完整藏文原文 · 德格版页 当前仅加载第 52 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་ཞིག་ཕས་ཕམ་པ་བྱུང་ན་ཆོས་སྲུང་བ་དེ་དག་གིས་སྐྲོད་པར་བྱེད་དེ་ཁྱིམ་པར་འབེབས་སོ། །དེ་བས་ན་དེས་ཤིང་དགེ་བ་ཐམས་ཅད་ལ་ངེས་པར་བྱམས་པ་དང་ལྡན་ནོ་ཞེས་བགྱིར་མི་རུང་ངོ་། །དེ་ནས་བཅོམ་ལྡན་འདས་ཀྱིས་འཇམ་དཔལ་ལ་བཀའ་
D119.052.0167a01.01སྩལ་པ། རྒྱུ་དང་རྐྱེན་ཡོད་པའི་ཕྱིར་དེ་བཞིན་གཤེགས་པས་འདི་ལྟར་ལྷག་མ་དང་བཅས་པའི་དོན་གསུངས་སོ། །གཞན་ཡང་བཅོམ་ལྡན་འདས་ནི་རྒྱུ་དང་རྐྱེན་ཡོད་པའི་ཕྱིར་འདི་སྐད་ཅེས་གསུངས་པ་ཡིན་ནོ། །རྒྱལ་པོའི་ཁབ་འདིར་བུད་མེད་ཤིན་ཏུ་བཟང་མོ་ཞེས་བྱ་བ་
D119.052.0167a02.01ཞིག་ཕ་མའི་ཁྱིམ་དུ་འགྲོ་བའི་ལམ་ཡོགས་སུ་ང་ག་ན་བར་འོངས་ནས་སངས་རྒྱས་དང་ཆོས་དང་དགེ་འདུན་ལ་སྐྱབས་སུ་གསོལ་ནས་འདི་སྐད་ཅེས་སྨྲས་སོ། །བུད་མེད་ཐམས་ཅད་ནི་མཐུ་མེད་པ་དབང་མེད་པ་ཡིན་ནོ། །སྐྱེས་པ་ཐམས་ཅད་ནི་དབང་ལ་ཐོགས་པ་མེད་པ་ཡིན་ནོ་
D119.052.0167a03.01ཞེས་སྨྲས་པས་དེའི་ཚེ་ན་བུད་མེད་དེའི་བསམ་པ་ཐུགས་སུ་ཆུད་ནས་དེའི་ཕྱིར་ཚིགས་སུ་བཅད་པ་འདི་དག་སྨྲས་པ་ཡིན་ནོ། །འཇམ་དཔལ་ལེགས་སོ་ལེགས་སོ། །ཁྱོད་ཀྱིས་སེམས་ཅན་ཐམས་ཅད་ཀྱི་ཕྱིར་དེ་བཞིན་གཤེགས་པ་ལ་དེ་ལྟ་བུའི་དོན་དྲི་བ་ལེགས་སོ། །དེ་
D119.052.0167a04.01ནས་འཇམ་དཔལ་གྱིས་ཚིགས་སུ་བཅད་དེ་གསོལ་པ། སེམས་ཅན་སྐྱེ་དགུ་ཐམས་ཅད་ནི། །ཀུན་ཀྱང་ཟས་དང་སྐོམ་ལ་རྟེན། །མཐུ་དང་ལྡན་པ་ཐམས་ཅད་ནི། །དེ་ཡི་སེམས་ལ་ཕྲག་དོག་མེད། །ཐམས་ཅད་ཟས་དང་སྐོམ་གྱི་རྐྱེན། །ནད་ཀྱི་སྡུག་བསྔལ་མྱོང་
D119.052.0167a05.01བར་འགྱུར། །སྤྱོད་པ་རྣམ་པར་དག་པ་ནི། །རབ་ཏུ་བདེ་བ་མྱོང་བར་འགྱུར། །དེ་བས་ན་བཅོམ་ལྡན་འདས་ཙུན་དའི་བསོད་སྙོམས་དང་མཆོད་པ་བཞེས་པ་འདི་དེ་བཞིན་གཤེགས་པ་ལ་བསྙེངས་པ་མི་མངའ་འམ། དེ་ལ་བཅོམ་ལྡན་འདས་ཀྱིས་ཚིགས་སུ་བཅད་དེ་
D119.052.0167a06.01འཇམ་དཔལ་ལ་བཀའ་སྩལ་པ། སེམས་ཅན་སྐྱེ་དགུ་ཐམས་ཅད་ནི། །ཟས་དང་སྐོམ་ལ་ལྟོས་མ་ཡིན། །མཐུ་དང་ལྡན་པ་ཐམས་ཅད་ཀྱང་། །ཕྲག་དོག་སེམས་ནི་མེད་མ་ཡིན། །ཐམས་ཅད་ཟས་ཀྱི་རྐྱེན་དབང་གིས། །ནད་ཀྱིས་གཟིར་བར་འགྱུར་མ་ཡིན། །
D119.052.0167a07.01