完整藏文原文 · 德格版页 当前仅加载第 52 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
གནོད་པར་འགྱུར་དུ་དོགས་ཏེ། ལག་པ་གཡོན་པས་ནི་འགྲམ་པ་བཙིར། ལག་པ་གཡས་པས་ནི་ཕྱིར་འབྱིན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ས་དེ་ལ་གནས་པ་ཡང་དེ་དང་འདྲ་སྟེ། སེམས་ཅན་དག་ཆོས་ཀྱི་སྐུའི་ཤེད་མ་རྫོགས་པས་
D119.052.0253a01.01ལུས་དང་། ངག་དང་། ཡིད་ཀྱི་སྒོ་ནས་སྡིག་པ་མི་དགེ་བའི་ཆོས་སྤྱོད་པར་བྱང་ཆུབ་སེམས་དཔས་མཐོང་ན་ཡེ་ཤེས་ཀྱི་ལག་གིས་དེ་ནས་འབྱིན་ཏེ། དེ་དག་འཁོར་བ་ན་འཁོར་ཞིང་སྡུག་བསྔལ་མང་པོ་མྱོང་བར་མི་འདོད་པས་ས་འདི་ནི་བུ་གཅིག་པ་དང་འདྲ་བ་ཞེས་བྱའོ། །རིགས་
D119.052.0253a02.01ཀྱི་བུ་འདི་ལྟ་སྟེ། དཔེར་ན་ཕ་མ་ཞིག་ལ་ཤིན་ཏུ་བྱམས་པའི་བུ་གཅིག་པུ་ཡོད་པ་ལས་གལ་ཏེ་ཤི་བར་གྱུར་ན་དེའི་ཕ་མ་ཡང་ལྷན་ཅིག་ཏུ་ཤི་བར་འདོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དེ་དང་འདྲ་སྟེ། གལ་ཏེ་ལོག་སྲེད་ཅན་དག་སེམས་ཅན་དམྱལ་བར་
D119.052.0253a03.01ལྟུང་ན་དེ་དང་ལྷན་ཅིག་ཏུ་སེམས་ཅན་དམྱལ་བར་འགྲོ་བར་འདོད་དོ། །དེ་ཅིའི་ཕྱིར་ཞེ་ན། ལོག་སྲེད་ཅན་དེ་དག་སྡུག་བསྔལ་མྱོང་བའི་ཚེ་གལ་ཏེ་སྐད་ཅིག་ཙམ་ཞིག་འགྱོད་པའི་སེམས་སྐྱེས་ན་ངས་དེ་ལ་ཆོས་རྣམ་པ་སྣ་ཚོགས་བསྟན་ཅིང་བཤད་དེ། སྐད་ཅིག་ཐང་ཅིག་ཙམ་
D119.052.0253a04.01གྱི་དགེ་བའི་རྩ་བ་སྐྱེ་བར་བྱེད་པས་ན་ས་འདི་ནི་བུ་གཅིག་པ་དང་འདྲ་བ་ཞེས་བྱའོ། །རིགས་ཀྱི་བུ་འདི་ལྟ་སྟེ། དཔེར་ན་ཕ་མ་ལ་བུ་གཅིག་པུ་ཞིག་ཡོད་ན་བུ་དེ་གཉིད་ལོག་གམ་སད་ཀྱང་རུང་སྟེ། འགྲོ་འམ། སྡོད་དམ། འདུག་གམ། ཉལ་ཡང་རྟག་ཏུ་སེམས་ལ་དྲན་ནོ། །
D119.052.0253a05.01གལ་ཏེ་ཉེས་པ་ཞིག་བྱས་ན་ཡང་ཚིག་འཇམ་པོས་སྟོན་ཅིང་འཆོས་ཀྱི་ངན་པས་ནི་མ་ཡིན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དེ་དང་འདྲ་སྟེ། གལ་ཏེ་སོ་སོའི་སྐྱེ་བོ་དག་སེམས་ཅན་དམྱལ་བ་འམ། བྱོལ་སོང་གི་སྐྱེ་གནས་སམ། གཤིན་རྗེའི་འཇིག་
D119.052.0253a06.01རྟེན་དུ་སྐྱེས་ཀྱང་རུང་། ལྷ་དང་མིར་སྐྱེས་ཀྱང་རུང་སྟེ། དགེ་བའམ་སྡིག་པ་ཅི་བྱེད་སྙམ་རྟག་ཏུ་སེམས་ཏེ་མི་གཏོང་ངོ་། །གལ་ཏེ་སྡིག་པ་མི་དགེ་བའི་ལས་ཞིག་བྱེད་ན་ཡང་དེ་ལ་ཞེ་སྡང་བའི་སེམས་མི་སྐྱེ་སྟེ། དེ་བས་ན་ས་འདི་ནི་བུ་གཅིག་པ་དང་འདྲ་བ་ཞེས་བྱའོ། །དེ་ནས་
D119.052.0253a07.01