完整藏文原文 · 德格版页 当前仅加载第 52 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་འདི་ལྟ་སྟེ་དཔེར་ན་ནོར་བུ་རིན་པོ་ཆེ་ཆུ་འདང་ལྟ་བུ་ཆུ་རྙོག་མ་ཅན་གྱི་ནང་དུ་བཅུག་ན་ནོར་བུའི་མཐུས་ཆུ་དང་བར་འགྱུར་གྱི་འཇིམ་པའི་ནང་དུ་བཅུག་ན་དང་བར་མི་འགྱུར་རོ། །མྱ་ངན་ལས་འདས་པ་ཆེན་པོའི་མདོ་སྡེ་དམ་པ་ཡང་དེ་དང་འདྲ་སྟེ། སེམས་ཅན་མཚམས་
D119.052.0142b01.01མེད་པ་ལྔ་བྱས་པ་དང་། ཕས་ཕམ་པ་བཞི་བྱུང་བའི་ཆུ་རྙོག་མ་ཅན་ལྟ་བུའི་ནང་དུ་བཅུག་ན་དག་པར་འགྱུར་ཞིང་བྱང་ཆུབ་ཏུ་སེམས་སྐྱེ་ཡང་སྲིད་ཀྱི། ལོག་སྲེད་ཅན་འཇིམ་རྫབ་ལྟ་བུའི་ནང་དུ་ནི་ལོ་བརྒྱ་སྟོང་གི་བར་དུ་བཞག་ཀྱང་དག་པར་འགྱུར་ཞེའམ། བྱང་ཆུབ་ཀྱི་སེམས་
D119.052.0142b02.01སྐྱེ་མི་སྲིད་དོ། །དེ་ཅིའི་ཕྱིར་ཞེ་ན། ལོག་སྲེད་ཅན་ནི་དགེ་བའི་རྩ་བ་ཀུན་མེད་པར་བྱས་པས་སྣོད་དུ་མ་གྱུར་ཏོ། །དེ་ལ་གལ་ཏེ་གང་ཟག་དེས་ལོ་བརྒྱ་སྟོང་གི་བར་དུ་མྱ་ངན་ལས་འདས་པ་ཆེན་པོའི་མདོ་སྡེ་འདི་མཉན་ཏམ། འཛིན་ཀྱང་བྱང་ཆུབ་ཏུ་སེམས་བསྐྱེད་མི་ནུས་
D119.052.0142b03.01སོ། །དེ་ཅིའི་ཕྱིར་ཞེ་ན། དགེ་བའི་སེམས་མེད་པའི་ཕྱིར་རོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་སྨན་གྱི་སྡོང་པོའི་ནང་ན་སྨན་གྱི་རྒྱལ་པོ་ཞེས་བྱ་བ་ནི་སྨན་གྱི་ནང་ན་མཆོག་དང་། ཕུལ་དུ་གྱུར་པས་དར་བ་དང་སྦྱར་རམ། སྦྲང་རྩི་དང་སྦྱར་རམ། མར་དང་
D119.052.0142b04.01སྦྱར་རམ། ཆུ་དང་བསྲེས་སམ། འོ་མ་དང་བསྲེས་སམ། ཕྱེ་མར་བཏགས་སམ། རིལ་བུར་བྱས་སམ། འདེ་གུར་བསྐུས་སམ། དྲིས་བདུགས་སམ། མིག་ཏུ་བསྐུས་སམ། མཐོང་ངམ། བསྣམས་པ་ཙམ་གྱིས་ཀྱང་སེམས་ཅན་གྱི་ནད་ཐམས་ཅད་ཞི་བར་བྱེད་དེ།
D119.052.0142b05.01འོན་ཀྱང་སྨན་གྱི་སྡོང་པོ་དེ་འདི་སྙམ་དུ་སེམས་ཅན་དག་བདག་གི་རྩ་བ་བླངས་ན་ལོ་མ་བརྔ་བའི་མི་རིགས་སྙམ་མམ། ལོ་མ་བརྔས་ན་རྩ་བ་བླང་བའི་མི་རིགས་སྙམ་མམ། སྡོང་པོ་བླངས་ན་པགས་པ་བཤུ་བའི་མི་རིགས་སྙམ་མམ། པགས་པ་བཤུས་ན་སྡོང་པོ་བརྔ་བའི་
D119.052.0142b06.01མི་རིགས་སྙམ་མི་སེམས་ཏེ། དེ་ལྟར་མི་སེམས་མོད་ཀྱི། འོན་ཀྱང་སེམས་ཅན་གྱི་ནད་ཀྱི་སྡུག་བསྔལ་ཐམས་ཅད་སེལ་ནུས་སོ། །རིགས་ཀྱི་བུ་མྱ་ངན་ལས་འདས་པ་ཆེན་པོའི་མདོ་སྡེ་དམ་པ་འདི་ཡང་དེ་དང་འདྲ་སྟེ། སེམས་ཅན་ཐམས་ཅད་ཀྱི་ཕས་ཕམ་པ་བཞི་དང་།
D119.052.0142b07.01