完整藏文原文 · 德格版页 当前仅加载第 52 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་བར་དུ་ཐོབ་པ་མ་ལགས་སོ། །སྦྱིན་པ་ཕྱིས་བཞེས་པ་ནི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པ་ནས་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་ཡོངས་སུ་རྫོགས་ལ་སངས་རྒྱས་ཀྱི་སྤྱན་དང་ལྡན་པ་ནས། ཤེས་རབ་ཀྱི་སྤྱན་གྱི་བར་དུ་ལྡན་པ་
D119.052.0020a01.01ལགས་ན་ཅིའི་སླད་དུ་སྦྱིན་པ་རྣམ་པ་གཉིས་ཀྱི་འབྲས་བུ་ཁྱད་པར་མ་མཆིས་ཞེས་གསུངས། བཅོམ་ལྡན་འདས་སྦྱིན་པ་སྔར་བླངས་པ་ནི་བླངས་མ་ཐག་ཏུ་འཚལ་ནས་དེ་མ་ཐག་ཏུ་ཞུ་བས་ཚེ་དང་། མདོག་དང་། སྟོབས་དང་། བདེ་བ་དང་། སོ་སོ་ཡང་དག་པར་རིག་པ་
D119.052.0020a02.01ཐོབ་པ་ལགས་སོ། །སྦྱིན་པ་ཕྱིས་བཞེས་པ་ནི་གསོལ་བ་དང་ཞུ་བ་ཡང་མ་མཆིས་ལ། འབྲས་བུ་རྣམ་པ་ལྔ་པོ་ཡང་མ་མཆིས་ན་ཅིའི་སླད་དུ་སྦྱིན་པ་རྣམ་པ་གཉིས་ཀྱི་འབྲས་བུ་ཁྱད་པར་མ་མཆིས་ཞེས་གསུངས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་
D119.052.0020a03.01བུ་དེ་བཞིན་གཤེགས་པ་ནི་བསྐལ་པ་ཚད་མེད། མཐའ་ཡས་གྲངས་མེད་པའི་བར་དུ་ཟས་སམ་ཉོན་མོངས་པ་དང་བཅས་པའི་སྐུ་མ་ཡིན། ནང་གི་ཐ་མའི་སྐུ་མ་ཡིན་ཏེ། རྟག་པའི་སྐུ། ཆོས་ཀྱི་སྐུ། རྡོ་རྗེའི་སྐུའོ། །རིགས་ཀྱི་བུ་སངས་རྒྱས་ཀྱི་རང་བཞིན་མ་མཐོང་བ་
D119.052.0020a04.01ནི་ཉོན་མོངས་པའི་ལུས། ཟས་དང་བཅས་པའི་ལུས། ནང་གི་ཐ་མའི་ལུས་སོ། །བྱང་ཆུབ་སེམས་དཔའ་དེའི་ཚེ་བསོད་སྙོམས་བཞེས་ནས་རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ་བསོད་སྙོམས་ཞུ་མ་ཐག་ཏུ་སངས་རྒྱས་ཀྱི་རང་བཞིན་མཐོང་ནས། བླ་ན་མེད་པ་
D119.052.0020a05.01ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཏེ། དེ་བས་ན་སྦྱིན་པ་གཉིས་ཀྱི་འབྲས་བུ་ཁྱད་པར་མེད་དོ་ཞེས་ངས་གསུངས་སོ། །བྱང་ཆུབ་སེམས་དཔའ་ཐོག་མ་ཡང་བདུད་བཞི་བཅོམ་ལ། ང་མྱ་ངན་ལས་འདའ་ཀར་ཡང་བདུད་རྣམ་བཞི་
D119.052.0020a06.01བཅོམ་པས་དེ་བས་ན་སྦྱིན་པ་རྣམ་པ་གཉིས་ཀྱི་འབྲས་བུ་ཁྱད་པར་མེད་དོ་ཞེས་ངས་གསུངས་སོ། །བྱང་ཆུབ་སེམས་དཔའ་དེའི་ཚེ་ན་མདོ་སྡེ་བཅུ་གཉིས་རྒྱས་པར་མ་གསུངས་མོད་ཀྱི། ཐམས་ཅད་སྔར་ཐུགས་སུ་ཆུད་ལ་ང་མྱ་ངན་ལས་འདའ་ཀར་སེམས་ཅན་རྣམས་
D119.052.0020a07.01