完整藏文原文 · 德格版页 当前仅加载第 52 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་འཐོབ་པར་ཡང་མི་རུང་ངོ་། །བཅོམ་ལྡན་འདས་དཔེར་ན་འཇིག་རྟེན་གྱི་དངོས་པོ་དག་ཐོག་མ་ནས་མེད་ལ་ད་ཡོད་པ་ནི་མི་རྟག་པ་ཞེས་བགྱི་ན་བྱང་ཆུབ་ཀྱང་དེ་དང་འདྲ་སྟེ། ཇི་སྟེ་བྱང་ཆུབ་ཐོབ་པ་ཞིག་ལགས་ན་མི་རྟག་པ་ཞེས་བགྱིའོ། །ཇི་སྟེ་ཆོས་རྟག་པ་ཞིག་
D119.052.0272a01.01ལགས་ན། འཐོབ་པ་ཡང་མ་མཆིས་ལ་སྐྱེ་བ་ཡང་མ་མཆིས་ཏེ། དཔེར་ན་སངས་རྒྱས་ཀྱི་རང་བཞིན་ཡང་འཐོབ་པ་ཡང་མ་མཆིས་ལ། སྐྱེ་བ་ཡང་མ་མཆིས་སོ། །བཅོམ་ལྡན་འདས་ལམ་ནི་གཟུགས་ཀྱང་མ་ལགས། གཟུགས་མ་ལགས་པ་ཡང་མ་ལགས། རིང་པོ་ཡང་མ་
D119.052.0272a02.01ལགས། ཐུང་ངུ་ཡང་མ་ལགས། མཐོ་བ་ཡང་མ་ལགས། དམའ་བ་ཡང་མ་ལགས། སྐྱེ་བ་ཡང་མ་ལགས། འགོག་པ་ཡང་མ་ལགས། དམར་པོ་ཡང་མ་ལགས། དཀར་པོ་ཡང་མ་ལགས། སྔོན་པོ་ཡང་མ་ལགས། སེར་པོ་ཡང་མ་ལགས། ཡོད་པ་ཡང་མ་ལགས།
D119.052.0272a03.01མེད་པ་ཡང་མ་ལགས་ན། ཅིའི་སླད་དུ་དེ་བཞིན་གཤེགས་པས་འཐོབ་པར་རུང་ཞེས་གསུངས། བྱང་ཆུབ་དང་མྱ་ངན་ལས་འདས་པ་ཡང་དེ་དང་མཚུངས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ཏེ། དེ་དེ་བཞིན་ནོ། །རིགས་ཀྱི་བུ་ལམ་ལ་རྣམ་པ་གཉིས་ཏེ། རྟག་
D119.052.0272a04.01པ་དང་མི་རྟག་པའོ། །བྱང་ཆུབ་ལ་ཡང་རྣམ་པ་གཉིས་ཏེ། རྟག་པ་དང་མི་རྟག་པའོ། །མྱ་ངན་ལས་འདས་པ་ཡང་དེ་དང་འདྲ་སྟེ། ཕྱི་རོལ་པ་མུ་སྟེགས་ཅན་གྱི་ལམ་ནི་མི་རྟག་པ་ཞེས་བྱའོ། །ནང་གི་ལམ་ནི་རྟག་པ་ཞེས་བྱའོ། །ཉན་ཐོས་དང་རང་སངས་རྒྱས་ཀྱི་བྱང་ཆུབ་ནི་
D119.052.0272a05.01མི་རྟག་པ་ཞེས་བྱའོ། །བྱང་ཆུབ་སེམས་དཔའ་དང་སངས་རྒྱས་རྣམས་ཀྱི་བྱང་ཆུབ་ནི་རྟག་པ་ཞེས་བྱའོ། །ཕྱི་རོལ་གྱི་རྣམ་པར་གྲོལ་བ་ནི་མི་རྟག་པ་ཞེས་བྱའོ། །ནང་གི་རྣམ་པར་གྲོལ་བ་ནི་རྟག་པ་ཞེས་བྱའོ། །རིགས་ཀྱི་བུ་ལམ་དང་བྱང་ཆུབ་དང་མྱ་ངན་ལས་འདའ་བ་ནི་ཀུན་
D119.052.0272a06.01ཀྱང་རྟག་པ་ཞེས་བྱའོ། །སེམས་ཅན་ཐམས་ཅད་ནི་རྟག་ཏུ་ཉོན་མོངས་པ་གྲངས་མེད་པས་ཡོངས་སུ་ཁེབས་ཏེ། ཤེས་རབ་ཀྱི་མིག་མེད་པས་མཐོང་བར་མ་གྱུར་ཏོ། །སོ་སོའི་སྐྱེ་བོ་དག་མཐོང་བར་འདོད་པས་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ལ་ནན་ཏན་དུ་སྤྱོད་དོ། །
D119.052.0272a07.01