完整藏文原文 · 德格版页 当前仅加载第 52 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། །སྤྲོ་བ་སྐྱེད་ལ་དགའ་བར་གྱིས། །གཞན་ཡང་དགེ་སློང་དག་ཐེ་ཚོམ་དང་སོམ་ཉིར་གྱུར་པ་ཡོད་ན། ཐམས་ཅད་ཞུ་ཞིང་དྲིས་ཤིག །སྟོང་པ་དང་སྟོང་པ་མ་ཡིན་པ་དང་། རྟག་པ་དང་། མི་རྟག་པ་དང་། སྡུག་བསྔལ་བ་དང་། སྡུག་བསྔལ་
D119.052.0030b01.01མ་ཡིན་པ་དང་། གནས་དང་། གནས་མ་ཡིན་པ་དང་། སོང་བ་དང་། མ་སོང་བ་དང་། འོངས་པ་དང་། འོངས་པ་མ་ཡིན་པ་དང་། ཐེར་ཟུག་དང་། ཐེར་ཟུག་མ་ཡིན་པ་དང་། ཆད་པ་དང་། རྟག་པ་དང་། སེམས་ཅན་དང་། སེམས་ཅན་མ་
D119.052.0030b02.01ཡིན་པ་དང་། ཡོད་པ་དང་། མེད་པ་དང་། བདེན་པ་དང་། མི་བདེན་པ་དང་། ཡང་དག་པ་དང་། ཡང་དག་པ་མ་ཡིན་པ་དང་། འགོག་པ་དང་། འགོག་པ་མ་ཡིན་པ་དང་། གསང་བ་དང་། མི་གསང་བ་དང་། གཉིས་དང་མི་གཉིས་པ་ལ་
D119.052.0030b03.01སོགས་པའི་ཆོས་ལ་ཐེ་ཚོམ་དུ་གྱུར་པ་ཡོད་ན། ཞུ་བའི་སྐབས་ལ་བབ་ཀྱིས་དྲིས་ཤིག་དང་། ཅི་དང་ཅི་དྲིས་པ་དེའི་ཐེ་ཚོམ་བཅད་དོ། །ཁྱེད་ལ་སྔར་བདུད་རྩི་ལྟ་བུའི་ཆོས་བསྟན་ཏེ། གདོད་ཡོངས་སུ་མྱ་ངན་ལས་འདའ་བར་བྱའོ། །དགེ་སློང་དག་སངས་
D119.052.0030b04.01རྒྱས་འཇིག་རྟེན་དུ་གཤེགས་པ་ཡང་ཤིན་ཏུ་དཀོན། མིའི་ལུས་ཐོབ་པ་ཡང་ཤིན་ཏུ་དཀའ། སངས་རྒྱས་དང་ཕྲད་ཅིང་དད་པ་སྐྱེད་པ་ཡང་ཤིན་ཏུ་དཀའ། བཟོད་དཀའ་བ་བཟོད་པ་ཡང་ཤིན་ཏུ་དཀའ། ཚུལ་ཁྲིམས་རྫོགས་ཤིང་མ་གོད་མ་ཉམས་ཏེ། དགྲ་
D119.052.0030b05.01བཅོམ་པའི་འབྲས་བུ་ཐོབ་པ་ཡང་ཤིན་ཏུ་དཀའ་སྟེ། ས་ལེ་སྦྲམ་མམ་མེ་ཏོག་ཨུ་དུམ་བཱ་ར་ཚོལ་བ་བཞིན་ནོ། །དགེ་སློང་དག་མི་ཁོམ་པ་བརྒྱད་དང་བྲལ་ཏེ། མིའི་ལུས་ཐོབ་པར་དཀའ་བ་ཐོབ་ནས་ང་དང་ཕྲད་པར་གྱུར་ན་དོན་མེད་པར་ཆུད་མི་གཟན་ཏོ། །ང་སྔོན་
D119.052.0030b06.01དཀའ་བ་རྣམ་པ་སྣ་ཚོགས་སྤྱད་པས་ད་ལྟར་འདི་ལྟ་བུའི་བླ་ན་མེད་པའི་ཐབས་མཁས་པ་དང་ལྡན་པར་གྱུར་ཏོ། །ཁྱེད་ལ་སོགས་པའི་ཕྱིར་བསྐལ་པ་ཚད་མེད་པའི་བར་དུ་ལུས་ཀྱི་ཡན་ལག་ལག་པ་དང་། རྐང་པ་དང་། མགོ་དང་། མིག་དང་། རྐང་དང་།
D119.052.0030b07.01