完整藏文原文 · 德格版页 当前仅加载第 52 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ས་ལ་དང་། ཨ་ལི་ལ་བར་ཏ་དང་། མ་ཧཱ་དང་། སིན་དུ་དང་། པག་ཤུ་དང་། སི་ཏ་ཞེས་བྱ་བ་ཆུ་ཀླུང་ཆེན་པོ་བརྒྱད་དང་། དེ་མ་ཡིན་པའི་ཆུ་བྲན་ཐམས་ཅད་ཀྱང་རྒྱ་མཚོ་ཆེན་པོར་འབབ་བོ། །འོད་སྲུང་དེ་བཞིན་དུ་ལྷ་དང་བཅས་པ་དང་། ས་དང་། ནམ་
D119.052.0045a01.01མཁའ་ལ་གནས་པ་ཐམས་ཅད་ཀྱི་ཚེ་སྲོག་གི་ཆུ་ཀླུང་ཐམས་ཅད་དེ་བཞིན་གཤེགས་པའི་སྐུ་ཚེའི་རྒྱ་མཚོར་འབབ་བོ། །དེ་བས་ན་དེ་བཞིན་གཤེགས་པའི་སྐུ་ཚེ་ནི་ཚད་མེད་དོ། །འོད་སྲུང་གཞན་ཡང་འདི་ལྟ་སྟེ། མཚོ་མ་དྲོས་ཞེས་བྱ་བ་ལས་ཆུ་ཀླུང་ཆེན་པོ་བཞི་འབབ་བོ། །
D119.052.0045a02.01དེ་བཞིན་གཤེགས་པ་ཡང་དེ་དང་འདྲ་བར་ཚེ་ཐམས་ཅད་ཀྱི་འབྱུང་གནས་ཡིན་ནོ། །འོད་སྲུང་འདི་ལྟ་སྟེ། རྟག་པའི་ཆོས་ཐམས་ཅད་ཀྱི་ནང་ན། ནམ་མཁའ་ནི་མཆོག་གོ། །དེ་བཞིན་གཤེགས་པ་ཡང་། དེ་བཞིན་དུ་རྟག་པའི་ནང་ན་མཆོག་ཏུ་གྱུར།
D119.052.0045a03.01ཕུལ་དུ་གྱུར་ཏོ། །འོད་སྲུང་འདི་ལྟ་སྟེ། སྨན་གྱི་ནང་ན་མར་གྱི་སྙིང་པོ་ནི་མཆོག་གོ། །དེ་བཞིན་དུ་དེ་བཞིན་གཤེགས་པ་ཡང་། སེམས་ཅན་ཐམས་ཅད་ཀྱི་ནང་ན་སྐུ་ཚེའི་མཆོག་ཏུ་གྱུར་ཏོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་
D119.052.0045a04.01གསོལ་པ། དེ་བཞིན་གཤེགས་པའི་སྐུ་ཚེ་དེ་ལྟར་གྱུར་ན། བསྐལ་པ་གཅིག་གམ། བསྐལ་པ་གཅིག་འགྲིབས་ཀྱི་བར་དུ་བཞུགས་ཏེ། དམ་པའི་ཆོས་ཀྱི་ཆར་རྟག་ཏུ་དབབ་པའི་རིགས་སོ། །བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་ཁྱོད་
D119.052.0045a05.01ཀྱིས་དེ་བཞིན་གཤེགས་པ་ལ་འགོག་པའམ། ཟད་པའི་འདུ་ཤེས་མ་སྐྱེད་ཅིག །འོད་སྲུང་ཅི་སྟེ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། མུ་སྟེགས་ཅན་གྱི་བར་དུ་མངོན་པར་ཤེས་པ་ལྔ་དང་ལྡན་པ། དབང་དུ་གྱུར་
D119.052.0045a06.01པ་དག་ཀྱང་བསྐལ་པ་གཅིག་གམ། བསྐལ་པ་གཅིག་འགྲིབས་ཀྱི་བར་དུ། ནམ་མཁའ་སྟོང་པ་ལ་འགྲོ་བ་དང་། སྡོད་པ་དང་། འདུག་པ་དང་། ཉལ་བའི་དབང་ཐོབ་ནས་རྩིབ་ལོགས་གཡོན་ནས་ནི་མེ་འབར། རྩིབ་ལོགས་གཡས་ནས་ནི་ཆུ་འབབ།
D119.052.0045a07.01