完整藏文原文 · 德格版页 当前仅加载第 52 函德格 317b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་དུས་ན་དགེ་བའི་རྩ་བ་ཐོབ་པ་དང་། ཕྱི་མའི་དུས་སུ་དགེ་བའི་རྩ་བ་ཐོབ་པའོ། །དེ་བཞིན་གཤེགས་པས་ལོག་སྲེད་ཅན་གང་ད་ལྟར་གྱི་དུས་སུ་དགེ་བའི་རྩ་བ་ཐོབ་པ་མཁྱེན་པས་དེ་ལ་ཆོས་སྟོན་ཏོ། །ཕྱི་མའི་དུས་སུ་ཐོབ་པར་འགྱུར་བ་ལ་ཡང་ཆོས་སྟོན་ཏོ། །ད་ལྟར་གྱི་དུས་
D119.052.0317b01.01སུ་ཕན་པར་མི་འགྱུར་ཡང་ཕྱི་མའི་དུས་ཀྱི་རྒྱུར་འགྱུར་བའི་ཕྱིར། དེ་བཞིན་གཤེགས་པས་ལོག་སྲེད་ཅན་ལ་ཡང་ཆོས་ཀྱི་གཞུང་སྟོན་ཏོ། །ལོག་སྲེད་ཅན་ཞེས་བྱ་བ་ལ་ཡང་རྣམ་པ་གཉིས་ཏེ། དབང་པོ་རྣོན་པོ་དང་དབང་པོ་འབྲིང་པོའོ། །དབང་པོ་རྣོན་པོ་ནི་ད་ལྟར་གྱི་དུས་ན་དགེ་
D119.052.0317b02.01བའི་རྩ་བ་ཐོབ་པའོ། །དབང་པོ་འབྲིང་པོས་ནི་ཕྱི་མའི་དུས་སུ་འཐོབ་པར་འགྱུར་ཏེ། སངས་རྒྱས་བཅོམ་ལྡན་འདས་ནི་དོན་མེད་པར་ཆོས་མི་སྟོན་ཏོ། །རྒྱལ་པོ་ཆེན་པོ་དཔེར་ན་མི་གཙང་མ་ཞིག་སྣམ་ཕྱི་སར་ལྷུང་ནས་གྲོགས་པོ་མཛའ་བོ་ཞིག་གིས་མཐོང་བ་དང་། སྐྲ་ལས་
D119.052.0317b03.01བཟུང་སྟེ་ཕྱིར་ཕྱུང་ངོ་། །དེ་བཞིན་དུ་སངས་རྒྱས་བཅོམ་ལྡན་འདས་ཀྱང་སེམས་ཅན་དག་ངན་སོང་གསུམ་དུ་ལྷུང་བར་གཟིགས་ན་ཐབས་ཀྱིས་བསྐྱེད་ཅིང་དབྱུང་བར་མཛད་དོ། །དེ་བས་ན་དེ་བཞིན་གཤེགས་པས་ལོག་སྲེད་ཅན་ཐམས་ཅད་ལ་ཆོས་སྟོན་ཏོ། །རྒྱལ་པོས་འཚོ་
D119.052.0317b04.01བྱེད་ལ་སྨྲས་པ། གལ་ཏེ་དེ་བཞིན་གཤེགས་པ་ཡང་དག་པར་དེ་ལྟ་བུ་ཡིན་པར་བདེན་ན་ལྟ། སང་ཉི་མ་བཟང་པོ་དང་སྐར་མ་བཟང་པོ་བལྟས་ཏེ་གདོད་འདོང་ངོ་། །འཚོ་བྱེད་ཀྱིས་གསོལ་པ། རྒྱལ་པོ་ཆེན་པོ་དེ་བཞིན་གཤེགས་པའི་ཆོས་ལ་ནི་ཉི་མ་དང་སྐར་མ་བཟང་ངན་ཅེས་བྱ་བ་
D119.052.0317b05.01མེད་དོ། །རྒྱལ་པོ་ཆེན་པོ་དཔེར་ན་ནད་པ་ཚབས་པོ་ཆེ་ལ་ཡང་ཉི་མ་དང་སྐར་མ་དང་དུས་བཟང་ངན་ཅེས་བྱ་བ་ལྟ་བ་མེད་དེ། སྨན་པ་མཁས་པ་དོན་དུ་གཉེར་རོ། །རྒྱལ་པོ་ཡང་ནད་ཚབས་པོ་ཆེས་བཏབ་པ་དང་འདྲ་སྟེ། སྨན་པ་དེ་བཞིན་གཤེགས་པ་གཉེར་བ་ལ་ཉི་མ་དང་དུས་བཟང་ངན་ལྟ་
D119.052.0317b06.01བའི་མི་རིགས་སོ། །རྒྱལ་པོ་ཆེན་པོ་དཔེར་ན་ཙན་དན་གྱི་མེ་དང་། ཨེ་རཎྜའི་མེ་ནི་གཉི་ག་ཚིག་པའི་མཚན་ཉིད་དུ་འདྲ་སྟེ་ཐ་དད་པ་མེད་དོ། །ཉི་མ་བཟང་པོ་དང་ངན་པ་ཡང་དེ་དང་འདྲ་སྟེ། གལ་ཏེ་སངས་རྒྱས་ཀྱི་སྤྱན་སྔར་ཕྱིན་ན་སྡིག་པ་ཀུན་འབྱང་བར་འགྱུར་གྱིས། རྒྱལ་པོ་ཆེན་
D119.052.0317b07.01