完整藏文原文 · 德格版页 当前仅加载第 52 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་རོ། །རིགས་ཀྱི་བུ་འདི་ལྟ་སྟེ་དཔེར་ན་རྗེས་ཐམས་ཅད་ཀྱི་ནང་ན་བལ་གླང་གི་རྗེས་མཆོག་གོ། །དེ་བཞིན་དུ་མདོ་སྡེ་འདི་ཡང་མདོ་སྡེ་གཞན་ཐམས་ཅད་ཀྱི་ཏིང་ངེ་འཛིན་པས་མཆོག་གོ །རིགས་ཀྱི་བུ་འདི་ལྟ་སྟེ། ཞིང་རྨོས་པའི་ནང་ན་སྟོན་ལོག་བཏབ་པ་ནི་
D119.052.0055a01.01ཞིང་གི་ནང་ན་མཆོག་གོ། །དེ་བཞིན་དུ་མདོ་སྡེ་འདི་ཡང་མདོ་སྡེ་ཀུན་གྱི་མཆོག་གོ། །རིགས་ཀྱི་བུ་འདི་ལྟ་སྟེ། སྨན་གྱི་ནང་ན་མར་གྱི་སྙིང་པོ་མཆོག་གོ། །དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོ་འདི་ཡང་སེམས་ཅན་ཐམས་ཅད་ཀྱི་ཉོན་མོངས་པས་གདུང་བའི་སེམས་
D119.052.0055a02.01ཞི་བར་བྱེད་པས་མཆོག་གོ། །རིགས་ཀྱི་བུ་དཔེར་ན་མར་དང་ར་རུ་ནི་རོ་རྣམ་པ་བརྒྱད་དང་ལྡན་ནོ། །དེ་བཞིན་དུ་མྱ་ངན་ལས་འདས་པ་ཆེན་པོ་འདི་ཡང་རོ་བརྒྱད་དང་ལྡན་ནོ། །བརྒྱད་གང་ཞེ་ན། རྟག་པ་དང་། ཐེར་ཟུག་དང་། བདེ་བ་དང་། བསིལ་བ་དང་། མི་རྒ་བ་དང་། མི་
D119.052.0055a03.01འཆི་བ་དང་། དྲི་མ་མེད་པ་དང་། རབ་ཏུ་སྐྱིད་པ་སྟེ། རོ་བརྒྱད་ཅེས་བྱའོ། །རོ་བརྒྱད་དང་ལྡན་པས་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་འདི་ལ་རབ་ཏུ་གནས་ཤིང་། བར་བར་གནས་དེ་ཉིད་ཀྱིས་མྱ་ངན་ལས་
D119.052.0055a04.01འདའ་བ་སྟོན་པ་དེ་ནི་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །འོད་སྲུང་རིགས་ཀྱི་བུའམ་རིགས་ཀྱི་བུ་མོ་གང་ཞིག་ཡོངས་སུ་མྱ་ངན་ལས་འདས་པ་ཆེན་པོས་མྱ་ངན་ལས་འདའ་བར་འདོད་ན་འདི་བཞིན་དུ་བསླབ་པར་བྱའོ། །དེ་བཞིན་གཤེགས་པ་ནི་རྟག་པ་གནས་པའི་
D119.052.0055a05.01ཆོས་ཅན་ཏེ། ཆོས་དང་དགེ་འདུན་ཡང་དེ་བཞིན་དུ་རིག་པར་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །ངོ་མཚར་ཆེའོ། །བཅོམ་ལྡན་འདས་དེ་བཞིན་གཤེགས་པའི་ཡོན་ཏན་ཡང་བསམ་གྱིས་མི་ཁྱབ། ཆོས་དང་
D119.052.0055a06.01དགེ་འདུན་ཡང་བསམ་གྱིས་མི་ཁྱབ་སྟེ། ཡོངས་སུ་མྱ་ངན་ལས་འདས་པ་ཆེན་པོ་ཡང་བསམ་གྱིས་མི་ཁྱབ་བོ། །གང་སུ་ཞིག་མདོ་སྡེ་འདི་སློབ་པ་ནི་ཡང་དག་པའི་ཆོས་ཀྱི་སྒོ་ཐོབ་ཅིང་། སྨན་པ་མཁས་པ་ཞེས་བགྱི་ལ། གང་མི་སློབ་པ་དེ་དག་ནི་ལྡོངས་པ་ཤེས་རབ་ཀྱི་
D119.052.0055a07.01