完整藏文原文 · 德格版页 当前仅加载第 52 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་པ་ལ་ཞལ་ཟས་ཀྱིས་གསོ་བའི་སྐུ་སྙམ་སྟེ། ཆོས་ཀྱི་སྐུ་མ་ཡིན་པར་སེམས་ཤིང་དེ་བཞིན་གཤེགས་པའི་ཡོན་ཏན་དང་། གཟི་བརྗིད་དང་། ཆེ་བ་ཉིད་མི་ཤེས་ན་སྡུག་བསྔལ་བ་ཞེས་བྱའོ། །དེ་ཅིའི་ཕྱིར་ཞེ་ན། མི་ཤེས་པའི་ཕྱིར་ཆོས་ལ་ནི་ཆོས་མ་ཡིན་པར་ལྟ། ཆོས་
D119.052.0112b01.01མ་ཡིན་པ་ལ་ནི་ཆོས་སུ་ལྟ་སྟེ། དེ་བས་ན་གང་ཟག་དེ་ནི་གདོན་མི་ཟ་བར་ངན་སོང་དུ་ལྟུང་ཞིང་འཁོར་བར་འཁོར་ཏེ། ཀུན་ནས་ཉོན་མོངས་པ་སྐྱེ་ཞིང་སྡུག་བསྔལ་ཆེན་པོ་མྱོང་བར་འགྱུར་རོ། །དེ་ལ་གང་ཞིག་དེ་བཞིན་གཤེགས་པ་ནི་རྟག་པ་གནས་པ་མི་འགྱུར་མི་འཕོ་
D119.052.0112b02.01བར་ཤེས་སམ། རྟག་པ་དང་གནས་པའི་ཚིག་གཉིས་རྣ་ཁུང་དུ་ཐོས་པ་ཙམ་གྱིས་མཐོ་རིས་སུ་སྐྱེ་སྟེ། ཕྱིས་རྣམ་པར་གྲོལ་བ་ན་དེ་བཞིན་གཤེགས་པ་ནི་རྟག་པ་གནས་པ་མི་འགྱུར་མི་འཕོ་བར་རྟོགས་ཤིང་རིག་པར་འགྱུར་ཏེ། རིག་ཅིང་རྟོགས་པས་འདི་སྐད་དུ་
D119.052.0112b03.01བདག་སྔོན་དོན་འདི་རྟོགས་པས་རྣམ་པར་གྲོལ་བར་གྱུར་ཏོ། །བདག་ཐོག་མ་ནས་མི་ཤེས་མ་རྟོགས་པས། འཁོར་བར་འཁོར་བའི་མཐའ་མེད་པར་གྱུར་ཏེ། དེ་ནི་ཡང་དག་པའི་ཡེ་ཤེས་ཀྱིས་ཤེས་པར་གྱུར་ཏོ་ཞེས་སྨྲའོ།། །།བམ་པོ་བཅུ་པ།
D119.052.0112b04.01དེ་ལྟར་ཡང་དག་པའི་ཡེ་ཤེས་ཀྱིས་ཤེས་པ་ནི་སྡུག་བསྔལ་སྒོམ་པ་ཞེས་བྱ་སྟེ། ཕན་པ་དང་། བདེ་བའི་དོན་ཆེན་པོར་འགྱུར་རོ། །གང་དེ་ལྟ་བུའི་ཚུལ་དུ་མི་ཤེས་ན་ཤིན་ཏུ་ནན་ཏན་བྱས་ཀྱང་ཕན་པ་དང་བདེ་བའི་དོན་དུ་མི་འགྱུར་རོ། །དེ་ལྟར་ན་སྡུག་བསྔལ་ཤེས་པ་
D119.052.0112b05.01སྟེ། སྡུག་བསྔལ་གྱི་འཕགས་པའི་བདེན་པ་ཞེས་བྱའོ། །དེ་ལ་གང་དེ་ལྟ་བུའི་ཚུལ་དུ་ནན་ཏན་མ་བྱས་ན་སྡུག་བསྔལ་ཞེས་བྱ་སྟེ། སྡུག་བསྔལ་གྱི་འཕགས་པའི་བདེན་པ་མ་ཡིན་ནོ། །སྡུག་བསྔལ་ཀུན་འབྱུང་གི་བདེན་པ་ནི་ཡང་དག་པའི་ཆོས་ལ་ཡང་དག་པའི་ཡེ་ཤེས་མི་
D119.052.0112b06.01སྐྱེ་ཞིང་མ་བརྟགས་པའི་དངོས་པོ་བྲན་ཕོ་དང་བྲན་མོ་ལ་སོགས་པ་འཆང་ཞིང་སྤྱོད་པ་དང་། ཆོས་མ་ཡིན་པ་ལ་ཡང་དག་པའི་ཆོས་སྨྲ་ཞིང་དམ་པའི་ཆོས་མེད་པར་བྱེད། ཡུན་རིང་དུ་གནས་པར་མི་བྱེད་པའོ། །དེའི་རྒྱུ་དེའི་རྐྱེན་གྱིས་ཆོས་རྣམས་ཀྱི་ཆོས་ཉིད་ཀྱང་མི་ཤེས་སོ། །
D119.052.0112b07.01