完整藏文原文 · 德格版页 当前仅加载第 52 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་ཆོས་བསྲུང་བའི་གང་ཟག་དག་ཚུལ་ཁྲིམས་ལོག་པ་ཅན་དང་ལས་ལྷན་ཅིག་ཏུ་བྱེད་པ་མཐོང་བས་ཉེས་པ་ཡོད་པར་འཛིན་ན་གང་ཟག་དེ་ནི་བདག་ལ་གནོད་པར་རིག་པར་བྱ་སྟེ། ཆོས་བསྲུང་བ་དེ་ལ་ནི་ཉེས་པ་མེད་དོ། །རིགས་ཀྱི་བུ་དགེ་སློང་གང་ཞིག་ཚུལ་ཁྲིམས་
D119.052.0096b01.01ཉམས་ནས་ང་རྒྱལ་གྱི་དབང་དུ་གྱུར་ཏེ། འཆབ་ཅིང་མི་འགྱོད་ན་གང་ཟག་དེ་ནི་ཡང་དག་པར་ཚུལ་ཁྲིམས་ཉམས་པ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཆོས་བསྲུང་བའི་ཕྱིར་ཉམས་པ་ཡོད་ཀྱང་ཚུལ་ཁྲིམས་ཉམས་པའོ་ཞེས་མི་བྱའོ། །དེ་ཅིའི་
D119.052.0096b02.01ཕྱིར་ཞེ་ན། ང་རྒྱལ་གྱི་དབང་དུ་གྱུར་པ་མ་ཡིན་ཏེ། འཐོལ་ཞིང་བཤགས་པའི་ཕྱིར་རོ། །རིགས་ཀྱི་བུ་དེ་བས་ན་ངས་མདོ་སྡེ་ལས་ཕྱོགས་གཅིག་པའི་ཚིགས་སུ་བཅད་པ་འདི་དག་གསུངས་སོ། །དམ་པའི་ཆོས་དག་ཤེས་ན། །རྒན་ནམ་གཞོན་ཡང་རུང་སྟེ། །བསྙེན་
D119.052.0096b03.01བཀུར་བསྟི་སྟང་ཕྱག་བྱ། །བྲམ་ཟེ་མེ་ལྷ་ཅན་དག །ཇི་ལྟར་མེ་ལྷ་རྗེད་བཞིན། །སུམ་ཅུ་རྩ་གསུམ་ལྷ་དག །དབང་ཕྱུག་མཆོད་པ་ལྟར་རོ། །རྒྱུ་དང་རྐྱེན་དེ་ལྟ་བས་ན་ངས་ཉན་ཐོས་ཀྱི་ཐེག་པ་ཅན་ལ་མ་གསུངས་ཀྱི། བྱང་ཆུབ་སེམས་དཔའ་འབའ་ཞིག་གི་
D119.052.0096b04.01ཕྱིར་ཚིགས་སུ་བཅད་པ་འདི་དག་གསུངས་སོ། །དེ་ནས་ཡང་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དག་ནི་ཚུལ་ཁྲིམས་ལ་རབ་ཏུ་ལྷོད་པ་འདྲ་ན་ཐོག་མ་མནོས་
D119.052.0096b05.01པའི་ཚུལ་ཁྲིམས་མཆིས་ཞེས་བགྱིར་རུང་ངམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་དེ་སྐད་ཅེས་མ་ཟེར་ཅིག །དེ་ཅིའི་ཕྱིར་ཞེ་ན། ཐོག་མ་མནོས་པའི་ཚུལ་ཁྲིམས་ཇི་ལྟར་མནོས་པ་བཞིན་དུ་མི་ཉམས་སོ། །ཅི་སྟེ་ཉམས་ན་ཡང་དེ་མ་
D119.052.0096b06.01ཐག་ཏུ་འགྱོད་ཅིང་འཐོལ་ཏེ། འཐོལ་བས་ནི་ཡོངས་སུ་དག་གོ། །རིགས་ཀྱི་བུ་འདི་ལྟ་སྟེ་དཔེར་ན། ཆུ་བསྒྱུར་བའི་རྐ་མགོ་ལྟ་བུ་བུག་རྡོལ་དུ་གྱུར་ན་ཆུ་ཟག་གོ། །དེ་ཅིའི་ཕྱིར་ཞེ་ན། འཆོས་པ་མེད་པའི་ཕྱིར་རོ། །ཅི་སྟེ་དེ་ལ་བཅོས་པ་ཡོད་ན་ཕྱི་རོལ་དུ་ཆུ་མི་ཟག་
D119.052.0096b07.01