完整藏文原文 · 德格版页 当前仅加载第 52 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་མ་སྐྱེས་དགྲས་ཕ་བསད་ནས་ང་གང་ན་བ་དེར་འོངས་ནས་གདུལ་བར་འདོད་པའི་ཕྱིར་ང་ལ་འདི་སྐད་ཅེས་དྲིས་སོ། །ཇི་ལྟར་ན་སངས་རྒྱས་བཅོམ་ལྡན་འདས་ཐམས་ཅད་མཁྱེན་པ་ཞེས་བགྱི་བ་དེ་ནི་ཐམས་ཅད་མཁྱེན་པ་མ་ལགས་སོ། །ཅི་སྟེ་ཐམས་ཅད་མཁྱེན་
D119.052.0165a01.01པ་ལགས་ན། ལྷ་སྦྱིན་ལྟ་བུ་སྔོན་སྐྱེ་བ་གྲངས་མེད་པའི་བར་དུ་ངན་སེམས་ཀྱིས་དེ་བཞིན་གཤེགས་པ་ལ་གནོད་པ་བགྱིད་པ་ལགས་ན། ཅིའི་སླད་དུ་དེ་བཞིན་གཤེགས་པས་རབ་ཏུ་བྱུང་བར་གནང་ཞེས་དྲིས་ནས་རིགས་ཀྱི་བུ་དེའི་རྒྱུ་དེའི་རྐྱེན་གྱིས་རྒྱལ་པོ་དེའི་ཕྱིར་ཚིགས་སུ་བཅད་པ་འདི་
D119.052.0165a02.01སྐད་ཅེས་སྨྲས་སོ། །ཕ་རོལ་གཞན་གྱིས་སྨྲས་པ་ལ། །རྗེས་སུ་གཞོལ་གྱི་ཕྱིར་མི་བཟློག །གཞན་གྱིས་བྱས་དང་མ་བྱས་པ། །དེ་ལ་བརྟག་པར་མི་བྱའོ། །བདག་གི་ལུས་ལ་ཤིན་ཏུ་བརྟག །དགེ་དང་མི་དགེ་གང་སྤྱོད་པ། །བཅོམ་ལྡན་འདས་ཀྱིས་བཀའ་སྩལ་
D119.052.0165a03.01པ། རྒྱལ་པོ་ཆེན་པོ་ཕ་བསད་པའི་མཚམས་མེད་པའི་ཁ་ན་མ་ཐོ་བའི་ལས་བྱས་ཀྱིས། ཤིན་ཏུ་འགྱོད་ཅིང་མཐོལ་ལ་ཡོངས་སུ་དག་པར་འགྱུར་བར་མི་བྱ་བར་ཅིའི་ཕྱིར་གཞན་གྱི་ཉེས་པའི་སྐྱོན་འཚོལ་བ་ལ་ཞུགས་ཞེས། རིགས་ཀྱི་བུ་ངས་རྒྱལ་པོ་དེའི་ཕྱིར་དེ་བས་ན་ཚིགས་སུ་བཅད་
D119.052.0165a04.01པ་དེ་དག་གསུངས་པ་ཡིན་ནོ། །གཞན་ཡང་རིགས་ཀྱི་བུ་གང་ཚུལ་ཁྲིམས་ཡོངས་སུ་སྲུང་ཞིང་སྤྱོད་ལམ་དང་ལྡན་པ་དག་གཞན་གྱི་སྐྱོན་ཚོལ་བ་ལ་ཞུགས་པ་རྣམས་ཀྱི་ཕྱིར་ཡང་ཚིགས་སུ་བཅད་པ་དེ་སྐད་ཅེས་གསུངས་པ་ཡིན་ནོ། །གང་ཟག་སུ་ཞིག་ཕ་རོལ་པོས་བསྟན་ཅིང་འཆོས་
D119.052.0165a05.01པའི་རྗེས་སུ་མི་དགེ་བ་ཡོངས་སུ་སྤོང་སྟེ། གཞན་དག་ཀྱང་མི་དགེ་བའི་ལས་ཟློག་པར་བྱེད་ན་དེ་ནི་ངའི་ཉེ་གནས་ཡང་དག་པའོ། །དེ་ནས་བཅོམ་ལྡན་འདས་ཀྱིས་འཇམ་དཔལ་ལ་ཚིགས་སུ་བཅད་དེ་བཀའ་སྩལ་པ། མཚོན་ཆས་མི་འཇིགས་གང་ཡང་མེད། །འཚོ་བའི་
D119.052.0165a06.01སྲོག་ལ་ཐམས་ཅད་ཆགས། །བདག་གི་ལུས་ལ་དཔེ་བླངས་ཏེ། །གཞན་ལ་མ་འཚོག་མ་གསོད་ཅིག །དེ་ནས་འཇམ་དཔལ་གཞོན་ནུར་གྱུར་པས་ཡང་བཅོམ་ལྡན་འདས་ཀྱི་སྤྱན་སྔར་ཚིགས་སུ་བཅད་དེ་གསོལ་བ། ཐམས་ཅད་མཚོན་ཆས་འཇིགས་པ་མིན། །
D119.052.0165a07.01