完整藏文原文 · 德格版页 当前仅加载第 52 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པ་ཞེས་བྱ་སྟེ། གང་ཟག་གིས་རྙེད་ན་དེ་ལ་ནོར་གྱི་དབྱིག་ཏུ་འདུ་ཤེས་སོ། །རྣམ་པར་གྲོལ་བ་ཉིད་ཀྱང་རིན་པོ་ཆེ་ཡང་དག་པ་དང་འདྲ་སྟེ། རིན་པོ་ཆེ་ཡང་དག་པ་ནི་ཡང་དག་པར་རྣམ་པར་གྲོལ་བའི་དཔེའོ། །ཡང་དག་པར་རྣམ་པར་གྲོལ་བ་ནི་དེ་བཞིན་
D119.052.0075a01.01གཤེགས་པའོ། །དཔེར་ན་རྫ་མ་བཅག་པ་ནི་སྒྲ་མི་སྙན་ནོ། །རིན་པོ་ཆེ་རྡོ་རྗེའི་བུམ་པ་ནི་དེ་ལྟ་བུ་མ་ཡིན་ཏེ། ཡང་དག་པར་རྣམ་པར་གྲོལ་བ་ལ་ཡང་སྒྲ་མི་སྙན་པ་མེད་དོ། །རིན་པོ་ཆེ་རྡོ་རྗེའི་བུམ་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་
D119.052.0075a02.01གྲོལ་བ་ནི་དེ་བཞིན་གཤེགས་པའོ། །དེ་བས་ན་དེ་བཞིན་གཤེགས་པའི་སྐུ་ནི་མི་འཇིག་པའོ། །སྒྲ་མི་སྙན་པ་ཞེས་བྱ་བ་ནི་འདི་ལྟ་སྟེ། ཨེ་རཎྜའི་འབྲས་བུ་དབྱར་ཉི་མ་ཚ་བ་ལ་སྐམས་ན་ཉི་མས་གདུངས་པས་སྒྲ་འབྱུང་ངོ་། །རྣམ་པར་གྲོལ་བ་ལ་ནི་དངོས་པོ་དེ་དག་
D119.052.0075a03.01མེད་དེ། རིན་པོ་ཆེ་རྡོ་རྗེའི་བུམ་པ་ལྟར་མི་སྙན་པ་ཆག་པའི་སྒྲ་མེད་དོ། །གལ་ཏེ་མི་མང་པོ་བརྒྱ་སྟོང་གྲངས་མེད་པ་ཐམས་ཅད་ཀྱིས་ཅིག་ཅར་མདའ་འཕངས་ཀྱང་འཇིག་པར་མི་འགྱུར་ལ་མི་སྙན་པ་ཆག་པའི་སྒྲ་མེད་དོ། །མི་སྙན་པ་ཆག་པའི་སྒྲ་མེད་པ་ནི་ཡང་དག་པར་རྣམ་
D119.052.0075a04.01པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །འདི་ལྟ་སྟེ། མི་དབུལ་པོ་ཞིག་ལ་གཞན་གྱི་བུ་ལོན་ཆགས་ན་བཟུང་སྟེ། ལྕགས་དང་ཁོང་སྒྲིལ་དང་། ལྟོང་འདོགས་ཏེ་སྡུག་བསྔལ་བར་བྱེད་དོ། །རྣམ་པར་གྲོལ་བ་ལ་ནི་དེ་ལྟ་བུའི་
D119.052.0075a05.01དངོས་པོ་མེད་དེ་བུ་ལོན་ཆགས་པ་ཡང་མེད་དོ། །འདི་ལྟ་སྟེ། ཚོང་དཔོན་ཕྱུག་པོ་ནི་ནོར་རིན་པོ་ཆེ་གྲངས་མེད་པ་ཞིག་བདོག་ལ་མཐུ་དང་དབང་དུ་ལྡན་ལ། བུ་ལོན་ཆགས་པ་ཡང་མེད་དོ། །རྣམ་པར་གྲོལ་བ་ཡང་དེ་དང་འདྲ་སྟེ། ཆོས་ཀྱི་ནོར་རིན་པོ་ཆེ་མང་པོ་དང་
D119.052.0075a06.01ལྡན་ལ། མཐུ་དང་དབང་ཡོད་པས་བུ་ལོན་ཆགས་པ་ཡང་མེད་དོ། །བུ་ལོན་ཆགས་པ་མེད་པ་ནི་ཡང་དག་པར་རྣམ་པར་གྲོལ་བའི་དཔེའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་ཡོངས་སུ་གདུང་བ་མེད་
D119.052.0075a07.01