完整藏文原文 · 德格版页 当前仅加载第 52 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
བམ་པོ་བདུན་པ། དེ་ནས་ཡང་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་ཡོངས་སུ་མྱ་ངན་ལས་འདས་པ་ཆེན་པོ་རྣམ་པར་གྲོལ་བའི་དོན་ཡང་
D119.052.0073a01.01རྒྱས་པར་བཤད་དུ་གསོལ། །བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། ཤིན་ཏུ་ལེགས་སོ་ཤིན་ཏུ་ལེགས་སོ། །རིགས་ཀྱི་བུ་ཡང་དག་པར་རྣམ་པར་གྲོལ་བ་ཞེས་བྱ་བ་ནི་གང་རྣམ་པར་བཅིང་བའི་བཅིངས་པ་ཐམས་ཅད་དང་ཡོངས་སུ་བྲལ་བའོ། །
D119.052.0073a02.01དེ་ལྟར་ཡང་དག་པར་གྲོལ་བ་ནི་བཅིངས་པ་ཐམས་ཅད་དང་ཡོངས་སུ་བྲལ་བས་སྐྱེ་བ་ཡང་མེད་ལ་འདུས་པ་ཡང་མེད་དོ། །འདི་ལྟ་སྟེ། དཔེར་ན་ཕ་མ་འདུས་ཤིང་ཕྲད་པ་ལས་བུ་བྱུང་ངོ་། །ཡང་དག་པར་རྣམ་པར་གྲོལ་བ་ནི་དེ་ལྟ་བུ་མ་ཡིན་པས་ན་རྣམ་པར་གྲོལ་བ་
D119.052.0073a03.01དེ་ནི་མ་སྐྱེས་པ་ཞེས་བྱའོ། །འོད་སྲུང་དཔེར་ན་མར་གྱི་སྙིང་པོ་ནི་རང་བཞིན་གྱིས་རྣམ་པར་དག་གོ། །དེ་བཞིན་གཤེགས་པ་ཡང་དེ་དང་འདྲ་སྟེ། །ཕ་མ་འདུས་ཤིང་ཕྲད་པའི་རྐྱེན་གྱིས་བྱུང་བ་མ་ཡིན་ཏེ། རང་བཞིན་གྱིས་ཡོངས་སུ་དག་ཀྱང་སོ་སོའི་སྐྱེ་བོ་དག་གདུལ་བའི་
D119.052.0073a04.01ཕྱིར་ཕ་མ་མངོན་པར་བསྟན་ཏོ། །ཡང་དག་པར་རྣམ་པར་གྲོལ་བ་ཞེས་བྱ་བ་ནི་དེ་བཞིན་གཤེགས་པ་སྟེ། དེ་བཞིན་གཤེགས་པའི་རྣམ་པར་གྲོལ་བ་ལ་ནི་གཉིས་སུ་མེད་དབྱེར་མེད་དོ། །དཔེར་ན་དབྱར་གྱི་དུས་སུ་ས་བོན་བཏབ་ན་དྲོད་གཤེར་གྱིས་རླན་པས་དེ་མ་ཐག་ཏུ་
D119.052.0073a05.01སྐྱེ་ཞིང་འབྱུང་ངོ་། །ཡང་དག་པར་རྣམ་པར་གྲོལ་བ་ནི་དེ་ལྟ་བུ་མ་ཡིན་ནོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་སྟོང་ཞིང་མེད་པའོ། །སྟོང་ཞིང་མེད་པ་ནི་རྣམ་པར་གྲོལ་བའོ། །རྣམ་པར་གྲོལ་བ་ནི་དེ་བཞིན་གཤེགས་པའོ། །དེ་བཞིན་གཤེགས་པ་ནི་སྟོང་པ་
D119.052.0073a06.01མེད་པ་བྱས་པ་མ་ཡིན་བྱེད་པ་མ་ཡིན་ནོ། །བྱས་པ་ཞེས་བྱ་བ་ནི་མཁར་དང་། གྲོང་དང་། ཁང་ཁྱིམ་དང་། ཉེན་དང་ཅོག་བར་རོ། །ཡང་དག་པར་རྣམ་པར་གྲོལ་བ་ནི་དེ་ལྟ་མ་ཡིན་ཏེ། དེ་ལྟ་བས་ན་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་
D119.052.0073a07.01