完整藏文原文 · 德格版页 当前仅加载第 52 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
གཏོགས་པར་ཉན་ཐོས་དང་རང་སངས་རྒྱས་ཀྱིས་ཀྱང་བརྗོད་དུ་ནུས་པ་མ་ཡིན་ནོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་སྤྱོད་ཡུལ་ཡིན་ཏེ། བསམ་གྱིས་མི་ཁྱབ་པའི་ཕྱིར་རོ། །དེ་ལ་གང་ཞིག་འཆང་ངམ། འཛིན་ཏམ། ཀློག་གམ། འདོན་ཏམ། ཁོང་དུ་ཆུད་པར་
D119.052.0168b01.01བྱེད་དམ། གླེགས་བམ་ལ་འདྲིའམ། འདྲིར་བཅུག་པ་ལྟ་སྨོས་ཀྱང་ཅི་དགོས་ཏེ་དེའི་ཚེ་འཇིག་རྟེན་དུ་བཅས་པ་ལྷ་དང་མི་དང་ལྷ་མ་ཡིན་ལ་སོགས་པ་ཐམས་ཅད་ཀྱིས། སངས་རྒྱས་ཀྱི་སྤྱན་སྔར་སྐད་འཐུན་པར་ཚིགས་སུ་བཅད་པ་འདི་སྐད་ཅེས་གསོལ་ཏོ། །སངས་རྒྱས་
D119.052.0168b02.01རྣམས་ནི་བསམ་མི་ཁྱབ། །ཆོས་དང་དགེ་འདུན་དེ་བཞིན་ཏེ། །དེ་བས་བདག་ཅག་གསོལ་བ་འདེབས། །ད་རུང་ཅུང་ཟད་བཞུགས་པར་གསོལ། །བཙུན་པ་འོད་སྲུང་ཆེན་པོ་དང་། །གཞན་ཡང་དགའ་བོ་ལ་སོགས་པ། །འཁོར་གྱི་དཀྱིལ་འཁོར་གཉིས་པོ་ཡང་། །
D119.052.0168b03.01མ་མཆིས་རེ་ཞིག་གཞེས་སུ་གསོལ། །དབུས་གྱུར་འཆང་གི་ཡུལ་བདག་པོ། །རྒྱལ་པོ་ཆེན་པོ་མ་སྐྱེས་དགྲ། །སངས་རྒྱས་ལ་ནི་རབ་མོས་པ། །དེ་ཡང་ད་དུང་འདིར་མ་མཆིས། །དེ་བཞིན་གཤེགས་པ་ཐུགས་བརྩེའི་ཕྱིར། །ད་དུང་ཅུང་ཟད་གཞེས་སུ་གསོལ། །
D119.052.0168b04.01འཁོར་གྱི་དཀྱིལ་འཁོར་མང་པོ་འདིར། །བདག་གི་ཐེ་ཙོམ་གཅད་དུ་གསོལ། །དེ་ནས་དེ་བཞིན་གཤེགས་པས་འཁོར་མང་པོ་དག་ལ་ཚིགས་སུ་བཅད་དེ་བཀའ་སྩལ་པ། ང་ཡི་ཆོས་ཀྱི་སྲས་ཐུ་བོ། །འོད་སྲུང་ཆེན་པོ་ཞེས་བྱ་སྟེ། །དགའ་བོ་བརྩོན་འགྲུས་རྩོམ་པའི་མཆོག །
D119.052.0168b05.01ཀུན་གྱི་ཐེ་ཙོམ་གཅོད་པར་འགྱུར། །ཁྱོད་ཀྱིས་ཤིན་ཏུ་ལེགས་པར་ཉོན། །དགའ་བོ་མང་དུ་ཐོས་པ་ལས། །ཤིན་ཏུ་རྟོགས་པར་འགྱུར་བ་ནི། །རྟག་དང་མི་རྟག་དོན་རྣམས་ཏེ། །དེ་བས་དེ་ཡི་ཕྱིར་ན་ཁྱེད། །མི་དགའ་མྱ་ངན་མ་བྱེད་ཅིག །དེའི་ཚེ་འཁོར་གྱི་དཀྱིལ་
D119.052.0168b06.01འཁོར་མང་པོ་དེ་དག་མཆོད་པའི་ཡོ་བྱད་རྣམ་པ་སྣ་ཚོགས་ཀྱིས་བཅོམ་ལྡན་འདས་ལ་མངོན་པར་མཆོད་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །བྱང་ཆུབ་སེམས་དཔའ་ཚད་མེད་མཐའ་ཡས་པ་ཀླུང་གང་གཱའི་བྱེ་མ་སྙེད་ནི་ས་
D119.052.0168b07.01