完整藏文原文 · 德格版页 当前仅加载第 52 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིའོ། །འདི་ལྟ་སྟེ་སངས་རྒྱས་དང་ཆོས་དང་དགེ་འདུན་དང་གཉེན་པོའི་ཆོས་སོ། །དེ་ལ་གཉེན་པོའི་ཆོས་ནི་འཇིག་རྟེན་པའི་ཆོས་སུ་ལྷ་སྦྱིན་ལྟར་དགེ་འདུན་གྱི་དབྱེན་བྱས་པ་དང་། ཚུལ་ཁྲིམས་བཅབ་པའི་ཕྱིར་གཟུགས་དང་ཆ་ལུགས་རྣམ་པ་སྣ་
D119.052.0132a01.01ཚོགས་བསྟན་ཀྱང་མཁས་པ་ཤེས་རབ་ཅན་ནི་ཁོང་དུ་ཆུད་པས་དེ་ལ་མི་འཇིགས་ཏེ། འདི་ནི་འཇིག་རྟེན་གྱི་རྗེས་སུ་འཇུག་པ་ཡིན་པས་དེའི་ཕྱིར་རི་རཱི་ལི་ལཱི་ཞེས་བྱའོ། །དབུགས་རྔུབ་པ་དང་། ལྕེའི་དབང་པོ་དང་། སྣའི་དབུགས་རིང་ཐུང་དང་། འདྲེན་པ་ལས་སྒྲའི་རྗེས་སུ་
D119.052.0132a02.01དོན་ཤེས་པར་འགྱུར་ཏེ། དེ་ཡང་ལྕེ་དང་སོ་ལས་རྣམ་པ་ཐ་དད་དུ་འགྱུར་རོ། །དེ་ལྟར་ཡི་གེའི་དོན་འདི་ནི་སེམས་ཅན་དག་གི་ངག་གི་ལས་ཡོངས་སུ་དག་པར་འགྱུར་ཏེ། སེམས་ཅན་གྱི་སངས་རྒྱས་ཀྱི་རང་བཞིན་ནི་ཡི་གེ་ལ་ལྟོས་པས་གདོད་ཡོངས་སུ་དག་པར་འགྱུར་བ་ནི་མ་
D119.052.0132a03.01ཡིན་ནོ། །དེ་ཅིའི་ཕྱིར་ཞེ་ན། རང་བཞིན་གྱིས་ཐོག་མ་ནས་རྣམ་པར་དག་པས་ཕུང་པོ་དང་ཁམས་དང་སྐྱེ་མཆེད་ཀྱི་ནང་ན་གནས་ཀྱང་། ཕུང་པོ་དང་ཁམས་དང་སྐྱེ་མཆེད་ལྟ་བུ་ནི་མ་ཡིན་ནོ། །དེ་བས་ན་སེམས་ཅན་དག་ནི་བྱང་ཆུབ་སེམས་དཔའ་རྣམས་ལ་སྐྱབས་སུ་འགྲོ་
D119.052.0132a04.01བར་བྱའོ། །སངས་རྒྱས་ཀྱི་རང་བཞིན་གྱི་ཕྱིར་སེམས་ཅན་ཐམས་ཅད་ལ་ཁྱད་པར་མེད་པར་རྣམ་པར་ལྟའོ། །དེ་བས་ན་ཡི་གེ་ཕྱེད་པོ་ནི་མདོ་སྡེ་དང་གཙུག་ལག་དང་སྨྲ་བ་དང་ཚིག་གིས་རྣམ་པར་རྒྱལ་བའི་རྩ་བ་ཡིན་ནོ། །ཡི་གེ་ཕྱེད་པོའི་དོན་ནི་ཀུན་ནས་ཉོན་མོངས་པ་
D119.052.0132a05.01ཀུན་གྱི་སྨྲ་བའི་རྩ་བ་ཡིན་པས་ཡི་གེ་ཕྱེད་ཅེས་བྱའོ། །ཡི་གེ་རྫོགས་པ་ནི་དགེ་བའི་ཆོས་ཐམས་ཅད་སྨྲ་བའི་རྩ་བའོ། །དཔེར་ན་འཇིག་རྟེན་ན་གང་སྡིག་པ་མི་དགེ་བ་བྱེད་པ་ནི་སྐྱེས་བུ་ཕྱེད་ཅེས་བྱའོ། །དགེ་བ་ཀུན་སྤྱོད་པ་ནི། རྫོགས་པ་ཞེས་བྱའོ། །དེ་ལྟར་ན་མདོ་སྡེ་
D119.052.0132a06.01དང་གཙུག་ལག་དང་སྨྲ་བ་ཐམས་ཅད་ནི། ཡི་གེ་ཕྱེད་པོའི་རྩ་བར་འགྱུར་རོ། །དེ་ལ་གང་ཞིག་འདི་སྐད་དུ་དེ་བཞིན་གཤེགས་པ་དང་། ཡང་དག་པར་རྣམ་པར་གྲོལ་བ་ཡང་ཡི་གེ་ཕྱེད་པོའི་ནང་དུ་འཇུག་ཅེས་སྨྲ་ན་དེ་ལྟ་མ་ཡིན་ནོ། །དེ་ཅིའི་ཕྱིར་ཞེ་ན། ཡི་གེ་དང་བྲལ་བའི་ཕྱིར་
D119.052.0132a07.01