完整藏文原文 · 德格版页 当前仅加载第 52 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་རྒྱ་མཚོར་འབབ་པ་ལྟར་ཉན་ཐོས་དང་། རང་སངས་རྒྱས་ཐམས་ཅད་ཀྱང་རྟག་པ་ཞེས་བགྱིའི་མི་རྟག་པ་ནི་མ་ལགས་སོ། །དེ་བས་ན་བྱེ་བྲག་ཀྱང་མཆིས་ལ་བྱེ་བྲག་ཀྱང་མ་མཆིས་སོ། །འོད་སྲུང་གིས་ཡང་གསོལ་པ། མཚན་ཉིད་ལ་བྱེ་བྲག་
D119.052.0156a01.01མཆིས་པ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཉན་ཐོས་དག་ནི་འོ་མ་ལྟ་བུའོ། །རང་སངས་རྒྱས་ནི་ཞོ་ལྟ་བུའོ། །བྱང་ཆུབ་སེམས་དཔའ་ནི་མར་རམ་ཞུན་མར་ལྟ་བུའོ། །སངས་རྒྱས་བཅོམ་ལྡན་འདས་ནི་མར་གྱི་སྙིང་པོ་ལྟ་བུ་སྟེ།
D119.052.0156a02.01དེ་བས་ན་ཡོངས་སུ་མྱ་ངན་ལས་འདས་པ་ཆེན་པོ་འདི་ལས་མཚན་ཉིད་རྣམ་པ་བཞི་ཐ་དད་པར་བཤད་དོ། །འོད་སྲུང་གིས་ཡང་གསོལ་པ། སེམས་ཅན་ཐམས་ཅད་ཀྱི་མཚན་ཉིད་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དཔེར་ན་བ་བེའུ་བྱུང་
D119.052.0156a03.01མ་ཐག་གི་འོ་མ་ནི་ཁྲག་དང་འདྲེས་སོ། །བྱིས་པ་མ་རབས་ཀྱི་མཚན་ཉིད་ཉོན་མོངས་པ་དང་འདྲེས་པ་ཡང་དེ་དང་འདྲའོ། །ཡང་འོད་སྲུང་གིས་གསོལ་པ། རྩྭ་མཆོག་གི་གྲོང་ཁྱེར་ན་གནས་པའི་རིགས་ངན་རབ་ཏུ་དགའ་བ་ཞེས་བྱ་བ་བཅོམ་ལྡན་འདས་ཀྱིས་ལུང་བསྟན་པ་ཁྱོད་
D119.052.0156a04.01ནི་སེམས་བསྐྱེད་པ་ཙམ་གྱིས་འཇིག་རྟེན་གྱི་ཁམས་འདིར་སངས་རྒྱས་སྟོང་གི་གྲངས་སུ་གཏོགས་པར་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འཚང་རྒྱའོ་ཞེས་ལུང་བསྟན་ལ། བཙུན་པ་ཤཱ་རིའི་བུ་དང་། མཽད་གལ་ཡ་ན་ལ་སོགས་པ་མྱུར་དུ་མངོན་པར་འཚང་
D119.052.0156a05.01རྒྱའོ་ཞེས་ལུང་མི་སྟོན། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་ལ་ལ་ནི་སྨོན་ལམ་གྱི་དབང་གིས་འཇིག་རྟེན་ན་ཡུན་རིང་དུ་གནས་ཤིང་། དམ་པའི་ཆོས་ཡུན་དུ་བཟུང་ནས་གདོད་བླ་ན་མེད་པའི་བྱང་
D119.052.0156a06.01ཆུབ་ཏུ་འཚང་རྒྱའོ། །གང་མྱུར་དུ་འགྲུབ་པར་སྨོན་ལམ་བཏབ་པ་ནི་མྱུར་དུ་འགྲུབ་བོ་ཞེས་ལུང་བསྟན་པ་ཡིན་ནོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་ཚོང་དཔོན་ཞིག་རིན་ཐང་མེད་པའི་ནོར་བུ་རིན་པོ་ཆེ་ཐོགས་ཏེ་ཚོང་དུས་སུ་འཚོང་དུ་འོང་ན་གླེན་པ་ནོར་ངོ་མི་ཤེས་པ་
D119.052.0156a07.01