完整藏文原文 · 德格版页 当前仅加载第 52 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བག་མ་བྱས་པ་ལས་ནད་དུ་གྱུར་པའོ། །བག་མ་བྱས་པའི་ནད་ལ་ཡང་རྣམ་པ་བཞི་སྟེ། ཉམས་ཀྱིས་མི་ལྕོགས་བཞིན་དུ་བྱེད་པ་དང་། གཡང་དུ་ལྟུང་བ་དང་། རྡོ་དབྱུག་དང་མཚོན་གྱིས་ཕོག་པ་དང་། མི་མ་ཡིན་པས་བརླམས་པའོ། །སེམས་ན་བ་ལ་ཡང་
D119.052.0187b01.01རྣམ་པ་བཞི་སྟེ། ཤིན་ཏུ་དགའ་བ་ལས་གྱུར་པ་དང་། འཇིགས་སྐྲག་པ་ལས་གྱུར་པ་དང་། མྱ་ངན་བྱེད་པ་ལས་གྱུར་པ་དང་། གཏི་མུག་ལས་གྱུར་པའོ། །རིགས་ཀྱི་བུ་གཞན་ཡང་ལུས་ན་བ་དང་། སེམས་ན་བ་ལ་རྣམ་པ་གསུམ་སྟེ། ལས་ཀྱི་རྣམ་པར་སྨིན་པ་དང་།
D119.052.0187b02.01སྡིག་པའི་གཉེན་པོ་མ་སྤངས་པ་དང་། དུས་ལས་གྱུར་པ་སྟེ། དེ་དག་ལ་སོགས་པ་ལས་རྒྱུ་དང་། རྐྱེན་དང་། མིང་དུ་འདོགས་པ་དང་། རྣམ་པ་ཐ་དད་པའི་ནད་སྐྱེས་པར་གྱུར་ཏོ། །རྒྱུ་རྐྱེན་ལས་གྱུར་པ་ནི་རླུང་ལ་སོགས་པའི་ནད་རྣམས་སོ། །མིང་དུ་འདོགས་པ་ནི་སེམས་
D119.052.0187b03.01མྱོས་པ་དང་། གློ་ན་བ་དང་། དབུགས་མི་བདེ་བ་དང་། སྐྱུག་བྲོ་བ་དང་། སྙིང་སྟོར་ལྡང་བ་དང་། ཚད་པར་འཁྲུ་བའོ། །རྣམ་པ་ཐ་དད་པ་ནི་ཀླད་པ་ན་བ་དང་། མིག་ན་བ་དང་། རྐང་ལག་ལ་སོགས་པ་ན་བ་སྟེ། དེ་དག་ནི་ན་བ་ཞེས་བྱའོ། །ཤི་བ་ཞེས་བྱ་བ་གང་ཞེ་
D119.052.0187b04.01ན། བདག་གི་ལུས་བླངས་པ་དེ་དང་བྲལ་བའོ། །ལུས་བླངས་པ་དང་བྲལ་བ་ལ་ཡང་རྣམ་པ་གཉིས་ཏེ། ཚེ་ཟད་ནས་ཤི་བ་དང་། ཕྱི་རོལ་གྱི་རྐྱེན་གྱིས་ཤི་བའོ། །ཚེ་ཟད་དེ་ཤི་བ་ལ་ཡང་རྣམ་པ་གསུམ་སྟེ། ཚེ་ཟད་ལ་བསོད་ནམས་མ་ཟད་པ་དང་། བསོད་ནམས་ནི་
D119.052.0187b05.01ཟད་ལ་ཚེ་མ་ཟད་པ་དང་། བསོད་ནམས་དང་ཚེ་གཉིས་ཀ་ཟད་པའོ། །ཕྱི་རོལ་གྱི་རྐྱེན་གྱིས་ཤི་བ་ལ་ཡང་རྣམ་པ་གསུམ་སྟེ། མི་རིགས་པར་བདག་ལྕེབས་ཏེ་ཤི་བ་དང་། ཕ་རོལ་པོ་གཞན་གྱིས་བསད་པ་དང་། གཉིས་ཀ་དང་བཅས་ཏེ་ཤི་བའོ། །གཞན་ཡང་ཤི་བ་
D119.052.0187b06.01ལ་རྣམ་པ་གསུམ་ཡོད་དོ། །བག་མེད་པས་ཤི་བ་དང་། ཚུལ་ཁྲིམས་ཉམས་པས་ཤི་བ་དང་། ཚེའི་དབང་པོ་ཞིག་སྟེ་ཤི་བའོ། །དེ་ལ་བག་མེད་པས་ཤི་བ་གང་ཞེ་ན། ཐེག་པ་ཆེན་པོ་ཤིན་ཏུ་རྒྱས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྐུར་པ་ནི་བག་མེད་པས་ཤི་བ་ཞེས་བྱའོ། །
D119.052.0187b07.01