完整藏文原文 · 德格版页 当前仅加载第 52 函德格 338a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་མི་རྟག་པའོ། །འཇིག་རྟེན་པ་ཡང་རྟག་པ་ཡིན་ཏེ། ཐོག་མ་ནས་མེད་ལ་ད་ལྟར་ཡོད་པའི་ཕྱིར་འཇིག་པ་ཡང་མི་རྟག་པའོ། །རིགས་ཀྱི་བུ་རང་བཞིན་གྱི་ཕྱིར་ནི་སྐྱེ་བ་དང་། གནས་པ་དང་། ཐ་དད་པ་དང་། འཇིག་པ་ཡང་རྟག་པ་ཡིན་ཏེ། སྐད་ཅིག་
D119.052.0338a01.01སྐད་ཅིག་མར་འགོག་པའི་ཕྱིར་རྟག་པ་ཞེས་བརྗོད་དུ་ཡང་མི་རུང་ངོ་། །མྱ་ངན་ལས་འདས་པ་ཆེན་པོ་ནི་ཆད་པ་དང་འགོག་པ་ཡིན་པས་མི་རྟག་པ་ཞེས་བྱའོ། །རིགས་ཀྱི་བུ་ཟག་པ་དང་བཅས་པའི་ཆོས་ནི་མ་སྐྱེས་པ་ན་སྐྱེ་བའི་རང་བཞིན་ཡོད་པའི་ཕྱིར་བསྐྱེད་པས་སྐྱེ་བར་འགྱུར་རོ། །
D119.052.0338a02.01ཟག་པ་མེད་པའི་ཆོས་ནི་ཐོག་མ་ནས་སྐྱེ་བའི་རང་བཞིན་མེད་པའི་ཕྱིར་བསྐྱེད་པས་སྐྱེ་བར་མི་ནུས་སོ། །ཇི་ལྟར་མེའི་རང་བཞིན་ཡོད་པས་རྐྱེན་དང་ཕྲད་ནས་འབར་བ་དང་། མིག་ལ་མཐོང་བའི་རང་བཞིན་ཡོད་པས། གཟུགས་དང་། སྣང་བ་དང་། རྣམ་པར་ཤེས་
D119.052.0338a03.01པའི་རྐྱེན་གྱིས་མཐོང་བ་ལྟར་སེམས་ཅན་གྱི་སྐྱེ་བའི་ཆོས་ཀྱང་དེ་དང་འདྲ་སྟེ། ཐོག་མ་ནས་རང་བཞིན་ཡོད་པས་ལས་ཀྱི་རྒྱུ་རྐྱེན་དང་། ཕ་མ་འདུས་པ་ལས་སྐྱེ་བ་ཡོད་པར་གྱུར་ཏོ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཻ་དཱུརྱའི་འོད་དང་། བྱང་ཆུབ་སེམས་
D119.052.0338a04.01དཔའ་སེམས་དཔའ་ཆེན་པོ་བརྒྱད་ཁྲི་བཞི་སྟོང་སྙེད་ཀྱིས་ཆོས་དེ་དག་ཐོས་ནས། སྟེང་གི་ནམ་མཁའ་ལ་ཤིང་ཏ་ལ་བདུན་སྲིད་དུ་འཕགས་ཏེ་བསྟི་སྟང་དུ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པས།
D119.052.0338a05.01བདག་ཅག་ལ་ཡང་ནས་ཡང་བསྟན་ཅིང་མྱ་ངན་ལས་འདས་པ་ཆེན་པོ་འདིའི་རྐྱེན་གྱིས་སྔོན་ཆད་མ་ཐོས་པ་ཐོས་པ་དང་རྟོགས་པར་གྱུར་ཏེ། བྱང་ཆུབ་སེམས་དཔའ་བརྒྱད་ཁྲི་བཞི་སྟོང་ཡང་ཆོས་ཐམས་ཅད་མི་སྐྱེ་བ་སྐྱེ་བ་ལ་སོགས་པ་ཤིན་ཏུ་རྟོགས་པར་གྱུར་ཏོ། །བཅོམ་
D119.052.0338a06.01ལྡན་འདས་བདག་ནི་ཐམས་ཅད་རྟོགས་ཏེ། ཐེ་ཚོམ་གྱི་དྲ་བ་ཆོད་ཀྱང་། འཁོར་གྱི་དཀྱིལ་འཁོར་འདིའི་ནང་ན་བྱང་ཆུབ་སེམས་དཔའ་འཇིགས་པ་མེད་པ་ཞེས་བགྱི་བ་ཞིག་གསོལ་ཤིང་ཞུ་བར་འཚལ་ན། བཅོམ་ལྡན་འདས་ཀྱིས་གནང་ཞིང་སྐབས་དབྱེ་བར་
D119.052.0338a07.01