完整藏文原文 · 德格版页 当前仅加载第 52 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
ནས། མཚམས་མེད་པའི་སེམས་ཅན་དམྱལ་བ་ཡིན་པར་ཤེས་པ་དང་། ལས་གང་དང་རྐྱེན་གང་གིས་འདིར་སྐྱེས་པར་གྱུར་སྙམ་བསམས་ནས། འདི་ནི་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་ལ་འཕྱ་ཞིང་སྐུར་པ་དང་མ་དད་པའི་རྒྱུ་དང་རྐྱེན་གྱིས་རྒྱལ་
D119.052.0256a01.01པོས་བསད་ནས་གནས་འདིར་སྐྱེས་པར་གྱུར་ཏོ་སྙམ་སེམས་སོ། །དེ་ལྟར་བསམས་ནས་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་ལ་ཤིན་ཏུ་དད་པ་དང་གུས་པའི་སེམས་སྐྱེས་ཏེ། དེ་ནས་ཚེ་འཕོས་ནས་དེ་བཞིན་གཤེགས་པ་ཟིལ་དངར་རྔ་ཞེས་བྱ་བའི་འཇིག་རྟེན་དུ་སྐྱེས་ཏེ་ཚེ་
D119.052.0256a02.01ཡང་བསྐལ་པ་བཅུ་སྙེད་ཚང་བར་གྱུར་ཏོ། །རིགས་ཀྱི་བུ་དོན་དེ་ལྟ་བས་ན་ངས་སྔོན་མི་དེ་དག་ལ་བསྐལ་པ་བཅུ་སྙེད་ཐུབ་པར་གྱུར་པའི་འཚོ་བ་བྱིན་པ་ཡིན་ན། དེ་ལ་གསོད་པ་ཞེས་བྱར་རུང་ངམ། རིགས་ཀྱི་བུ་གང་ས་རྐོ་བ་དང་། རྩྭ་རྔ་བ་དང་། ཤིང་གཅོད་པ་དང་། རོ་
D119.052.0256a03.01ལ་མཚོན་གྱིས་འདེབས་པ་དང་། རྒྱབ་པ་དང་། འཚོག་པ་དང་། གཞུ་བའི་ལས་བྱས་ན་དེའི་རྒྱུ་དེའི་རྐྱེན་གྱིས་སེམས་ཅན་དམྱལ་བར་ལྟུང་བར་འགྱུར་རམ། བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། །བཅོམ་ལྡན་འདས་ཀྱིས་གསུངས་
D119.052.0256a04.01པའི་དོན་བདག་གིས་འཚལ་བ་ལྟར་ན། སེམས་ཅན་དམྱལ་བར་ལྟུང་བར་འགྱུར་རོ། །དེ་ཅིའི་སླད་དུ་ཞེ་ན། སྔོན་བཅོམ་ལྡན་འདས་ཀྱིས་ཉན་ཐོས་ལ་ཆོས་བསྟན་པ་ན། ཀྱེ་དགེ་སློང་དག་མགལ་དུམ་ལ་ཡང་ངན་སེམས་མ་སྐྱེད་ཅིག །དེ་ཅིའི་ཕྱིར་ཞེ་ན། སེམས་ཅན་
D119.052.0256a05.01ཐམས་ཅད་ནི་ངན་སེམས་བསྐྱེད་པའི་རྒྱུས་སེམས་ཅན་དམྱལ་བར་ལྟུང་བར་འགྱུར་རོ་ཞེས་གསུངས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་ལེགས་སོ་ཤིན་ཏུ་ལེགས་སོ་ཞེས་བྱ་བ་བྱིན་ནས། ཁྱོད་ཀྱིས་སྨྲས་པ་བཞིན་དུ་ལེགས་པར་
D119.052.0256a06.01ཡིད་ལ་ཟུང་ཤིག་ཅེས་བཀའ་སྩལ་ཏོ། །རིགས་ཀྱི་བུ་ངན་སེམས་ཀྱིས་སེམས་ཅན་དམྱལ་བར་ལྟུང་ཞེས་བྱ་བ་ནི་བྱང་ཆུབ་སེམས་དཔའ་ལ་ངན་སེམས་ཞེས་བྱ་བ་མེད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་ནི་སེམས་ཅན་ཐམས་ཅད་ལ་ཆུང་
D119.052.0256a07.01