完整藏文原文 · 德格版页 当前仅加载第 52 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེ་བས་ན་དེ་བཞིན་གཤེགས་པ་ཡང་བཀུར་སྟི་དང་མཆོད་པ་མཛད་དོ། །ཆོས་རྟག་པའི་ཕྱིར་སངས་རྒྱས་རྣམས་ཀྱང་རྟག་གོ། །དེ་ནས་ཡང་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །གལ་ཏེ་ཉོན་མོངས་པའི་མེ་
D119.052.0062a01.01འགགས་པས་དེ་བཞིན་གཤེགས་པ་ཡང་འགགས་ན། དེ་བཞིན་གཤེགས་པ་ནི་རྟག་ཏུ་གནས་པ་མ་ལགས་ཏེ་དཔེར་ན་ལྕགས་བསྲེགས་པ་ཁ་དོག་དམར་པོ་ཞི་སྟེ་མི་རྙེད་པ་བཞིན་དུ་དེ་བཞིན་གཤེགས་པའི་ཉོན་མོངས་པ་ཡང་དེ་དང་འདྲ་སྟེ། ཞི་བའི་གནས་ཀྱང་མི་རྙེད་དོ། །གཞན་ཡང་དཔེར་
D119.052.0062a02.01ན་ལྕགས་དེ་ལ་ཚ་བ་དང་དམར་བ་ཞི་ནས་མ་མཆིས་པར་འགྱུར་བ་བཞིན་དུ་དེ་བཞིན་གཤེགས་པ་ཡང་དེ་དང་འདྲ་སྟེ། ཞི་ནས་རྟག་པ་མེད་པས་ཉོན་མོངས་པའི་མེ་འགགས་ནས་ཡོངས་སུ་མྱ་ངན་ལས་འདས་པར་ཞུགས་པས་དེ་བཞིན་གཤེགས་པ་ནི་མི་རྟག་པའོ། །བཀའ་སྩལ་པ་རིགས་ཀྱི་བུ་
D119.052.0062a03.01ལྕགས་ཞེས་བྱ་བ་ནི་བུས་པ་མ་རབས་ལ་བྱ་སྟེ། བུས་པ་མ་རབས་ནི་ཉོན་མོངས་པ་འགགས་ཀྱང་། འགགས་མ་ཐག་ཏུ་ཕྱིས་སྐྱེ་བས་མི་རྟག་པ་ཞེས་བྱའོ། །དེ་བཞིན་གཤེགས་པ་ནི་དེ་ལྟ་མ་ཡིན་ཏེ། འགགས་ནས་ཕྱིར་མི་སྐྱེ་བའི་ཕྱིར་རྟག་པ་ཞེས་བྱའོ། །འོད་སྲུང་གིས་གསོལ་
D119.052.0062a04.01པ། དཔེར་ན་ལྕགས་ནི་ཁ་དོག་དམར་པོ་ཞི་བའི་འོག་ཏུ་ཕྱིས་མེར་སྩལ་ན་སླར་ཡང་ཁ་དོག་དམར་པོར་འགྱུར་རོ། །དེ་བཞིན་གཤེགས་པ་ཡང་དེ་དང་འདྲ་ན་ལྟ་ཉོན་མོངས་པ་སླར་ཡང་སྐྱེས་ཏེ། ཉོན་མོངས་པ་སླར་ཡང་སྐྱེ་བས་མི་རྟག་པ་ལགས་སོ། །བཅོམ་ལྡན་འདས་ཀྱིས་འོད་
D119.052.0062a05.01སྲུང་ལ་བཀའ་སྩལ་པ། ཁྱོད་འདི་སྐད་དུ་དེ་བཞིན་གཤེགས་པ་ལ་མི་རྟག་གོ་ཞེས་མ་ཟེར་ཅིག །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་རྟག་པའོ། །རིགས་ཀྱི་བུ་དཔེར་ན་ཤིང་ཚིག་ཀྱང་ཐལ་བ་ཡོད་དོ། །ཉོན་མོངས་པ་འགགས་ན་མྱ་ངན་ལས་འདའ་བ་ཡོད་དེ། གོས་ཞིག་
D119.052.0062a06.01པ་འམ་མགོ་བཅད་པའམ་སྣོད་ཆག་པ་ལ་སོགས་པའི་དཔེ་དང་འདྲ་སྟེ། དངོས་པོ་དེ་དག་ཀྱང་སོ་སོ་ན་གོས་ཞིག་པ་དང་། མགོ་བཅད་པ་དང་སྣོད་ཆག་པ་ཞེས་བྱ་བའི་མིང་ཡོད་པ་དང་འདྲའོ། །འོད་སྲུང་ལྕགས་ཚ་བ་གྲངས་ཀྱང་ཕྱིས་ཚ་བར་འགྱུར་གྱི། དེ་བཞིན་གཤེགས་པ་ནི་དེ་ལྟ་མ་
D119.052.0062a07.01