完整藏文原文 · 德格版页 当前仅加载第 52 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་དེ་བརྟག་པའི་ཕྱིར་གྲུར་ཞུགས་ནས་རྒྱ་མཚོ་ཆེན་པོར་ཞུགས་ཏེ། རྒྱལ་པོས་དེ་ལ་འདི་སྐད་ཅེས་བསྒོའོ། །ཁོ་བོ་ནོར་བུ་རིན་པོ་ཆེ་རྣམ་པ་ཐ་དད་པ་དག་ཅིག་འདོད་དོ། །བློན་པོ་དེས་དེ་སྐད་ཅེས་ཐོས་མ་ཐག་ཏུ་ལག་པ་གཉིས་ཀྱིས་རྒྱ་མཚོའི་ནང་ནས་བཅུས་པ་དང་
D119.052.0196b01.01སོར་མོ་བཅུ་ལ་ནོར་བུ་རིན་པོ་ཆེའི་གཏེར་བཅུ་ཡོད་པར་གྱུར་ཏེ། རྒྱལ་པོ་ལ་ཕུལ་ནས་འདི་སྐད་ཅེས་གསོལ་ཏོ། །རྒྱལ་པོ་ཆེན་པོ་ཇི་ཙམ་འདོད་པ་བཞེས་ཏེ་ལྷག་མ་སླར་རྒྱ་མཚོར་དོར་དུ་གསོལ། དེའི་ཚེ་རྒྱལ་པོ་སྤྱི་བོ་སྐྱེས་རབ་ཏུ་དགའ་མགུ་རངས་ནས་བདག་ནི་
D119.052.0196b02.01ངེས་པར་འཁོར་ལོས་སྒྱུར་བའི་རྒྱལ་པོ་ཡིན་ནོ། །ཞེས་སྨྲས་སོ། །དེ་ནས་རིང་པོ་མ་ལོན་པར་དམག་ལ་དབང་བའི་བློན་པོ་བྱུང་སྟེ། ཤིན་ཏུའང་རྩལ་ཆེ་ཞིང་དཔའ་བ། དགྲ་ཐབས་ལ་ཕུལ་དུ་མཁས་པ་དམག་གི་ཚོགས་རྣམ་བཞི་ལ་ཤིན་ཏུ་མཁས་པ། རྒྱལ་
D119.052.0196b03.01པོ་གཞན་ལ་རྒོལ་དུ་ཆ་ན་དམག་མངོན་པར་སྟོན་པ། རྒོལ་བ་མེད་པ་ན་ཅང་མི་སྣང་བ། མ་བཏུལ་བ། ཐུལ་བ། ཐུལ་བའི་རྣམས་མཐུས་ཤིན་ཏུ་སྐྱོབ་པ་ལ་མཁས་པ་བྱུང་ངོ་། །དེའི་ཚེ་རྒྱལ་པོ་སྤྱི་བོ་སྐྱེས་ཡང་འདི་སྙམ་དུ་སེམས་ཏེ། འཁོར་ལོས་སྒྱུར་བའི་
D119.052.0196b04.01རྒྱལ་པོ་ལ་དམག་དཔོན་རིན་པོ་ཆེ་འདི་ཡོད་དེ། བདག་ནི་གདོན་མི་ཟ་བར་འཁོར་ལོས་སྒྱུར་བའི་རྒྱལ་པོ་ཡིན་ནོ། །སྙམ་སེམས་སོ། །དེའི་ཚེ་འཁོར་ལོས་སྒྱུར་བའི་རྒྱལ་པོ་སྤྱི་བོ་སྐྱེས་ཀྱིས་བློན་པོ་རྣམས་ལ་བཀའ་སྩལ་པ། ཁྱེད་འདི་ལྟར་རིག་པར་གྱིས་ཤིག །
D119.052.0196b05.01འཛམ་བུའི་གླིང་འདིར་ནི་རབ་ཏུ་བདེ་ཞིང་སྐྱིད་པར་གྱུར་ལ། ང་ནི་རིན་པོ་ཆེ་སྣ་བདུན་དང་བུ་སྟོང་དུ་ཡང་ལྡན་ན་ད་གཞན་ཅི་ཞིག་བྱར་ཡོད། བློན་པོ་རྣམས་ཀྱིས་གསོལ་པ། དེ་བཞིན་ནོ། །རྒྱལ་པོ་ཆེན་པོ་ཤར་གྱི་ལུས་འཕགས་གླིང་ཞེས་བགྱི་བ་ད་དུང་མ་བཏུལ་ཏེ།
D119.052.0196b06.01རྒྱལ་བའི་བཀའ་མི་ཉན་ན་དེ་ཡང་དབབ་པའི་རིགས་སོ་ཞེས་གསོལ་ཏོ། །དེའི་ཚེ་འཁོར་ལོས་སྒྱུར་བའི་རྒྱལ་པོ་རིན་པོ་ཆེ་སྣ་བདུན་དང་བཅས་ཏེ། ཐམས་ཅད་ནམ་མཁའ་ལ་འཕགས་ནས་ཤར་གྱི་ལུས་འཕགས་གླིང་དུ་ཆས་ཏེ། གླིང་དེའི་མི་རྣམས་ཐམས་ཅད་
D119.052.0196b07.01