完整藏文原文 · 德格版页 当前仅加载第 52 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
པ་འདི་ལྟར་ཐོབ་ཤིག་ཅེས་སྟོན་ཏོ། །གཞན་ཡང་འདི་སྐད་དུ་དགྲ་དང་འཐབ་པ་ནི་མཚོན་གྱི་ཁར་སོང་བ་དང་འདྲ་མོད་ཀྱི། འཇིགས་སྐྲག་པའི་འདུ་ཤེས་མ་སྐྱེད་པར་ཕ་རོལ་པོ་ལྷ་དང་མི་ལ་ཤིན་ཏུ་བརྙས་པའི་འདུ་ཤེས་སྐྱེད་ཅིག །བདག་ནི་ཤིན་ཏུ་དཔའ་ཞིང་རྩལ་ཆེ་
D119.052.0088b01.01བར་འདུ་ཤེས་སྐྱེད་ཅིག །བར་བར་གྱི་དུས་སུ་མི་སྡར་མ་ཞན་པ་དག་ཅིག་དཔའ་བོ་ལྟར་བཅོས་ཏེ། མདའ་གཞུ་དང་། རལ་གྲི་དང་། མཚོན་ཆ་སྣ་ཚོགས་ཐོགས་ཏེ། གཡུལ་ངོར་ལྷགས་ནས་སྐད་ཆེན་པོས་བོས་ན། ཁྱོད་དེ་ལ་འཇིགས་པའམ། སྐྲག་པ་ལྟར་
D119.052.0088b02.01མ་བྱེད་ཅིག་དང་། སྡར་མ་དེས་ཁྱོད་མི་སྐྲག་པར་ཤེས་ནས་ཁྱི་རྐུན་དང་འདྲ་བར་དེ་མ་ཐག་ཏུ་འགྱེས་ཤིང་འབྲོས་སོ། །རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། ཉན་ཐོས་རྣམས་ལ་ཁྱེད་བདུད་སྡིག་ཏོ་ཅན་གྱིས་མ་སྐྲག་ཤིག་གལ་ཏེ་བདུད་སྡིག་ཏོ་ཅན་
D119.052.0088b03.01སངས་རྒྱས་ཀྱི་སྐུར་སྤྲུལ་ཏེ། ཁྱོད་ཀྱི་དྲུང་དུ་འོང་ན་ཡང་ཁྱོད་ཤིན་ཏུ་བརྟན་པའི་བརྩོན་འགྲུས་ཀྱིས་བདུད་ཀྱི་སྡེ་རྣམས་ཐུལ་ཅིག །དེའི་ཚེ་ན་བདུད་ཀྱང་མྱ་ངན་གྱིས་ནོན་ཏེ་མི་དགའ་ནས་ཕྱིར་འགྲོའོ། །རིགས་ཀྱི་བུ་དཔེར་ན་སྐྱེས་བུ་དཔའ་བོ་གཞན་ལ་སློབ་མི་དགོས་པ་ལྟར་
D119.052.0088b04.01ཐེག་པ་ཆེན་པོ་ལ་ནན་ཏན་བྱེད་པ་ཡང་དེ་དང་འདྲ་སྟེ། ཤིན་ཏུ་ཟབ་མོའི་མདོ་སྡེ་རྣམ་པ་སྣ་ཚོགས་ཐོས་ཀྱང་སེམས་རབ་ཏུ་དགའ་ཞིང་རངས་པར་འགྱུར་གྱི། འཇིགས་པའམ་སྐྲག་པ་མི་སྐྱེའོ། །དེ་ཅིའི་ཕྱིར་ཞེ་ན། འདི་ལྟར་ཐེག་པ་ཆེན་པོ་ལ་སློབ་པའི་གང་ཟག་ནི་
D119.052.0088b05.01སྔོན་འདས་པའི་སངས་རྒྱས་གྲངས་མེད་པ་བརྒྱ་སྟོང་ལ་ཕྱག་དང་། བསྙེན་བཀུར་དང་། མཆོད་པ་བྱས་པས་གལ་ཏེ་བདུད་ཀྱི་འཁོར་གྲངས་མེད་པ་བརྒྱ་སྟོང་སྙེད་ཀྱིས་གནོད་པའམ། རྣམ་པར་གཙེས་ཀྱང་དེ་ལ་ནི་ནམ་དུ་ཡང་འཇིགས་སྐྲག་པ་མི་འབྱུང་ངོ་། །
D119.052.0088b06.01རིགས་ཀྱི་བུ་འདི་ལྟ་སྟེ། དཔེར་ན། མི་ཞིག་སྨན་ཨ་གས་རྙེད་ན་སྦྲུལ་གདུག་པ་ལ་སོགས་པ་ཐམས་ཅད་ཀྱིས་མི་འཇིགས་སོ། །སྨན་དེའི་མཐུས་གདུག་པ་ཐམས་ཅད་གཞིལ་ནུས་པའི་ཕྱིར་རོ། །ཐེག་པ་ཆེན་པོའི་མདོ་སྡེ་ཡང་དེ་དང་འདྲ་སྟེ། བདུད་གདུག་པ་
D119.052.0088b07.01