完整藏文原文 · 德格版页 当前仅加载第 52 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུའི་བར་དུ་འཛམ་བུའི་གླིང་འདིར་ཆོས་ཀྱི་ཆར་ཆེན་པོ་འབབ་པར་འགྱུར་རོ། །དེ་ནས་ཡང་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་མདོ་སྡེ་འདི་དམ་པའི་ཆོས་འཇིག་པའི་ཚེ། ཡང་དག་
D119.052.0091a01.01པའི་ཚུལ་ཁྲིམས་ཉམས་པའི་ཚེ། ཆོས་མ་ལགས་པ་འཕེལ་ཞིང་སྐྱེ་བའི་ཚེ། ཚུལ་བཞིན་བྱེད་པའི་སེམས་ཅན་དག་མ་མཆིས་པའི་ཚེ། སུ་དག་གིས་འཆང་བ་དང་། འཛིན་པ་དང་། ཀློག་པ་དང་། འདོན་པ་དང་། ཁོང་དུ་ཆུད་པར་བགྱིད་པ་དང་། མཆོད་པ་དང་།
D119.052.0091a02.01རིམ་གྲོ་དང་། བཀུར་སྟི་བགྱིད་ཅིང་གླེགས་བམ་དུ་འདྲི་བ་དང་། རྣམ་པར་འགྲེལ་ཅིང་སྟོན་པར་འགྱུར་བ་དེ་བཞིན་གཤེགས་པས་སོ་སོའི་སྐྱེ་བོ་དག་ལས་ཐུགས་བརྩེ་བའི་སླད་དུ་རྒྱས་པར་ཕྱེ་སྟེ་བསྟན་དུ་གསོལ། བྱང་ཆུབ་སེམས་དཔའ་རྣམས་ཐོས་ནས་འཛིན་པར་འགྱུར་
D119.052.0091a03.01རོ། །གཟུངས་སུ་བཟུང་བས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་ལེགས་སོ་ཤིན་ཏུ་ལེགས་སོ་ཞེས་བཀའ་སྩལ་ནས། རིགས་ཀྱི་བུ་ཁྱོད་ཀྱིས་དོན་འདི་
D119.052.0091a04.01དག་དྲིས་པ་ལེགས་སོ། །རིགས་ཀྱི་བུ་སེམས་ཅན་གང་ཞིག་ཆུ་ཀླུང་དགའ་སྐྱེད་ཀྱི་བྱེ་མ་སྙེད་ཀྱི་སངས་རྒྱས་ལ་བྱང་ཆུབ་ཏུ་སེམས་བསྐྱེད་ན། དེས་ནི་དུས་ངན་པའི་ཚེ། མདོ་སྡེ་འདི་འཆང་བ་དང་། འཛིན་པར་འགྱུར་ཏེ། སྐུར་པ་མི་འདེབས་སོ། །རིགས་ཀྱི་བུ་སེམས་ཅན་
D119.052.0091a05.01གང་ཞིག་ཆུ་ཀླུང་གང་གཱ་གཅིག་གི་བྱེ་མ་སྙེད་ཀྱི་སངས་རྒྱས་ལས་བྱང་ཆུབ་ཏུ་སེམས་བསྐྱེད་ན། དེས་ནི་དུས་ངན་པའི་ཚེ། ཆོས་འདི་ལ་མི་སྐུར་ཅིང་མདོ་སྡེ་འདི་ལ་མོས་པར་འགྱུར་ཏེ། གཞན་ལ་རྒྱས་པར་འབྱེད་ཅིང་སྟོན་ནི་མི་ནུས་སོ། །རིགས་ཀྱི་བུ་སེམས་ཅན་གང་ཞིག་ཆུ་
D119.052.0091a06.01ཀླུང་གང་གཱ་གཉིས་ཀྱི་བྱེ་མ་སྙེད་ཀྱི་སངས་རྒྱས་ལ་བྱང་ཆུབ་ཏུ་སེམས་བསྐྱེད་ན། དེས་ནི་དུས་ངན་པའི་ཚེ་ཆོས་འདི་ལ་མི་སྐུར་ཏེ། དད་ཅིང་མོས་པ་དང་། འཆང་ཞིང་འཛིན་པ་དང་། ཀློག་པ་དང་། འདོན་པར་འགྱུར་ཏེ། གཞན་ལ་རྒྱས་པར་སྟོན་ནི་མི་ནུས་སོ། །སེམས་ཅན་
D119.052.0091a07.01