完整藏文原文 · 德格版页 当前仅加载第 52 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཚེ་ཡང་འཆི་བས་འཕྲོག །རྟག་པའི་ཆོས་ནི་གང་ཡང་མེད། །དབང་དུ་གྱུར་པའི་རྒྱལ་པོ་དག །བྱིན་དང་མཐུ་སྟོབས་ཟླ་མེད་ཀྱང་། །ཐམས་ཅད་འགྱུར་ཞིང་འཕོ་བས་ན། །འཚོ་བའི་སྲོག་ཀྱང་དེ་བཞིན་ནོ། །སྡུག་བསྔལ་འཁོར་ལོ་མཐའ་མེད་དེ། །འཁོར་
D119.052.0022b01.01བར་འཁོར་བ་རྒྱུན་མི་འཆད། །ཁམས་གསུམ་ཐམས་ཅད་རྟག་པ་མེད། །སྲིད་པ་ཐམས་ཅད་བདེ་མ་ཡིན། །སྲིད་པའི་མཚན་ཉིད་དངོས་པོ་ནི། །ཐམས་ཅད་སྟོང་པ་མེད་པ་སྟེ། །འཇིག་པའི་ཆོས་ཅན་འགྱུར་ཞིང་འཕོ། །མྱ་ངན་སྐྱོན་དང་རྟག་ཏུ་བཅས། །
D119.052.0022b02.01སྐྱོན་མང་འཇིག་པའི་ཆོས་ཅན་ཏེ། །རྒ་དང་ན་འཆིས་རྟག་ཏུ་གཙེས། །སྲིད་པའི་ཆོས་ནི་མཐའ་ཡས་པས། །འགྱུར་ཞིང་འཕོ་བའི་དགྲ་དང་བཅས། །ཉོན་མོངས་ཀུན་དུ་གླགས་པ་ནི། །ཇི་ལྟར་དར་གྱི་སྲིན་བུ་བཞིན། །དེ་ལ་མཁས་པ་ཤེས་རབ་ཅན། །སུ་ཞིག་
D119.052.0022b03.01དགའ་ཞིང་མོས་པར་བྱེད། །ལུས་འདི་སྡུག་བསྔལ་ཕུང་པོ་སྟེ། །ཐམས་ཅད་མི་གཙང་བཙོག་པའོ། །སྐྱོན་གྱིས་བཅིངས་ཤིང་རྨ་དང་ལྡན། །ཕན་པའི་དོན་ནི་ཡེ་ནས་མེད། །ཡར་ན་ལྷ་ཡི་ལུས་བར་དུ། །ཐམས་ཅད་དེ་དང་འདྲ་བས་ན། །འདོད་པ་ཐམས་
D119.052.0022b04.01ཅད་མི་རྟག་པས། །ང་ནི་དེ་ལ་ཆགས་མི་བྱེད། །འདོད་སྤངས་ལེགས་པར་ཡིད་བྱས་ན། །ཡང་དག་བདེན་པ་རིག་པར་འགྱུར། །སྲིད་པ་ཡོངས་སུ་གཅོད་པ་ནི། །དེང་འདིར་ཡོངས་སུ་མྱ་ངན་འདའ། །ང་ནི་སྲིད་པའི་ཕ་རོལ་ཕྱིན། །སྡུག་བསྔལ་ཀུན་ལས་ཤིན་
D119.052.0022b05.01ཏུ་འདས། །དེ་བས་ད་ལྟར་ཐོབ་པ་ནི། །བླ་མེད་བདེ་བ་འབའ་ཞིག་གོ། །དེ་ཡི་རྒྱུ་དང་རྐྱེན་གྱིས་ན། །སྤྲོས་པ་མེད་པའི་མཐའ་རིག་སྟེ། །བཅིང་བ་ཐམས་ཅད་ཡོངས་བཅད་ནས། །དེང་འདིར་ཡོངས་སུ་མྱ་ངན་འདའ། །ང་ལ་རྒ་ཤི་ན་བ་མེད། །སྐུ་ཚེའི་ཚད་ཀྱང་
D119.052.0022b06.01ཟད་མི་ཤེས། །དེང་དུ་མྱ་ངན་འདས་པ་ནི། །ཇི་ལྟར་མེ་ཆེན་ཤི་བ་བཞིན། །ཙུན་ད་ཁྱོད་ནི་མ་རྟོག་ཤིག །དེ་བཞིན་གཤེགས་པའི་དོན་རྣམས་ལ། །དེ་བཞིན་གཤེགས་པའི་སྙིང་པོ་འདི། །རི་རབ་བཞིན་དུ་བརྟག་པར་བྱ། །ང་ནི་མྱ་ངན་འདས་ཞུགས་ཏེ། །མཆོག་གི་
D119.052.0022b07.01