完整藏文原文 · 德格版页 当前仅加载第 52 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་གསུངས་པ་ལྟར་བྱང་ཆུབ་སེམས་དཔའ་གང་མཉམ་པའི་སེམས་ལ་ནན་ཏན་བྱས་ཏེ། སེམས་ཅན་ཐམས་ཅད་ལ་བུ་གཅིག་པ་དང་འདྲ་བར་འདུ་ཤེས་པས་ཚེ་རིང་བར་འགྱུར་རོ་ཞེས་དེ་བཞིན་གཤེགས་པས་དེ་སྐད་གསུང་བ་མི་རིགས་སོ། །དེ་ཅིའི་སླད་དུ་ཞེ་
D119.052.0044b01.01ན། འདི་ལྟ་སྟེ་ཤེས་རབ་དང་ལྡན་པའི་སྲི་ཞུར་བགྱི་བའི་ཆོས་རྣམ་པ་སྣ་ཚོགས་ཀྱང་སྟོན་མཁས་པ་ཞིག་ཁྱིམ་དུ་མཆིས་ནས་ཕ་མ་ལ་རྡོ་དབྱུག་གིས་འཚོག་གོ། །ཕ་མ་ནི་བསོད་ནམས་ཀྱི་ཞིང་ལགས་ཏེ། ཕན་པ་དང་བདེ་བ་འབའ་ཞིག་བགྱིད་ཅིང་ཤིན་ཏུ་ཕྲད་དཀའ་
D119.052.0044b02.01བས་དེ་ནི་མཆོད་པར་འོས་ན། དེ་ལ་གནོད་པས་རྣམ་པར་གཙེས་ན་ཆོས་འཚལ་བ་དེ་སྨྲ་བ་དང་བགྱིད་པར་མི་འཐུན་ཏེ་འགལ་ལོ། །དེ་བཞིན་གཤེགས་པ་ཡང་དེ་དང་འདྲ་སྟེ། དེ་ལྟར་བྱང་ཆུབ་སེམས་དཔའ་སེམས་མཉམ་པ་ལ་ནན་ཏན་བགྱིད་ཅིང་སེམས་
D119.052.0044b03.01ཅན་ཐམས་ཅད་ལ་བུ་གཅིག་དང་འདྲ་བར་འདུ་ཤེས་པས་ཚེ་རིང་ཞིང་སྔོན་གྱི་གནས་ཤེས་པར་འགྱུར་ལ་མི་འཕོ་སྟེ། རྟག་ཏུ་འཇིག་རྟེན་ན་གནས་པ་ཞིག་ལགས་ན་ཅིའི་སླད་དུ་བཅོམ་ལྡན་འདས་མི་དང་འདྲ་བར་སྐུ་ཚེ་རབ་ཏུ་ཐུང་བར་གྱུར། དེ་བཞིན་གཤེགས་པས་སེམས་
D119.052.0044b04.01ཅན་ཐམས་ཅད་ལ་དགྲ་ལྟ་བུར་དགོངས་པ་མངའ་འམ། བཅོམ་ལྡན་འདས་སྔོན་སྡིག་པ་ཅི་ཞིག་མཛད་ཅིང་ཇི་སྙེད་ཀྱི་སྲོག་གི་དབང་པོ་དང་ཕྲལ་ན་འདི་ལྟར་སྐུ་ཚེ་ལོ་བརྒྱ་འང་མ་ཐུབ་པར་རབ་ཏུ་ཐུང་བར་གྱུར། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། རིགས་
D119.052.0044b05.01ཀྱི་བུ་ཁྱོད་ཅིའི་ཕྱིར་དེ་བཞིན་གཤེགས་པའི་སྤྱན་སྔར་མ་རྩིས་པའི་ཚིག་འདི་ལྟ་བུ་སྨྲས། དེ་བཞིན་གཤེགས་པའི་སྐུ་ཚེ་ནི་ཚེའི་ནང་ན་མཆོག་ཏུ་གྱུར། ཕུལ་དུ་གྱུར་ཏེ། རྟག་པའི་ཆོས་ཀྱི་ནང་ན་ཡང་མཆོག་ཏུ་གྱུར་ཕུལ་དུ་གྱུར་ཏོ། །བྱང་ཆུབ་སེམས་དཔའ་འོད་
D119.052.0044b06.01སྲུང་གིས་ཡང་བཅོམ་ལྡན་འདས་ལ་གསོལ་པ། དེ་བཞིན་གཤེགས་པའི་སྐུ་ཚེ་རིང་ཞེས་བགྱི་བ་ཇི་ལྟ་བུ་ལགས། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། རིགས་ཀྱི་བུ་ཆུ་ཀླུང་ཆེན་པོ་བརྒྱད་ཡོད་དེ། གང་གཱ་ཞེས་བྱ་བ་དང་། ཡམ་པ་ལ་
D119.052.0044b07.01