完整藏文原文 · 德格版页 当前仅加载第 52 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་བཅོམ་སྟེ། དེ་བཞིན་གཤེགས་པ་ཡང་དག་པར་རྫོགས་པར་མངོན་པར་སངས་རྒྱས་པ་བསྟན་པའོ། །བླ་མ་ཕྱོགས་སུ་གོམ་པ་བདུན་བོར་བ་ནི་གང་མི་གཙང་བའི་དངོས་པོ་ཐམས་ཅད་ཀྱིས་མི་གོས་ཏེ། ནམ་མཁའ་ལྟ་བུར་གྱུར་པ་བསྟན་པའོ། །འོག་མའི་ཕྱོགས་སུ་གོམ་པ་
D119.052.0064b01.01བདུན་བོར་བ་ནི་ཆོས་ཀྱི་ཆར་གྱིས་སེམས་ཅན་དམྱལ་བའི་མེ་གསད་དེ། སེམས་ཅན་དེ་དག་རབ་ཏུ་བདེ་བ་མྱོང་བ་དང་། ཚུལ་ཁྲིམས་ངན་པ་ཅན་ལ་བ་མོ་དང་སེར་བ་ལྟ་བུ་བསྟན་པའོ། །འཛམ་བུའི་གླིང་དུ་སྐྱེས་ནས་ཞག་བདུན་ལོན་པ་དང་། སྐྲ་བྲེགས་པ་བསྟན་ཏེ། མི་ཐམས་ཅད་ཀྱིས་ནི་
D119.052.0064b02.01ང་ལ་བུས་པར་འཛིན་ཏོ། །ཐོག་མ་སྐྲ་འདྲེག་པ་ན། འཇིག་རྟེན་དུ་བཅས་པ་ལྷ་དང་། མི་དང་བདུད་དང་ཚངས་པ་དང་། བྲམ་ཟེ་ལ་སོགས་པ་གང་གིས་ཀྱང་། ངའི་སྤྱི་གཙུག་གི་མཚན་ཡང་མཐོང་བར་མི་ནུས་ན། གྲི་ཐོགས་ཏེ་ངའི་སྐྲ་འདྲེག་པ་ལྟ་ཅི་སྨོས། གྲི་ཐོགས་ཏེ་ངའི་
D119.052.0064b03.01སྤྱི་གཙུག་འདྲེག་པ་ནི་གནས་མེད་དོ། །ང་ཡུན་རིང་པོ་ནས་བསྐལ་པ་ཚད་མེད་པའི་བར་དུ་སྐྲ་དང་ཁ་སྤུ་བྲེགས་ཏེ། ད་ཡང་འཇིག་རྟེན་པའི་རྗེས་སུ་སྐྲ་བྲེགས་པ་བསྟན་པ་ཡིན་ནོ། །ང་ཐོག་མ་བལྟམ་ནས་ཡབ་དང་ཡུམ་གྱིས་ང་ལྷ་ལ་བསྟན་པའི་ཕྱིར་ལྷའི་རྟེན་གྱི་ནང་དུ་ཁྲིད་ནས་ལྷ་དབང་སྒྱུར་
D119.052.0064b04.01ཆེན་པོ་ལ་བསྟན་པ་ན། ལྷ་དབང་སྒྱུར་ཆེན་པོས་ང་མཐོང་བའི་ཚེ་ཐལ་མོ་སྦྱར་ཏེ་བསྟི་སྟང་དང་བཅས་པས་ཕྱོགས་གཅིག་ཏུ་འགྲེང་ངོ་། །ང་ནི་ཡུན་རིང་པོ་ནས་བསྐལ་པ་ཚད་མེད་པའི་བར་དུ་ལྷའི་རྟེན་གྱི་ནང་དུ་འགྲོ་བ་སྤངས་མོད་ཀྱི་འཇིག་རྟེན་པའི་རྗེས་སུ་འཐུན་པར་བྱ་བའི་ཕྱིར་དེ་ཡང་
D119.052.0064b05.01བསྟན་ཏོ། །ང་ནི་འཛམ་བུའི་གླིང་དུ་རྣ་བ་ཕུག་པ་ཡང་བསྟན་ཏེ། སེམས་ཅན་ཐམས་ཅད་ཀྱིས་ཡང་དག་པར་ངའི་རྣ་བ་དབུག་ནུས་པ་མེད་དེ། འཇིག་རྟེན་པའི་རྗེས་སུ་འཐུན་པར་བྱ་བའི་ཕྱིར་དེ་ཡང་མངོན་པར་བསྟན་ཏོ། །རིན་པོ་ཆེ་ལས་རྣ་ཆ་སེང་གེ་ཅན་བྱས་ཏེ། ངའི་རྣ་བ་ལ་བཏགས་
D119.052.0064b06.01མོད་ཀྱི། ང་ནི་བསྐལ་པ་ཚད་མེད་པའི་བར་དུ་བརྒྱན་པའི་རྒྱན་ཡོངས་སུ་སྤངས་ཏེ། འཇིག་རྟེན་པའི་རྗེས་སུ་འཐུན་པར་བྱ་བའི་ཕྱིར་དེ་ཡང་བསྟན་ཏོ། །ཡི་གེའི་གྲྭར་ཡིག་རྩིས་ཀྱང་བསླབས་ཏེ། ང་ནི་བསྐལ་པ་ཚད་མེད་པའི་བར་དུ་ཕུན་སུམ་ཚོགས་པ་དང་ལྡན་པས་ཁམས་
D119.052.0064b07.01