完整藏文原文 · 德格版页 当前仅加载第 52 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
གསོ་མི་ནུས་པ་དང་འདྲ་བར་ལོག་སྲེད་ཅན་ཡང་དེ་དང་འདྲ་སྟེ། སངས་རྒྱས་བཅོམ་ལྡན་འདས་ཀྱིས་ཀྱང་གསོ་མི་ནུས་སོ། །རྒྱལ་པོ་ཆེན་པོ་ནི་ལོག་སྲེད་ཅན་མ་ཡིན་པས་ངའི་ནད་གསོ་ནུས་པ་མེད་དོ་ཞེས་བྱ་བ་མི་རུང་ངོ་། །རྒྱལ་པོ་གསུང་བ་ལྟར་ངའི་ནད་གསོ་མི་ནུས་སོ་ཞེས་བགྱི་
D119.052.0306b01.01བར་རྒྱལ་པོ་ཆེན་པོ་འདི་ལྟར་ཤེས་པར་གྱིས་ཤིག །ཡུལ་སེར་སྐྱའི་རྒྱལ་པོ་ཟས་གཙང་མའི་སྲས་གཽ་ཏ་མའི་རིགས་མཚན་དོན་གྲུབ་ཅེས་བྱ་བ་སུས་ཀྱང་མ་བསྟན་པར་རང་གིས་རིག་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཏེ། མཚན་བཟང་
D119.052.0306b02.01པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་ལུས་ཡོངས་སུ་བརྒྱན་པ། སྟོབས་བཅུ་དང་། མི་འཇིགས་པ་བཞི་དང་ལྡན་ཏེ། ཐམས་ཅད་མཁྱེན་པ། ཐམས་ཅད་གཟིགས་པ། བྱམས་པ་དང་སྙིང་རྗེ་ཆེ་བ། ཐམས་ཅད་ལ་སྲས་སྒྲ་གཅན་འཛིན་དང་འདྲ་བར་ཐུགས་བརྩེ་
D119.052.0306b03.01བ། དགེ་བ་དང་ལྡན་པའི་སེམས་ཅན་གྱི་རྗེས་སུ་བེའུ་དང་མ་མོ་མི་གཏོང་བ་དང་འདྲ་བར་དུས་མཁྱེན་པས་གསུང་བ། དུས་མ་ཡིན་པར་མི་སྨྲ་བ། ཡང་དག་པར་སྨྲ་བ། ཡོངས་སུ་དག་པར་སྨྲ་བ། ཡོངས་སུ་དཀར་བར་སྨྲ་བ། དོན་དང་ལྡན་པར་སྨྲ་བ། ཆོས་དང་ལྡན་པར་སྨྲ་བ།
D119.052.0306b04.01གཅིག་ཏུ་ཆད་པར་སྨྲ་བ། སེམས་ཅན་མང་པོའི་ཉོན་མོངས་པ་ཡོངས་སུ་སྤོང་བར་བྱེད། སོ་སོའི་སྐྱེ་བོའི་དབང་པོ་དང་བསམ་པའི་མཚན་ཉིད་ལ་ཤིན་ཏུ་མཁས་པ། ཅི་དང་ཅི་རིགས་པའི་ཐབས་ལ་ཤིན་ཏུ་མཁས་པ། ཡེ་ཤེས་མཐོ་ཞིང་གཟར་བ་ནི་རི་རབ་ལྷུན་པོ་དང་འདྲ་བ། ཡངས་
D119.052.0306b05.01ཤིང་ཟབ་པ་ནི་རྒྱ་མཚོ་དང་འདྲ་བ། སངས་རྒྱས་བཅོམ་ལྡན་འདས་དེ་ལ་རྡོ་རྗེ་ལྟ་བུའི་ཡེ་ཤེས་མངའ་བས། སོ་སོའི་སྐྱེ་བོའི་ཁ་ན་མ་ཐོ་བའི་ལས་ཐམས་ཅད་འཇོམས་པས་དེས་མི་ཆོམས་ཞེས་བྱ་བའི་གནས་མེད་དོ། །དེ་ད་ལྟར་འདི་ནས་དཔག་ཚད་བཅུ་གཉིས་ཀྱི་ཕ་རོལ་གྲོང་ཁྱེར་
D119.052.0306b06.01རྩྭ་མཆོག་ཅེས་བྱ་བར་ཤིང་སཱ་ལ་དྲུང་གཉིས་ཀྱི་བར་ན་བཞུགས་ཏེ། ད་ལྟར་ཚད་མེད་གྲངས་མེད་པའི་བྱང་ཆུབ་སེམས་དཔའི་དགེ་འདུན་ལ་ཆོས་རྣམ་པ་སྣ་ཚོགས་སྟོན་པ་ནི་འདི་ལྟ་སྟེ་ཡོད་པ་དང་མེད་པ་དང་། འདུས་བྱས་དང་འདུས་མ་བྱས་པ་དང་། ཟག་པ་དང་བཅས་པ་
D119.052.0306b07.01