完整藏文原文 · 德格版页 当前仅加载第 52 函德格 323b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་ཕྱོགས་གང་དུ་བྱ་མང་པོ་འདུས་པ་དེ་དག་ཁ་དོག་དེ་དང་འདྲ་བར་འགྱུར་རོ། །ཞེས་ཐོས་ཀྱང་ངེས་པར་མ་རྟོགས་ཏེ། བདག་དེང་དེ་བཞིན་གཤེགས་པའི་རི་རབ་ཀྱི་དྲུང་དུ་ཕྱིན་ནས་ཁ་དོག་མཚུངས་པར་གྱུར་ཏོ། །དེ་ལ་ཁ་དོག་མཚུངས་པ་ཞེས་བྱ་བ་ནི་ཆོས་ཐམས་ཅད་མི་རྟག་པ་སྡུག་བསྔལ་བ་སྟོང་པ་བདག་མེད་པར་
D119.052.0323b01.01ཤེས་པར་མཚུངས་སོ། །བཅོམ་ལྡན་འདས་བདག་གིས་ནི་འཇིག་རྟེན་ན། ཨེ་རཎྜའི་འབྲས་བུ་ལས་ཨེ་རཎྜའི་སྡོང་པོ་སྐྱེ་བར་མཐོང་གི། ཨེ་རཎྜའི་འབྲས་བུ་ལས་ཙན་དན་གྱི་སྡོང་པོ་སྐྱེ་བར་མ་མཐོང་སྟེ། བདག་གིས་དེང་གཟོད་ཨེ་རཎྜའི་འབྲས་བུ་ལས་ཙན་དན་གྱི་སྡོང་པོ་སྐྱེས་པ་མཐོང་ངོ་། །དེ་ལ་
D119.052.0323b02.01ཨེ་རཎྜའི་འབྲས་བུ་ནི་བདག་གི་ལུས་སོ། །ཙན་དན་གྱི་སྡོང་པོ་ནི་བདག་གི་སེམས་དད་པའི་རྩ་བ་མ་མཆིས་པའོ། །རྩ་བ་མ་མཆིས་པ་ཞེས་བགྱི་བ་ནི་བདག་སྔོན་དེ་བཞིན་གཤེགས་པ་ལ་བཀུར་སྟི་བགྱི་བར་མི་འཚལ། ཆོས་དང་དགེ་འདུན་ལ་མ་དད་དེ། དེ་ནི་རྩ་བ་མ་མཆིས་པ་ཞེས་བགྱིའོ། །བཅོམ་
D119.052.0323b03.01ལྡན་འདས་བདག་གལ་ཏེ་སངས་རྒྱས་བཅོམ་ལྡན་འདས་དང་མ་ཕྲད་ན་བསྐལ་པ་ཚད་མེད་གྲངས་མེད་པའི་བར་དུ་སེམས་ཅན་དམྱལ་བ་ཆེན་པོར་སྡུག་བསྔལ་ཚད་མེད་པ་སྙེད་མྱོང་བར་འགྱུར་རོ། །བདག་གིས་དེང་སངས་རྒྱས་མཐོང་བར་གྱུར་ཏེ། སངས་རྒྱས་མཐོང་བའི་བསོད་ནམས་ཇི་སྙེད་ཐོབ་པ་དེས།
D119.052.0323b04.01སེམས་ཅན་གྱི་ཉོན་མོངས་པ་མི་དགེ་བའི་སེམས་ཐམས་ཅད་ཆོམས་པར་གྱུར་ཅིག །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ལེགས་སོ་ལེགས་སོ། །ངས་དེང་ཁྱོད་གདོན་མི་ཟ་བར་སེམས་ཅན་གྱི་མི་དགེ་བའི་སེམས་ཆོམས་པར་མཁྱེན་ཏོ། །གསོལ་པ། བཅོམ་ལྡན་འདས་གལ་ཏེ་བདག་དེ་ལྟར་
D119.052.0323b05.01བརྟགས་པར་སེམས་ཅན་གྱི་མི་དགེ་བའི་སེམས་རྣམས་ཆོམས་པར་འགྱུར་ན་ལྟ། གལ་ཏེ་བདག་རྟག་ཏུ་སེམས་ཅན་དམྱལ་བར་མཆིས་ཏེ། སེམས་ཅན་རྣམས་ཀྱི་ཕྱིར་བསྐལ་པ་ཚད་མེད་པའི་བར་དུ་སྡུག་བསྔལ་ཆེན་པོ་ལེན་ཡང་སྡུག་བསྔལ་བར་མི་འཛིན་ཏོ། །དེ་ནས་དེའི་ཚེ་ཡུལ་དབུས་འགྱུར་འཆང་གི་མི་
D119.052.0323b06.01ཚད་མེད་པ་སྙེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །དེ་ལྟར་ཚད་མེད་པ་དེ་དག་གི་སེམས་རབ་ཏུ་བསྐྱེད་པའི་ཕྱིར་རྒྱལ་པོ་མ་སྐྱེས་དགྲའི་སྡིག་ལྕི་བ་ཡང་བར་གྱུར་ནས་རྒྱལ་པོ་དང་། བཙུན་མོ་དང་། སླས་ལ་སོགས་པ་ཀུན་གྱིས་ཅིག་ཅར་བླ་ན་མེད་པ་ཡང་དག་པར་
D119.052.0323b07.01