完整藏文原文 · 德格版页 当前仅加载第 52 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
མི་རུང་ངོ་། །དེ་ཅིའི་ཕྱིར་ཞེ་ན། རྒྱུན་དུ་ཞུགས་པ་ཡང་སྡོམ་པ་མི་འཇིག་ན་དགྲ་བཅོམ་པ་ལྟ་སྨོས་ཀྱང་ཅི་དགོས། གལ་ཏེ་ཚེ་དང་ལྡན་པ་ཁྱེད་བདག་དགྲ་བཅོམ་པའི་འབྲས་བུ་ཐོབ་ཅེས་ཟེར་ན། དགྲ་བཅོམ་པ་ནི་བདག་དགྲ་བཅོམ་པ་ཡིན་ནོ་ཞེས་བྱ་བའི་
D119.052.0296a01.01འདུ་ཤེས་མི་སྐྱེད་དོ། །དགྲ་བཅོམ་པ་ནི་དགེ་བ་འབའ་ཞིག་འཆད་དེ་མི་དགེ་བ་མི་འཆད་ན། ཚེ་དང་ལྡན་པས་བཤད་དོ་ཅོག་ནི་ཆོས་མ་ཡིན་པ་ཤ་སྟག་སྟེ། གལ་ཏེ་གང་མདོ་སྡེ་བཅུ་གཉིས་མཐོང་བས་ནི་ཚེ་དང་ལྡན་པ་དག་ངེས་པར་དགྲ་བཅོམ་པ་མ་ཡིན་པར་རིག་གོ། །རིགས་
D119.052.0296a02.01ཀྱི་བུ་དེའི་ཚེ་ན་ཚུལ་ཁྲིམས་འདྲལ་བའི་འཁོར་རྣམས་ཀྱིས་དགྲ་བཅོམ་པ་དེའི་སྲོག་གི་འཚོ་བ་གཅོད་དོ། །རིགས་ཀྱི་བུ་དེའི་ཚེ་ན་བདུད་སྡིག་ཅན་གྱིས་དགེ་འདུན་སྡེ་གཉིས་ཁྲོས་འཁྲུགས་པའི་སེམས་སུ་གྱུར་པའི་སྐབས་སུ་དགེ་སློང་དྲུག་བརྒྱ་པོ་དེ་དག་ལ་རབ་ཏུ་གནོད་
D119.052.0296a03.01པར་གཙེས་སོ། །དེ་ནས་སྐྱེ་བོ་མ་རབས་རྣམས་ཀྱིས་སོ་སོ་ནས་འདི་སྐད་དུ་ངོ་མཚར་ཏོ། །སངས་རྒྱས་ཀྱི་ཆོས་ནི་ནུབ་བོ་ཟད་དོ་ཅེས་ཟེར་ཏེ་ཡང་དག་པར་ན་ངའི་དམ་པའི་ཆོས་ནི་མ་ནུབ་སྟེ། དེའི་ཚེ་ན་ཡུལ་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཁྲི་ཕྲག་བཅུ་
D119.052.0296a04.01གཉིས་ངའི་ཆོས་ཤིན་ཏུ་འཛིན་ན། ཅི་སྟེ་ངའི་ཆོས་ནུབ་ཅེས་བྱ། དེའི་ཚེ་དེའི་དུས་ན་འཛམ་བུའི་གླིང་དུ་ངའི་ཉེ་གནས་སུ་གྱུར་པའི་དགེ་སློང་གཅིག་ཀྱང་མེད་ནས་དེ་ནས་བདུད་སྡིག་ཏོ་ཅན་གྱིས། མེ་བོ་ཆེ་བུས་ནས་མདོ་སྡེ་ཐམས་ཅད་བསྲེགས་སོ། །དེ་ལ་ཅུང་ཟད་ལུས་པ་
D119.052.0296a05.01དག་ནི་བྲམ་ཟེ་རྣམས་ཀྱིས་མདོ་མདོར་བརྐུས་ནས་ཁོ་བ་དག་གི་གཞུང་དུ་བསྟན་ཏེ། དེ་ལྟ་བས་ན་སངས་རྒྱས་མ་བྱུང་བའི་སྔོན་ལོགས་སུ་བྱང་ཆུབ་སེམས་དཔའ་ཕྲ་མོ་རྣམས་གཅིག་གིས་གཅིག་དྲངས་ཏེ་བྲམ་ཟེའི་ཚིག་ལ་མོས་ཤིང་འཛིན་ཏོ། །བྲམ་ཟེ་རྣམས་འདི་སྐད་དུ་བདག་
D119.052.0296a06.01ལ་འདུལ་ཁྲིམས་ཡོད་དོ་ཞེས་ཟེར་མོད་ཀྱི། ཡང་དག་པར་ན་མུ་སྟེགས་ཅན་ལ་ཡོད་པ་མ་ཡིན་ནོ། །མུ་སྟེགས་ཅན་རྣམས་བདག་དང་བདེ་བ་དང་། ཡོངས་སུ་དག་པ་ཡོད་དོ་ཞེས་སྨྲ་མོད་ཀྱི། ཡང་དག་པར་ན་བདག་དང་བདེ་བ་དང་། ཡོངས་སུ་དག་པའི་དོན་མི་ཤེས་
D119.052.0296a07.01