完整藏文原文 · 德格版页 当前仅加载第 52 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
འམ། བཅོམ་ལྡན་འདས་ཀྱིས་གསུངས་པ་ལྟར་ན་འདོད་པ་དང་བྲལ་ཏེ་རབ་ཏུ་ཞི་བ་ནི་མྱ་ངན་ལས་འདའ་བ་ཞེས་བྱ་སྟེ། དཔེར་ན་མི་ཞིག་མགོ་བོ་བཅད་ན་མགོ་བོ་མེད་པ་ཞེས་བྱ་བ་དང་འདྲ་བར་འདོད་པ་དང་བྲལ་བ་རབ་ཏུ་ཞི་བ་ཡང་དེ་དང་འདྲ་སྟེ། སྟོང་པ་ཅི་ཡང་མེད་པས་མྱ་ངན་ལས་
D119.052.0061b01.01འདས་པ་ཞེས་བྱ་ན། དེ་ལ་ཡང་ཅིའི་ཕྱིར་དེ་བཞིན་གཤེགས་པ་ནི་རྟག་ཏུ་གནས་པའི་ཆོས་ཅན་མི་འགྱུར་མི་འཕོ་བ་ཞེས་སྨྲ་འམ། གཞན་ཡང་བཅོམ་ལྡན་འདས་ཀྱིས་ཚིགས་སུ་བཅད་ནས་འདི་སྐད་ཅེས་བཀའ་སྩལ་ཏོ། །དཔེར་ན་རབ་ཏུ་ཚ་བའི་ལྕགས། །ཐོ་བས་བརྡུངས་ན་ཚ་བ་འབྱུང་། །
D119.052.0061b02.01གྱེས་ནས་དེ་མ་ཐག་ཏུ་མེད། །དེ་ཡི་གནས་ཀྱང་ཤེས་མི་ནུས། །ཡང་དག་རྣམ་པར་གྲོལ་བ་ཡང་། །མཚན་ཉིད་དེ་དང་འདྲ་བ་སྟེ། །འདོད་པ་ཐམས་ཅད་ཡོངས་སྤངས་ནས། །སྲིད་པའི་འདམ་ལས་རབ་རྒལ་ཏེ། །མི་གཡོ་བ་ཡི་གནས་ཐོབ་ནས། །ཕྱིན་པའི་གནས་ནི་ཤེས་མི་ནུས། །
D119.052.0061b03.01ཞེས་དེ་སྐད་བཀའ་སྩལ་པ་དེ་ལ་ཡང་ཅིའི་ཕྱིར་དེ་བཞིན་གཤེགས་པ་ནི་རྟག་ཏུ་གནས་པའི་ཆོས་ཅན་མི་འགྱུར་མི་འཕོ་བའི་ཆོས་ཅན་ཞེས་སྨྲ་ན། འོད་སྲུང་དེ་སྐད་དུ་སྨྲ་བའི་གང་ཟག་དེ་ནི་ལོག་པར་སྨྲ་བ་ཡིན་ནོ། །འོད་སྲུང་ཁྱོད་ཀྱང་དེ་བཞིན་གཤེགས་པ་ཉིད་ལ་འགོག་པ་དང་ཟད་པའི་
D119.052.0061b04.01འདུ་ཤེས་མ་སྐྱེད་ཅིག །འོད་སྲུང་ཉོན་མོངས་པ་འགགས་པ་ནི་དངོས་པོ་ཞེས་མི་གདགས་སོ། །དེ་ཅིའི་ཕྱིར་ཞེ་ན། མཐར་ཕྱིན་པའི་ཕྱིར་རྟག་པ་ཞེས་བྱའོ། །ཚིག་འདི་ནི་རབ་ཏུ་ཞི་བ་སྟེ་བླ་ན་མེད་པའོ། །མཚན་མ་ཐམས་ཅད་ལྷག་མ་མ་ལུས་པར་ཟད་པའོ། །ཚིག་འདི་ནི་རྣམ་པར་
D119.052.0061b05.01དཀར་བ། རྟག་པ་གནས་པ་ཕྱིར་མི་ལྡོག་པ་སྟེ། དེའི་ཕྱིར་ན་མྱ་ངན་ལས་འདས་པ་ལ་རྟག་པ་གནས་པ་ཞེས་བྱའོ། །དེ་བཞིན་གཤེགས་པ་ཡང་དེ་དང་འདྲ་སྟེ། རྟག་པ་གནས་པ་མི་འགྱུར་བའོ། །མི་རྟག་ཅེས་བྱ་བ་ནི་ཉོན་མོངས་པའོ། །སོ་སོར་གྱེས་ནས་མེད་པར་འགྱུར་ཏེ་
D119.052.0061b06.01གནས་ཀྱང་མི་རྙེད་དོ་ཞེས་བྱ་བ་ནི། དེ་བཞིན་གཤེགས་པས་ཉོན་མོངས་པ་ཐམས་ཅད་འགགས་ནས་རྒྱུད་ལྔ་ལ་མི་གནས་པའོ། །དེ་བས་ན་དེ་བཞིན་གཤེགས་པ་ནི་རྟག་པ་གནས་པའི་ཆོས་ཅན་མི་འགྱུར་མི་འཕོ་བའོ། །གཞན་ཡང་འོད་སྲུང་སངས་རྒྱས་རྣམས་ཀྱི་སྟོན་པ་ནི་ཆོས་
D119.052.0061b07.01