完整藏文原文 · 德格版页 当前仅加载第 52 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བསྟན་ཅིང་བཅོས་ན་ཡང་དག་པར་ལྟ་བ་དང་ལྡན་པར་འགྱུར་གྱིས་བདག་ཅག་རྣམས་མི་སྤང་དུ་གསོལ། ཅི་སྟེ་བདག་ཅག་ཡོངས་སུ་སྤངས་པར་གྱུར་ན་རྒྱལ་པོའི་སྲས་དང་འདྲ་བར་མི་འགྱུར་རམ། མྱ་ངན་ལས་མི་འདའ་བར་འཇིག་རྟེན་
D119.052.0029b01.01ན་ཡུན་དུ་བཞུགས་པར་གསོལ། བཅོམ་ལྡན་འདས་དཔེར་ན་སྐྱེས་བུ་ཞིག་གཙུག་ལག་རྣམས་ལེགས་པར་བསླབས་ནས་གཙུག་ལག་གིས་སྐྲག་པར་གྱུར་ཏོ། །བཅོམ་ལྡན་འདས་ཀྱང་དེ་དང་མཚུངས་ཏེ། ཆོས་ཐམས་ཅད་ཐུགས་སུ་ཆུད་ནས་ཆོས་
D119.052.0029b02.01ཀྱིས་བསྙེངས་པར་གྱུར་ཏོ། །གལ་ཏེ་དེ་བཞིན་གཤེགས་པ་འཇིག་རྟེན་ན་ཡུན་དུ་བཞུགས་ཤིང་། བདུད་རྩི་ལྟ་བུའི་ཆོས་བསྟན་ཏེ། ཐམས་ཅད་ངོམས་པར་མཛད་ན་སེམས་ཅན་ཐམས་ཅད་ཀྱང་སེམས་ཅན་དམྱལ་བར་ལྟུང་གིས་མི་དོགས་སོ། །
D119.052.0029b03.01བཅོམ་ལྡན་འདས་དཔེར་ན་སྐྱེས་བུ་ཞིག་ལས་བྱེད་པའི་འཕྲོ་ལས་བཟུང་སྟེ། བཙོན་རར་བཅུག་ནས་དེ་ལ་མི་ཞིག་གིས་འདི་སྐད་དུ་ཁྱོད་འདི་ན་ཅི་བྱེད་ཅེས་དྲིས་ན་བདག་ནི་ཤིན་ཏུ་སྡུག་བསྔལ་ཆེན་པོ་མྱོང་ཞིང་འདུག་སྟེ། འདི་ལས་ཐར་ན་རབ་ཏུ་བདེ་བར་འགྱུར་རོ་ཞེས་
D119.052.0029b04.01མཆིའོ། །བཅོམ་ལྡན་འདས་ཀྱང་དེ་དང་འདྲ་སྟེ། བདག་ཅག་གི་སླད་དུ་སྤྱོད་པ་དཀའ་བ་མཛད་མཛད་དེ། བདག་ཅག་འཁོར་བའི་ཉོན་མོངས་པ་ལས་མ་ཐར་ན་དེ་བཞིན་གཤེགས་པ་བདེ་བར་ག་ལ་འགྱུར། བཅོམ་ལྡན་འདས་དཔེར་ན་སྨན་པ་ཤིན་ཏུ་
D119.052.0029b05.01མཁས་པ་ནི་སྨན་དཔྱད་གསང་བ་དག་བུ་ལ་སྟོན་གྱི། སློབ་མ་གཞན་ལ་མི་སྟོན་ནོ། །བཅོམ་ལྡན་འདས་ཀྱང་དེ་དང་འདྲ་སྟེ། དགོངས་ཏེ་གསུངས་པའི་སྙིང་པོ་ཤིན་ཏུ་ཟབ་མོ་ཡང་འཇམ་དཔལ་འབའ་ཞིག་ལ་བསྟན་གྱི། བདག་ཅག་རྣམས་ལ་བསྟན་པར་
D119.052.0029b06.01མ་གྱུར་ཏོ། །དེ་བཞིན་གཤེགས་པ་ཡང་སྨན་པ་ལྟ་བུ་འབའ་ཞིག་ལ་བསྟན་གྱི། སློབ་མ་གཞན་ལ་མི་སྟོན་པ་ལྟར་དེ་བཞིན་གཤེགས་པ་ནི་ཆོས་ཐམས་ཅད་ལ་ཕྲག་དོག་ཏུ་མ་གྱུར་པ་ལགས་སོ། །སྨན་པ་དེས་ཀུན་ལ་འདྲ་བར་མ་བསྟན་པ་ནི་བྱམས་སྡང་གི་སེམས་དང་
D119.052.0029b07.01