完整藏文原文 · 德格版页 当前仅加载第 52 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱེད་ཅིང་སྟོན་མི་ནུས་སོ། །དཔེར་ན་རྐུན་པོ་གླེན་པ་དག་རིན་པོ་ཆེ་ཡང་དག་པ་བོར་ནས་ཕུབ་མ་ཁུར་དུ་ཁྱེར་བ་དང་འདྲ་བར་དེ་བཞིན་གཤེགས་པས་དགོངས་ཏེ་གསུངས་པའི་སྙིང་པོ་མི་ཤེས་པས་མདོ་སྡེ་འདི་ལ་ལེ་ལོ་བྱེད་དེ། བརྩོན་འགྲུས་མི་སྐྱེད་དེ། ཀྱི་ཧུད་དེ་
D119.052.0152a01.01དག་ནི་མ་འོངས་པའི་དུས་སུ་ཤིན་ཏུ་འཇིགས་པའི་གཡང་ས་ཆེན་པོར་ལྟུང་བར་འགྱུར་རོ། །ཀྱི་ཧུད་སེམས་ཅན་དེ་དག་ནི་ཐེག་པ་ཆེན་པོའི་མདོ་སྡེ་ཡོངས་སུ་མྱ་ངན་ལས་འདས་པ་ཆེན་པོ་འདི་ལ་བརྩོན་པར་མི་བྱེད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་འབའ་ཞིག་གིས་ནི་
D119.052.0152a02.01མདོ་སྡེ་འདིའི་དོན་ཡང་དག་པ་ཇི་ལྟ་བ་བཞིན་དུ་འཇུག་སྟེ། འབྲུ་དང་ཚིག་ལ་མི་ཆགས་དེའི་རྗེས་སུ་གཞོལ་ཞིང་འགལ་བར་མི་བྱེད་པས། སེམས་ཅན་རྣམས་ལ་ཡང་དེ་བཞིན་དུ་སྟོན་ཏོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་རྫིའུ་འོ་མ་འཚོང་བ་དག །འོ་མ་མང་བར་བྱ་
D119.052.0152a03.01བའི་ཕྱིར། ཆུ་སུམ་གཉིས་བསྣན་ནས་རྫིའུ་གཞན་ལ་ཡང་འཚོང་ངོ་། །རྫིའུ་དེས་ཀྱང་དེ་ལས་ཆུ་སུམ་གཉིས་བསྣན་ནས་གྲོང་ཁྱེར་དང་ཉེ་བའི་མི་ལ་འཚོང་ངོ་། །དེས་ཀྱང་དེའི་སྟེང་དུ་ཆུ་སུམ་གཉིས་བསྣན་ནས་གྲོང་ཁྱེར་ན་གནས་པའི་མི་ལ་འཚོང་ངོ་། །དེས་ཉོས་ནས་
D119.052.0152a04.01དེའི་སྟེང་དུ་ཡང་ཆུ་སུམ་གཉིས་ཀྱིས་བསྣན་ཏེ་ཚོང་དུས་སུ་འཚོང་ངོ་། །དེའི་ཚེ་དེའི་དུས་ན་མི་ཞིག་བུའི་ཆུང་མ་ལེན་པའི་འགྲོན་བོས་ནས་འོ་མ་བཟང་པོ་འདོད་པའི་ཕྱིར་ཚོང་དུས་སུ་འོ་མ་ཉོར་སོང་བ་ལས་འོ་མ་དེ་དང་ཕྲད་ནས་ཆུས་བསྣན་པ་ཆུ་མང་བར་ཤེས་བཞིན་དུ་དགོས་པའི་
D119.052.0152a05.01ཁར་བབ་པས་རིན་ཆེ་ཡང་ཉོས་སོ། །ཉོས་ནས་ཕྱིར་ཁྱིམ་དུ་ཕྱིན་པ་དང་ཐུག་པ་བཙོས་ན་འོ་མའི་རོ་མེད་དོ། །དེ་ལྟར་འོ་མའི་རོ་མེད་མོད་ཀྱི་ཁ་བའི་རོ་ལས་ནི་བརྒྱ་སྟོང་སྙེད་ཀྱིས་ལྷག་གོ། །དེ་ཅིའི་ཕྱིར་ཞེ་ན། འོ་མས་སྒྱུར་བའི་རོ་ནི་རོ་གཞན་ལས་མཆོག་ཏུ་འགྱུར་བའི་ཕྱིར་
D119.052.0152a06.01རོ། །རིགས་ཀྱི་བུ་ང་མྱ་ངན་ལས་འདས་ནས་དམ་པའི་ཆོས་འཇིག་པར་མ་གྱུར་པ་ལོ་བརྒྱད་ཅུ་ན། དེའི་ཚེ་དེའི་དུས་སུ་འཛམ་བུའི་གླིང་འདིར་མདོ་སྡེ་འདི་ཤིན་ཏུ་རྒྱས་པར་འགྱུར་རོ། །དེའི་ཚེ་དེའི་དུས་ན་དགེ་སློང་སྡིག་ཅན་དག་མདོ་སྡེ་འདི་ལ་མདོ་སྡེ་བཏུས་ནས་ཕྱོགས་ཆ་
D119.052.0152a07.01