完整藏文原文 · 德格版页 当前仅加载第 52 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པ་ལྟར་ན་ཤིན་ཏུ་ཟབ་པས་བདག་ཅག་གིས་འཚལ་བ་ནི་ཤིན་ཏུ་ཡང་རྒྱ་ཆུང་ན་འདི་ཇི་ལྟ་བུར་འཚལ་བར་བགྱིད། གལ་ཏེ་བྱང་ཆུབ་སེམས་དཔའ་དག་བུ་
D119.052.0253b01.01གཅིག་པ་ལྟ་བུའི་ས་ལ་གནས་པས་དེ་ལྟ་བུར་གྱུར་ན་ལྟ། ཅིའི་སླད་དུ་དེ་བཞིན་གཤེགས་པ་སྔོན་རྒྱལ་པོ་མཛད་པའི་ཚེ་བྱང་ཆུབ་སེམས་དཔའི་སྤྱད་པ་སྤྱོད་པ་ན་བྲམ་ཟེ་དེ་སྙེད་ཀྱི་སྲོག་བཅད་པར་གྱུར། གལ་ཏེ་ས་འདི་ཐོབ་ན་ནི་སྐྱོབ་ཅིང་དཔུང་གཉེན་དུ་གྱུར་པའི་རིགས། གལ་ཏེ་
D119.052.0253b02.01མ་ཐོབ་ན་ཅིའི་སླད་དུ་སེམས་ཅན་དམྱལ་བར་མི་ལྟུང་། གལ་ཏེ་སེམས་ཅན་ཐམས་ཅད་ལ་སྲས་སྒྲ་གཅན་འཛིན་དང་འདྲ་བར་དགོངས་ན་ཅིའི་སླད་དུ་ལྷ་སྦྱིན་ལ་འདི་སྐད་དུ་གླེན་པ་ངོ་ཚ་མེད་པ་མིའི་ངར་སྣབས་ཟ་བ་ཞེས་བཀའ་སྩལ་པས་ལྷ་སྦྱིན་གྱིས་ཐོས་ནས་འཁོན་དུ་བཟུང་སྟེ། མི་
D119.052.0253b03.01དགེ་བའི་སེམས་བསྐྱེད་ནས། སངས་རྒྱས་ཀྱི་སྐུ་ལ་ཁྲག་ཕྱུང་བར་གྱུར། །ལྷ་སྦྱིན་གྱིས་དེ་ལྟ་བུའི་སྡིག་པ་བྱས་ནས་ཀྱང་དེ་བཞིན་གཤེགས་པས་སེམས་ཅན་དམྱལ་བར་ལྟུང་ཞིང་བསྐལ་པ་གཅིག་གི་བར་དུ་སྡུག་བསྔལ་མྱོང་བར་འགྱུར་རོ་ཞེས་ལུང་བསྟན། བཅོམ་ལྡན་
D119.052.0253b04.01འདས་ཀྱིས་དེ་སྐད་ཅེས་གསུངས་པ་དེ་དོན་དང་འགལ་བར་འགྱུར་བ་མ་ལགས་སམ། བཅོམ་ལྡན་འདས་བཙུན་པ་རབ་འབྱོར་ལྟ་བུ་སྟོང་པ་ཉིད་ཀྱི་ས་ལ་གནས་པ་ཡང་གྲོང་དུ་འཇུག་ཅིང་བསོད་སྙོམས་ལེན་པ་ན་སྔར་ཕ་རོལ་པོ་ལ་ཡོངས་སུ་རྟོག་གོ། །གལ་ཏེ་ཕ་རོལ་པོས་བརྙས་
D119.052.0253b05.01སམ་སྨོད་པའི་སེམས་སུ་གྱུར་ན་ཅི་སྟེ་ཤིན་ཏུ་བཀྲེས་པར་གྱུར་ཀྱང་། དེ་དག་ལས་བསོད་སྙོམས་མི་ལེན་ཏོ། །དེ་ཅིའི་སླད་དུ་ཞེ་ན། བཙུན་པ་རབ་འབྱོར་ནི་རྟག་ཏུ་འདི་སྙམ་དུ་སེམས་ཏེ། འདི་ལྟ་བུ་དག་མངོན་པར་དྲན་ནོ། །སྔོན་གྱི་བསོད་ནམས་ཀྱི་ཞིང་དུ་འགྱུར་བ་ཞིག་ལ།
D119.052.0253b06.01མི་དགེ་བའི་རྟོག་པ་གཅིག་ཙམ་བསྐྱེད་པས་དེའི་རྒྱུ་དེའི་རྐྱེན་གྱིས་སེམས་ཅན་དམྱལ་བ་ཆེན་པོར་ལྷུང་སྟེ། སྡུག་བསྔལ་ཆེན་པོ་མྱོང་བར་འགྱུར་རོ། །བདག་ཅི་སྟེ་ལྟོགས་པར་གྱུར་ཏེ། གཞའ་གཙང་མ་ཟོས་ཀྱང་བླའི། གཞན་དག་བདག་ལ་བརྙས་ཤིང་སྨད་པས་སེམས་ཅན་
D119.052.0253b07.01