完整藏文原文 · 德格版页 当前仅加载第 52 函德格 309a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ནི་བླ་ན་མེད་པའི་སྨན་པ་ཞེས་བྱ་སྟེ། སྟོན་པ་དྲུག་ལྟ་བུ་ནི་མ་ཡིན་ནོ། །རྒྱལ་པོ་ཆེན་པོ་ཀླུང་གང་གཱའི་འགྲམ་ན་{ཡི་དགས་,ཡི་དྭགས་}ལྔ་བརྒྱ་ཡོད་དེ། ལོ་གྲངས་མེད་པའི་བར་དུ་ཆུ་ཡང་མི་མཐོང་ངོ་། །ཅི་སྟེ་ཆུ་འགྲམ་དུ་ཕྱིན་པ་ན་ཡང་མེའི་ཕུང་པོ་ཆེན་པོར་མཐོང་སྟེ། སྐོམ་
D119.052.0309a01.01པ་དང་བཀྲེས་པས་ཉེན་ཏེ་སྐད་ཆེན་པོ་ཕྱུང་སྟེ་ངུའོ། །དེའི་ཚེ་དེ་བཞིན་གཤེགས་པ་ཀླུང་དེ་དང་ཉེ་བའི་ཕྱོགས་ཨུ་དུམ་བཱ་རའི་ཚལ་ཤིང་དྲུང་ན་བཞུགས་པ་ལས། དེའི་ཚེ་{ཡི་དགས་,ཡི་དྭགས་}མང་པོ་སངས་རྒྱས་གང་ན་བར་ལྷགས་ནས་སངས་རྒྱས་ལ་འདི་སྐད་ཅེས་གསོལ་ཏོ། །བདག་ཅག་ནི་བཀྲེས་པ་དང་སྐོམ་
D119.052.0309a02.01པས་ཉེན་ཏེ། འཚོ་བའི་སྲོག་ཀྱང་རིང་པོ་མི་ཐུབ་བོ། །བཅོམ་ལྡན་འདས་ཀྱིས་བཀའ་སྩལ་པ། ཁྱོད་གང་གཱའི་ཆུ་འབབ་པ་ལ་ཅིའི་ཕྱིར་མི་འཐུང་། {ཡི་དགས་,ཡི་དྭགས་}རྣམས་ཀྱིས་གསོལ་པ། དེ་བཞིན་གཤེགས་པས་ནི་ཆབ་ཏུ་གཟིགས་ཀྱང་། བདག་ཅག་གིས་ནི་མེ་འབར་བ་ཞིག་ཏུ་མཐོང་ངོ་། །
D119.052.0309a03.01བཅོམ་ལྡན་འདས་ཀྱིས་བཀའ་སྩལ་པ། གང་གཱའི་ཀླུང་གི་ཆུ་ནི་ཤིན་ཏུ་ཡང་སྔོ་ལ་དང་བས་ཡང་དག་པར་ན་མེ་མེད་དེ། སྡིག་པའི་ལས་ཀྱིས་སེམས་ཕྱིན་ཅི་ལོག་པས་མེ་ཡིན་སྙམ་སེམས་སོ། །ཁྱོད་ཀྱི་ཕྱིན་ཅི་ལོག་གི་སེམས་ཡོངས་སུ་བསལ་ཏེ་ཆུར་མཐོང་བར་བྱའོ་ཞེས་བཀའ་སྩལ་ནས་དེའི་
D119.052.0309a04.01ཚེ་བཅོམ་ལྡན་འདས་ཀྱིས་{ཡི་དགས་,ཡི་དྭགས་}མང་པོ་དེ་དག་ལ་སེར་སྣ་དང་འདོད་ཆགས་ཀྱི་སྐྱོན་མང་པོ་བསྟན་ཏོ། །{ཡི་དགས་,ཡི་དྭགས་}མང་པོས་འདི་སྐད་ཅེས་གསོལ་ཏོ། །བདག་ཅག་ནི་བཀྲེས་པ་དང་སྐོམ་པས་ཉེན་ཏེ། ཆོས་ཀྱི་གསུང་མང་པོ་ཐོས་ཀྱང་གཟུང་བའི་སེམས་མ་མཆིས་སོ། །བཅོམ་
D119.052.0309a05.01ལྡན་འདས་ཀྱིས་བཀའ་སྩལ་པ། ཁྱེད་རྣམས་ཀླུང་གང་གཱའི་ནང་དུ་ཞུགས་ལ་དེའི་ཆུ་ཡིད་བཞིན་དུ་འཐུང་ཤིག །{ཡི་དགས་,ཡི་དྭགས་}དེ་རྣམས་སངས་རྒྱས་ཀྱི་བྱིན་གྱི་རླབས་ཀྱིས་ཆུ་འཐུངས་པར་གྱུར་ཏོ། །དེ་ལྟར་ཆུ་འཐུངས་ནས་དེ་བཞིན་གཤེགས་པས་དེ་དག་ལ་ཆོས་རྣམ་པ་སྣ་ཚོགས་བསྟན་ཏོ། །དེ་
D119.052.0309a06.01དག་གིས་ཆོས་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། {ཡི་དགས་,ཡི་དྭགས་}ཀྱི་ལུས་ཡོངས་སུ་སྤངས་ནས་ལྷའི་ལུས་ཐོབ་པར་གྱུར་ཏོ། །རྒྱལ་པོ་ཆེན་པོ་དེ་བས་ན་སངས་རྒྱས་བཅོམ་ལྡན་འདས་ནི་བླ་ན་མེད་པའི་སྨན་པ་ཞེས་བྱ་སྟེ། སྟོན་པ་དྲུག་ལྟ་བུ་ནི་མ་ཡིན་
D119.052.0309a07.01