完整藏文原文 · 德格版页 当前仅加载第 52 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པ་ཞེ་ན། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་དུས་གང་དུ་དུར་ཁྲོད་ན་གནས་པ་དང་། གང་གི་དུས་སུ་བརྩོན་འགྲུས་ཤིན་ཏུ་རྩོམ་པ་དང་། གང་གི་དུས་སུ་བཏང་སྙོམས་དང་ཏིང་ངེ་འཛིན་སྒོམ་པ་དང་། གང་གི་དུས་སུ་སངས་རྒྱས་ལ་མཆོད་པ་བྱ་བ་དང་།
D119.052.0234b01.01གང་གི་དུས་སུ་སློབ་དཔོན་ལ་བསྙེན་བཀུར་བྱ་བ་དང་། གང་གི་དུས་སུ་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ལ་ནན་ཏན་བྱ་བའི་དུས་ཤེས་པ་ནི་དུས་ཤེས་པ་ཞེས་བྱའོ། །དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་
D119.052.0234b02.01པོ་ཆོག་ཤེས་པ་ཞེ་ན། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོག་ཤེས་པ་ནི་འདི་ལྟ་སྟེ། ཟས་དང་སྐོམ་དང་། ཆོས་གོས་དང་། སྨན་དང་། འགྲོ་བ་དང་། སྡོད་པ་དང་། འདུག་པ་དང་། ཉལ་བ་དང་། གཉིད་ལས་སད་པ་དང་། ཅང་མི་སྨྲ་བ་དག་ནི་ཆོག་ཤེས་པ་ཞེས་
D119.052.0234b03.01བྱའོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བདག་ཤེས་པ་ཞེ་ན། བྱང་ཆུབ་སེམས་དཔའ་དེ་བདག་ལ་བདག་འདི་ལྟར་ཤེས་ཏེ། བདག་ལ་དད་པ་ནི་འདི་ལྟ་བུ་ཞིག་ཡོད། ཚུལ་ཁྲིམས་ནི་འདི་ལྟ་བུ། མང་དུ་ཐོས་པ་འདི་ལྟ་བུ། བཏང་སྙོམས་པ་ནི་
D119.052.0234b04.01འདི་ལྟ་བུ། ཤེས་རབ་ནི་འདི་ལྟ་བུ། འོང་བ་དང་འགྲོ་བ་ནི་འདི་ལྟ་བུ། ཡང་དག་པར་དྲན་པ་ནི་འདི་ལྟ་བུ། དགེ་བ་སྤྱོད་པ་ནི་འདི་ལྟ་བུ། དྲིས་པ་ནི་འདི་ལྟ་བུ། ལན་བཏབ་པ་ནི་འདི་ལྟ་བུའོ་ཞེས་བྱ་བ་ཤེས་པ་ནི་བདག་ཤེས་པ་ཞེས་བྱའོ། །དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་
D119.052.0234b05.01ཤེས་པ་ཞེ་ན། རིགས་ཀྱི་བུ་བྱང་ཆུབ་སེམས་དཔའ་འདི་ལྟར་འདི་ནི་རྒྱལ་རིགས་ཀྱི་འཁོར། འདི་ནི་བྲམ་ཟེའི་རིགས་ཀྱི་འཁོར། འདི་ནི་ཁྱིམ་བདག་གི་འཁོར། འདི་ནི་དགེ་སྦྱོང་གི་འཁོར་ཏེ། འཁོར་དེ་དག་ཏུ་འདི་ལྟར་འགྲོ་བར་བྱ། འདི་ལྟར་འདུག་པར་བྱ། འདི་
D119.052.0234b06.01ལྟར་ཆོས་སྨྲ་བར་བྱ། འདི་ལྟར་དྲི་ཞིང་ལན་གླན་པར་བྱ་བ་ཤེས་པ་ནི་འཁོར་ཤེས་པ་ཞེས་བྱའོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བླ་མ་དང་འོག་མ་ཤེས་པ་ཞེ་ན། རིགས་ཀྱི་བུ་དེ་ལ་ཡང་རྣམ་པ་གཉིས་ཏེ། དད་པ་དང་། མ་དད་པའོ། །
D119.052.0234b07.01