完整藏文原文 · 德格版页 当前仅加载第 52 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཚུལ་ཁྲིམས་ཉམས་པ་དག་མཐོང་ན་ཡོངས་སུ་དག་པར་འཆགས་ཤིང་འཐོལ་དུ་མི་འཇུག་པར་ལྷན་ཅིག་ཏུ་གསོ་སྦྱོང་དང་ཚུལ་ནས་འབྱུང་བའི་ལས་བྱེད་པ་ནི་གླེན་ཞིང་གཏི་མུག་པའི་དགེ་འདུན་ཞེས་བྱའོ། །དེ་ལ་ཇི་ལྟར་ན་ཡོངས་སུ་དག་པའི་དགེ་འདུན་གང་ཞེ་
D119.052.0053b01.01ན། དགེ་སློང་གི་དགེ་འདུན་གང་བདུད་ཁྲི་ཕྲག་བརྒྱ་སྟོང་གིས་ཀྱང་མི་ཕྱེད་མི་ཤིགས་ན་དེ་ནི་བྱང་ཆུབ་སེམས་དཔའི་དགེ་འདུན་རང་བཞིན་གྱིས་རྣམ་པར་དག་པ་སྟེ། དགེ་འདུན་གོང་དུ་སྨོས་པ་རྣམ་པ་གཉིས་པོ་ཡང་བཏུལ་ཏེ། ཡོངས་སུ་དག་པའི་དགེ་
D119.052.0053b02.01འདུན་གྱི་ནང་དུ་བཙུད་ན་དེ་ནི་ཆོས་སྲུང་བའི་བླ་ན་མེད་པའི་སློབ་དཔོན་ཆེན་པོ་ཞེས་བྱའོ། །འདུལ་བ་ལ་མཁས་པ་ནི་སེམས་ཅན་ལ་ཕན་པ་དང་། གདུལ་བའི་ཕྱིར་ཚུལ་ཁྲིམས་ཀྱི་མཚན་ཉིད་ལྕི་བ་དང་། ཡང་བ་ལ་ཤིན་ཏུ་མཁས་ཏེ། གང་ཚུལ་ཁྲིམས་མ་ཡིན་པ་
D119.052.0053b03.01ནི་ཤེས་པར་མི་རྩོལ་ལོ། །གང་ཚུལ་ཁྲིམས་ཀྱི་ཕྱོགས་ལ་ནི་རྟོགས་ཤིང་ཤེས་པར་བྱེད་དོ། །དེ་ལ་ཇི་ལྟར་ན་སེམས་ཅན་གདུལ་བའི་ཕྱིར་བྱང་ཆུབ་སེམས་དཔའ་དག་རྟག་ཏུ་དུས་མེད་པར་གྲོང་ཁྱེར་དུ་འཇུག་ཅིང་། ཡུགས་ས་མོ་དང་། སྨད་འཚོང་མའི་གནས་སུའང་
D119.052.0053b04.01འཇུག་ཅིང་། ལྷན་ཅིག་ཏུ་ཡང་གནས་ལ། ལོ་མང་པོར་ཐོགས་པ་ནི་ཉན་ཐོས་དག་གིས་དེ་ལྟར་མི་བྱ་སྟེ། དེ་ནི་སེམས་ཅན་ལ་ཕན་པ་དང་བདེ་བའི་ཕྱིར་གདུལ་བ་ཞེས་བྱའོ། །ཇི་ལྟར་ན་ལྕི་བ་ཤེས་པར་བྱ་ཞེ་ན། དེ་བཞིན་གཤེགས་པས་དངོས་པོ་གཅིག་
D119.052.0053b05.01ལས་ཚུལ་ཁྲིམས་བཅས་ཏེ། ཁྱེད་དེང་ཕྱིན་ཆད་འདི་ལས་ཉམས་པར་མ་བྱེད་ཅིག་ཅེས་བྱ་བ་རྩ་བ་བཞི་ལྟ་བུ་སྟེ། རབ་ཏུ་བྱུང་བ་དག་བྱེད་དུ་མི་གནང་ངོ་ཞེས་བཅས་པ་ལས་ཆེད་དུ་བྱས་ན། དེ་ནི་དགེ་སྦྱོང་མ་ཡིན། ཤཱཀྱའི་སྲས་མ་ཡིན་ཏེ་དེ་དག་ནི་ལྕི་བ་ཞེས་བྱའོ། །
D119.052.0053b06.01དེ་ལ་ཇི་ལྟར་ན་ཡང་བ་ཞེ་ན། ཡང་བའི་དངོས་པོ་ལ་ལན་གསུམ་གྱི་བར་དུ་བསྐུལ་ཏེ་བཏང་ན་ནི་ཡང་བ་ཞེས་བྱའོ། །ཚུལ་ཁྲིམས་ལས་མི་འབྱུང་བ་ནི་གང་ཡོངས་སུ་མ་དག་པའི་དངོས་པོ་སྤྱོད་པའི་ཆ་མ་ཡིན་པར་གསུངས་པ་དང་ལྷན་ཅིག་ཏུ་མི་སྤྱོད་པའོ། །འདུལ་བ་
D119.052.0053b07.01