完整藏文原文 · 德格版页 当前仅加载第 52 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །བཅོམ་ལྡན་འདས་བདག་ཅག་ཉན་ཐོས་རྣམས་ཀྱང་དེ་དང་འདྲ་སྟེ། དེ་བཞིན་གཤེགས་པས་ཡང་དང་ཡང་ནན་ཏན་དུ་འདུལ་བ་བསྟན་པ་ནི་ཐོས་ནས། གཟུངས་སུ་འཛིན་ཅིང་ཆོས་ཡུན་དུ་གནས་པར་བགྱིད་མི་ནུས་པ་ནི་ཇི་ལྟར་རྒན་པོ་དེས་
D119.052.0039a01.01ཕ་རོལ་པོས་གཏམས་པ་བླངས་པ་དང་མཚུངས་ཏེ། བདག་ཅག་ལ་ཤེས་རབ་མ་མཆིས་པས་འདུལ་བ་རྣམས་ལ་གང་ཞུ་ཞིང་འདྲི་བའི་ཆ་ཡང་མ་མཆིས་སོ། །བཅོམ་ལྡན་འདས་ཀྱིས་དགེ་སློང་དག་ལ་བཀའ་སྩལ་པ། ཁྱེད་དེང་ང་ལ་ཞུས་ན་སེམས་ཅན་ཐམས་ཅད་
D119.052.0039a02.01ལ་ཕན་པ་དང་བདེ་བའི་དོན་དུ་འགྱུར་གྱིས་དེ་བས་ན་ཁྱེད་ཅི་དང་ཅི་འདོད་པ་དྲིས་ཤིག །དེ་ནས་དགེ་སློང་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དཔེར་ན་སྐྱེས་བུ་ཚད་ལ་བབ་པ། ལོ་ཉི་ཤུ་རྩ་ལྔ་ལོན་པ། ཤིན་ཏུ་ལང་
D119.052.0039a03.01འཚོ་བ། བྱད་གཟུགས་དང་ལྡན་པ། ནོར་རིན་པོ་ཆེ་གསེར་དང་། དངུལ་དང་། བཻ་དཱུརྱ་རབ་ཏུ་མང་བ། ཕ་དང་། མ་དང་། ཆུང་མ་དང་། བུ་དང་འཁོར་དུ་བཅས་པ་ཞིག་ལ། གལ་ཏེ་མི་ཞིག་གིས་ནོར་རིན་པོ་ཆེ་དག་གཏམས་ཏེ། དེ་ལ་འདི་སྐད་དུ་བདག་ནི་དོན་
D119.052.0039a04.01གཉེར་ཞིང་ཡུལ་གཞན་དུ་མཆིས། ནོར་རིན་པོ་ཆེ་འདི་དག་ཁྱོད་ལ་གཏམས་ཀྱིས། ནམ་འཁོར་བ་ན་སླར་སྩོལ་ཅིག་ཅེས་སྨྲས་སོ། །དེ་ནས་སྐྱེས་བུ་དེས་བདག་གི་ནོར་དང་འདྲ་བར་ཤིན་ཏུ་བསྲུངས་སོ། །སྐྱེས་བུ་དེ་ཕྱིས་ནད་ཀྱིས་བཏབ་ནས་དྲུང་གི་འཁོར་
D119.052.0039a05.01ཀུན་བསྡུས་ཏེ། འདི་སྐད་དུ་རིན་པོ་ཆེ་འདི་དག་ནི་ཆེ་གེ་མོ་ཞིག་གིས་གཏམས་ཀྱིས། ནམ་ལེན་དུ་འོངས་པ་དང་སླར་བྱིན་ཅིག་ཅེས་བསྒོའོ། །མཁས་པ་ཤེས་རབ་ཅན་ནི་དེ་ལྟར་གཏམས་པ་དང་མི་གཏམས་པའི་གནས་འཚལ་བས་སླར་འཁོར་མ་ཐག་ཏུ་རིན་པོ་ཆེ་ཀུན་
D119.052.0039a06.01ཐོབ་བོ། །བཅོམ་ལྡན་འདས་དེ་བཞིན་དུ་ཆོས་ཀྱི་དཀོན་མཆོག་འདི་ཡང་གལ་ཏེ། དགའ་བོའམ་དགེ་སློང་དག་ལ་གཏམས་ན་ཡུན་རིང་པོར་མི་གནས་སོ། །དེ་ཅིའི་སླད་དུ་ཞེ་ན། འོད་སྲུང་ཆེན་པོ་དང་ཉན་ཐོས་ཐམས་ཅད་ནི་མི་རྟག་པ་སྟེ། ཇི་ལྟར་རྒན་པོ་དེས་
D119.052.0039a07.01