完整藏文原文 · 德格版页 当前仅加载第 52 函德格 341b 版页；藏文 NFD、目录标记与异常页序保留在来源切片中，重复版页行以稳定序号区分。
ན་ནི་རྟག་པ་ཞེས་མི་བགྱིའོ། །དེ་ཅིའི་སླད་དུ་ཞེ་ན། ཇི་ལྟར་བཅོམ་ལྡན་འདས་ཀྱིས་སྔོན་ལུང་ལས་དགའ་བོ་ལ་འདི་སྐད་དུ་གལ་ཏེ་ལ་ལ་ཞིག་གིས་མྱ་ངན་ལས་འདས་པ་ལ་བསྟི་སྟང་དུ་བྱས་ན་ཀུན་ནས་ཉོན་མོངས་པ་ཆོད་དེ། བདེ་བ་ཚད་མེད་པ་ཐོབ་པར་འགྱུར་ཞེས་གསུངས་ཏེ། དོན་དེ་ལྟ་
D119.052.0341b01.01བས་ན་རྟག་པ་ཞེས་མི་བགྱིའོ། །བཅོམ་ལྡན་འདས་གལ་ཏེ་མྱ་ངན་ལས་འདས་པ་ལ་རྟག་པ་དང་། བདེ་བ་དང་། བདག་དང་། ཡོངས་སུ་དག་པའི་མིང་མཆིས་ན་རྟག་པ་ཞེས་མི་བགྱིའོ། །དེ་སྟེ་མ་མཆིས་ན་ནི་ཇི་ལྟར་བཤད་པར་རུང་། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་
D119.052.0341b02.01སེམས་དཔའ་ཆེན་པོ་ཀུན་ཏུ་སྣང་བ་མཐོ་བཙུན་དཔལ་གྱི་རྒྱལ་པོ་ལ་བཀའ་སྩལ་པ། མྱ་ངན་ལས་འདས་པ་ཉིད་ནི་ཐོག་མ་མེད་པ་ལ་ད་ལྟ་ཡོད་པ་མ་ཡིན་ནོ། །གལ་ཏེ་མྱ་ངན་ལས་འདས་པ་ཉིད་ཐོག་མ་མེད་ལ་ད་ལྟར་ཡོད་ན། ཟག་པ་མེད་པ་རྟག་ཏུ་གནས་པའི་ཆོས་མ་ཡིན་པར་འགྱུར་རོ། །
D119.052.0341b03.01སངས་རྒྱས་རྣམས་བྱུང་ཡང་རུང་སངས་རྒྱས་མ་བྱུང་ཡང་རུང་། རང་བཞིན་དང་མཚན་ཉིད་ནི་རྟག་ཏུ་གནས་ཏེ། སེམས་ཅན་དག་ཉོན་མོངས་པས་བསྒྲིབས་པས་མྱ་ངན་ལས་འདས་པ་མི་མཐོང་བའི་ཕྱིར་མེད་དོ་སྙམ་སེམས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་
D119.052.0341b04.01ཁྲིམས་དང་ཏིང་ངེ་འཛིན་དང་། ཤེས་རབ་ལ་གོམས་པ་དག་ནི་ཉོན་མོངས་པ་བཅད་ནས་མཐོང་བར་འགྱུར་ཏེ། དེ་བས་ན་མྱ་ངན་ལས་འདས་པ་ནི་རྟག་ཏུ་གནས་པའི་ཆོས་ཅན་ཏེ་སྔོན་མེད་པ་ལ་ད་ལྟར་ཡོད་པ་མ་ཡིན་པར་རིག་པས་དེ་བས་ན་རྟག་པ་ཞེས་བྱའོ། །རིགས་ཀྱི་བུ་དཔེར་ན་
D119.052.0341b05.01མུན་ཁང་གི་ནང་ན་ཁྲོན་པ་ཞིག་ན་རིན་པོ་ཆེ་སྣ་བདུན་རྣམ་པ་སྣ་ཚོགས་ཡོད་པ་མི་དག་གིས་ཡོད་པར་ཤེས་ཀྱང་མུན་པ་གནག་པས་མི་མཐོང་ངོ་། །ཤེས་རབ་ཅན་ཐབས་ལ་མཁས་པས་སྒྲོན་མ་ཆེན་པོ་ཐོགས་ཏེ་བལྟས་པ་དང་ཀུན་སྣང་བར་གྱུར་ཏེ། འདི་སྙམ་དུ་ཆུ་དང་རིན་པོ་ཆེ་སྣ་བདུན་
D119.052.0341b06.01ཐོག་མ་མེད་པ་ལ་ད་ལྟར་ཡོད་པར་གྱུར་ཏོ་སྙམ་མི་སེམས་སོ། །མྱ་ངན་ལས་འདས་པ་ཡང་དེ་དང་འདྲ་སྟེ། ཐོག་མ་ནས་ཡོད་པ་ཡིན་གྱི། ད་ལྟར་གཟོད་ཡོད་པ་མ་ཡིན་ནོ། །ཉོན་མོངས་པའི་མུན་པས་སེམས་ཅན་དག་བསྒྲིབས་པའི་ཕྱིར་མི་མཐོང་གི །ཐམས་ཅད་མཁྱེན་པའི་
D119.052.0341b07.01