完整藏文原文 · 德格版页 当前仅加载第 52 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་རྫིའོ། །གང་ཟག་དེ་ནི་ལོག་སྲེད་ཅན་ཞེས་བྱའོ། །དེ་བས་ན་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་དམ་པ་འདི་ངེས་པར་ཡོངས་སུ་དག་པའོ། །ནོར་བུ་རིན་པོ་ཆེ་ཆུ་རྙོག་པ་ཅན་གྱི་ནང་དུ་བཅུག་ན་ཆུ་དང་བར་འགྱུར་བ་ལྟར་ཐེག་པ་ཆེན་པོའི་མདོ་སྡེ་འདི་ཡང་དེ་དང་འདྲའོ། །
D119.052.0145b01.01རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་མེ་ཏོག་པད་མོ་དག་ཉི་མའི་འོད་ཀྱིས་ཕོག་མ་ཐག་ཏུ་ཁ་འབྱེའོ། །སེམས་ཅན་ཐམས་ཅད་ཀྱང་དེ་དང་འདྲ་སྟེ། གལ་ཏེ་མྱ་ངན་ལས་འདས་པ་ཆེན་པོ་ཉི་མ་ལྟ་བུ་མཐོང་ན་སེམས་མ་བསྐྱེད་པ་དག་སེམས་བསྐྱེད་ཅིང་བྱང་ཆུབ་ཀྱི་རྒྱུར་
D119.052.0145b02.01འགྱུར་རོ། །དེ་བས་ན་མྱ་ངན་ལས་འདས་པའི་འོད་བ་སྤུའི་བུ་གར་ཞུགས་ན་རྒྱུ་དམ་པར་འགྱུར་རོ། །ཞེས་ངས་གསུངས་སོ། །ལོག་སྲེད་ཅན་ནི་སངས་རྒྱས་ཀྱི་རང་བཞིན་ཡོད་ཀྱང་ཁ་ན་མ་ཐོ་བའི་དྲི་མ་ཚད་མེད་པ་སྙེད་ཀྱིས་གླགས་པས་མི་ཐར་བ་ནི་ཇི་ལྟར་དར་གྱི་སྲིན་
D119.052.0145b03.01བུའི་ཁོག་པ་དང་འདྲ་སྟེ། ལས་དེ་ལྟ་བུའི་རྐྱེན་གྱིས་བྱང་ཆུབ་ཀྱི་རྒྱུ་མི་སྐྱེ་སྟེ། འཁོར་བར་འཁོར་བའི་མཐའ་མི་ཟད་པར་གྱུར་ཏོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་མེ་ཏོག་ཨུད་པ་ལ་དང་། མེ་ཏོག་པད་མོ་དང་། མེ་ཏོག་ཀུ་མུ་ད་དང་། མེ་ཏོག་པུན་ད་རཱི་ཀ་
D119.052.0145b04.01དག་འདམ་རྫབ་ཀྱི་ནང་ནས་སྐྱེས་མོད་ཀྱི། འདམ་གྱིས་མི་གོས་སོ། །སེམས་ཅན་གང་མྱ་ངན་ལས་འདས་པ་ཆེན་པོའི་མདོ་སྡེ་དམ་པ་འདི་ལ་ནན་ཏན་བྱེད་པའང་དེ་དང་འདྲ་སྟེ། ཉོན་མོངས་པ་དང་བཅས་མོད་ཀྱི་ཉོན་མོངས་པས་མི་གོས་སོ། །དེ་ཅིའི་ཕྱིར་ཞེ་ན། དེ་
D119.052.0145b05.01བཞིན་གཤེགས་པའི་རང་བཞིན་གྱི་མཚན་ཉིད་ཤེས་པའི་ཕྱིར་རོ། །རིགས་ཀྱི་བུ་དཔེར་ན་ཡུལ་ལ་ལ་ན་ཤིན་ཏུ་བསིལ་བའི་རླུང་དང་ལྡན་ན། སེམས་ཅན་གང་ཚ་བས་གདུངས་པའི་ལུས་ཀྱི་བ་སྤུའི་ཁུང་ལ་རེག་ན་ཚ་བས་གདུངས་པ་མེད་པར་འགྱུར་རོ། །ཐེག་པ་ཆེན་
D119.052.0145b06.01པོའི་མདོ་སྡེ་མྱ་ངན་ལས་འདས་པ་ཆེན་པོ་འདིའང་དེ་དང་འདྲའོ། །སེམས་ཅན་ཐམས་ཅད་ཀྱི་བ་སྤུའི་བུ་གར་འཇུག་ཅིང་བྱང་ཆུབ་ཀྱི་རྒྱུར་འགྱུར་བར་བྱེད་དེ། ལོག་སྲེད་ཅན་འབའ་ཞིག་ནི་མ་གཏོགས་སོ། །དེ་ཅིའི་ཕྱིར་ཞེ་ན། ཆོས་ཀྱི་སྣོད་མ་ཡིན་པའི་ཕྱིར་རོ། །
D119.052.0145b07.01