完整藏文原文 · 德格版页 当前仅加载第 52 函德格 339b 版页；藏文 NFD、目录标记与异常页序保留在来源切片中，重复版页行以稳定序号区分。
བོང་ཙམ་ཞིག་གང་བྱས་པ། །མི་གཡོ་ཞིང་དེར་སྐྱེ་བར་འགྱུར། །གལ་ཏེ་མདོ་སྡེ་འདི་ཡི་ཕྱིར། །བདག་གི་ལུས་དང་རིན་ཆེན་དབྱིག །ཆོས་སྨྲ་བ་ལ་སྦྱིན་བྱེད་ན། །མི་གཡོ་ཞིང་དེར་སྐྱེ་བར་འགྱུར། །བཅོམ་ལྡན་གསང་བའི་སྙིང་པོ་དག །ཉན་ཏམ་ཡི་གེར་བྲིས་
D119.052.0339b01.01ནས་ནི། །འཛིན་ཅིང་ཀློག་གམ་འདོན་པ་ནི། །མི་གཡོ་ཞིང་དེར་སྐྱེ་བར་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇིགས་པ་མེད་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་དེང་ལས་ཅི་དང་
D119.052.0339b02.01ཅི་བྱས་པའི་རྐྱེན་གྱིས་མི་གཡོ་ཞིང་དེར་སྐྱེ་བར་འགྱུར་བར་རྟོགས་པར་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་སྣང་བ་མཐོ་བཙུན་དཔལ་གྱི་རྒྱལ་པོས་འགྲོ་བ་མང་པོ་ལ་སྙིང་བརྩེ་བའི་སླད་དུ་ཞུས་ཏེ། དེ་བཞིན་གཤེགས་པས་རྣམ་པར་ཕྱེ་ཞིང་བསྟན་པས།
D119.052.0339b03.01ལྷ་དང་། མི་དང་། ལྷ་མ་ཡིན་དང་། དྲི་ཟ་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་པ་ཐམས་ཅད་ལ་ཡང་ཕན་པའི་དོན་དུ་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་སྣང་བ་མཐོ་བཙུན་
D119.052.0339b04.01དཔལ་གྱི་རྒྱལ་པོ་ལ་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་ཁྱོད་ཤིན་ཏུ་ཡིད་ལ་བྱས་ཏེ། ལེགས་པར་ཉོན་ཅིག་དང་། ངས་ཁྱོད་ལ་རྒྱུ་དང་རྐྱེན་གང་གིས་མ་ཕྱིན་པར་མི་ཕྱིན་པ་དང་། རྒྱུ་དང་རྐྱེན་གང་གིས་མི་ཕྱིན་པར་ཕྱིན་པ་དང་། རྒྱུ་དང་རྐྱེན་གང་
D119.052.0339b05.01གིས་ཕྱིན་པར་མི་ཕྱིན་པ་དང་། རྒྱུ་དང་རྐྱེན་གང་གིས་ཕྱིན་པར་ཕྱིན་པ་དག་རྣམ་པར་དགྲོལ་ཞིང་བཤད་པར་བྱའོ། །ཅིའི་རྒྱུ་ཅིའི་རྐྱེན་གྱིས་མ་ཕྱིན་པར་མི་ཕྱིན་པ་ཞེ་ན། རིགས་ཀྱི་བུ་མི་ཕྱིན་པ་ཞེས་བྱ་བ་ནི་མྱ་ངན་ལས་འདས་པ་ཆེན་པོ་སྟེ། སོ་སོའི་སྐྱེ་བོ་དག་མ་ཕྱིན་
D119.052.0339b06.01པ་ནི་འདོད་ཆགས་དང་། ཞེ་སྡང་དང་། གཏི་མུག་དང་བཅས་པས་ལུས་ཀྱི་ལས་དང་ངག་གི་ལས་ཡོངས་སུ་མ་དག་སྟེ། མ་བརྟགས་པའི་དངོས་པོ་ཐམས་ཅད་འཆང་ཞིང་རྩ་བ་བཞི་ཉམས་པ་དང་། ཤིན་ཏུ་རྒྱས་པའི་མདོ་སྡེ་ལ་སྐུར་པ་དང་། ལོག་སྲེད་ཅན་གྱི་
D119.052.0339b07.01