས་ཅན་ཁྱེད་ཀུན་ལ་
D119.052.0173a05.01ཡང་སངས་རྒྱས་ཀྱི་རང་བཞིན་ཡོད་དོ་ཞེས་གྲགས་པར་གྱུར་ཏོ། །སེམས་ཅན་དེ་དག་གིས་དེ་སྐད་ཅེས་ཐོས་ནས་དེ་མ་ཐག་ཏུ་ཚེ་འཕོས་ཏེ་མཐོ་རིས་ཀྱི་ལྷ་དང་མིར་སྐྱེས་སོ། །ཤིན་ཏུ་གྲང་བའི་སེམས་ཅན་དམྱལ་བ་བརྒྱད་ལ་འདི་ལྟ་སྟེ། ཨ་པ་པའི་སེམས་ཅན་
D119.052.0173a06.01དམྱལ་བ་དང་། ཨ་ཏ་ཏའི་སེམས་ཅན་དམྱལ་བ་དང་། ཨ་ལ་ལའི་སེམས་ཅན་དམྱལ་བ་དང་། ཨ་ཚ་ཚའི་སེམས་ཅན་དམྱལ་བ་དང་། ཨུད་པ་ལའི་སེམས་ཅན་དམྱལ་བ་དང་། པ་ཐུ་མའི་སེམས་ཅན་དམྱལ་བ་དང་། ཀུ་མུ་དའི་སེམས་ཅན་དམྱལ་བ་
D119.052.0173a07.01