完整藏文原文 · 德格版页 当前仅加载第 52 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་ཆོས་ཡོད་དེ། འདི་ལྟ་སྟེ་དེ་བཞིན་གཤེགས་པ་དང་། ནམ་མཁའ་དང་། སངས་རྒྱས་ཀྱི་རང་བཞིན་ནོ། །བདག་ཅེས་བྱ་བ་ཡང་དེ་དང་འདྲ་བར་ཡང་དག་པར་གྲོགས་མེད་དེ། དེ་བས་ངེས་པར་བདག་ཅེས་བྱ་བ་མེད་དོ། །རིགས་ཀྱི་བུ་གཞན་
D119.052.0220a01.01ཡང་མུ་སྟེགས་ཅན་དག་ཅི་སྟེ་མིང་བཏགས་པ་ལས་བདག་ཡོད་པར་ཤེས་སོ་ཞེས་བྱར་ནི་བདག་མེད་པའི་ཆོས་ལ་ཡང་བདག་མེད་ཅེས་འདོགས་པའི་མིང་ཡོད་དེ། དཔེར་ན་ཤིན་ཏུ་དབུལ་པོ་ཞིག་གི་མིང་ཕྱུག་པོ་ཞེས་འདོགས་པ་དང་། དཔེར་ན་བདག་ཤིའོ་ཞེས་བྱ་བ་སྟེ། གལ་ཏེ་བདག་
D119.052.0220a02.01ཅེས་བྱ་བ་ཤི་ན་བདག་གིས་བདག་གསོད་པར་འགྱུར་རོ། །བདག་ཅེས་བྱ་བ་ནི་ཡང་དག་པར་ན་གསད་དུ་མི་རུང་སྟེ་ཐ་སྙད་དུ་བདག་གསོད་པ་ཞེས་བཏགས་སོ། །དཔེར་ན་མི་ཐུང་ངུ་ཞིག་རིང་པོ་ཞེས་བཏགས་པ་དང་འདྲ་སྟེ་དེ་བས་ན་ངེས་པར་བདག་ཅེས་བྱ་བ་མེད་པར་ཤེས་སོ། །གཞན་
D119.052.0220a03.01ཡང་རིགས་ཀྱི་བུ་ཅི་སྟེ་མུ་སྟེགས་ཅན་དག་བུ་བྱུང་མ་ཐག་ཏུ་ནུ་ཞོ་ཚོལ་བ་ལས་བདག་ཡོད་པར་ཤེས་སོ་ཞེས་བྱ་བ་ནི། རིགས་ཀྱི་བུ་ཅི་སྟེ་བདག་ཅེས་བྱ་བ་ཡོད་ན་བུས་པ་ཆུང་ངུ་ཐམས་ཅད་མི་གཙང་བ་ངན་སྐྱུགས་དང་། མེ་དང་། སྦྲུལ་དང་། དུག་ལ་འཛིན་པའི་མི་རིགས་སོ། །
D119.052.0220a04.01དེ་བས་ན་ངེས་པར་བདག་ཅེས་བྱ་བ་མེད་དོ། །རིགས་ཀྱི་བུ་སེམས་ཅན་ཐམས་ཅད་ནི་རྣམ་པ་འདི་གསུམ་གྱི་ཡེ་ཤེས་མཉམ་པར་ཡོད་དོ། །འདི་ལྟ་སྟེ། འདོད་ཆགས་དང་། ཟ་བ་དང་། འཇིགས་པ་སྟེ་དེ་བས་ན་བདག་ཅེས་བྱ་བ་མེད་དོ། །གཞན་ཡང་རིགས་ཀྱི་
D119.052.0220a05.01བུ་ཅི་སྟེ་མུ་སྟེགས་ཅན་དག་མཚན་མ་དང་། གཟུགས་ཙམ་ལས་བདག་ཡོད་པར་ཤེས་སོ་ཞེས་བྱར་ནི། རིགས་ཀྱི་བུ་མཚན་མ་ཡོད་པས་ཀྱང་བདག་མེད་ལ། མཚན་མ་མེད་པས་ཀྱང་བདག་མེད་དོ། །དཔེར་ན་མི་གཉིད་ལོག་པའི་ཚེ། སོང་བ་དང་། འོང་བ་དང་། རྒུ་བ་
D119.052.0220a06.01དང་། དགྱེ་བ་དང་། བལྟ་བ་ཡང་མེད་ལ། བདེ་བ་དང་སྡུག་བསྔལ་བ་ཡང་མི་ཚོར་བས་ན་བདག་ཡོད་པའི་མི་རིགས་སོ། །ཅི་སྟེ་སོང་བ་དང་། འོང་བ་དང་། རྒུ་བ་དང་། དགྱེ་བ་དང་། བལྟ་བ་ཡོད་པས་བདག་ཡོད་པར་ཤེས་ན། ཤིང་གི་འཁྲུལ་འཁོར་བྱས་པའི་མི་ལ་
D119.052.0220a07.01