完整藏文原文 · 德格版页 当前仅加载第 52 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ནོར་དང་ལྡན་པས་འཕགས་པ་ཞེས་བྱའོ། །གཞན་ཡང་འཕགས་པའི་ལམ་ཡན་ལག་རྣམ་པ་བདུན་དང་ལྡན་པས་འཕགས་པ་ཞེས་བྱ་སྟེ། དེ་བས་ན་འཕགས་པའི་སྤྱོད་པ་ཞེས་བྱའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་
D119.052.0184a01.01ཆེན་པོ་འཕགས་པའི་སྤྱད་པ་སྤྱོད་པ་ནི། ལུས་འདི་ལ་སྤྱི་བོ་ནས་རྐང་པའི་བར་དུ་བརྟགས་ན། སྐྲ་དང་། སེན་མོ་དང་། སོ་དང་། མི་གཙང་བ་བཙོག་པ། པགས་པ་དང་། ཤ་དང་། རྒྱུས་པ་དང་། རུས་པ་དང་། མཆེར་པ་དང་། མཁལ་མ་དང་། སྙིང་དང་། གློ་བ་
D119.052.0184a02.01དང་། མཆིན་པ་དང་། མཁྲིས་པ་དང་། རྒྱུ་མ་དང་། ཕོ་བ་དང་། ཞུ་བ་དང་། མ་ཞུ་བའི་སྣོད་གཉིས་དང་། བཤང་གཅི་ཆེ་ཆུང་དང་། མཆིལ་མ་དང་། སྣབས་དང་། མཆི་མ་དང་། ཀླད་པ་དང་། ཐོད་པ་དང་། རྐང་དང་། རྣག་དང་། ཁྲག་དང་། རྩ་ལ་སོགས་
D119.052.0184a03.01པ་མི་གཙང་བ་འབའ་ཞིག་གིས་གང་བར་མཐོང་ངོ་། །བྱང་ཆུབ་སེམས་དཔའ་དེ་ལྟར་རྩེ་གཅིག་ཏུ་ཤིན་ཏུ་རྟོག་པ་ན། བདག་ཅེས་བྱ་བ་སུ་དབང་། གང་ན་གནས། བདག་ཅེས་བྱ་བ་སུ་དབང་ཞེས་ཤིན་ཏུ་རྟོག་སྟེ། ཡང་འདི་སྙམ་དུ་སེམས་སོ། །རུས་པ་དེ་བདག་ཡིན་ནམ།
D119.052.0184a04.01རུས་པ་ལས་གཞན་པ་ཞིག་ཡོད་དམ་སྙམ། བྱང་ཆུབ་སེམས་དཔའ་དེའི་ཚེ་པགས་པ་དང་། ཤ་བཏང་སྟེ། ཀེང་རུས་འབའ་ཞིག་ལ་རྟོག་གོ། །ཡང་འདི་སྙམ་དུ་སེམས་ཏེ། རུས་པའི་ཁ་དོག་ཀྱང་རྣམ་པ་ཐ་དད་དེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ཕུག་རོན་གྱི་
D119.052.0184a05.01གཤོག་པ་ལྟ་བུ་སྟེ། དེ་ལྟར་ན་རུས་པའི་མཚན་ཉིད་ཀྱང་བདག་མ་ཡིན་ནོ། །དེ་ཅིའི་ཕྱིར་ཞེ་ན། བདག་ཅེས་བྱ་བ་ནི་སྔོན་པོའམ། སེར་པོའམ། དམར་པོའམ། དཀར་པོའམ། ཕུག་རོན་གྱི་གཤོག་པ་ལྟ་བུ་མ་ཡིན་པའི་ཕྱིར་རོ། །བྱང་ཆུབ་སེམས་དཔས་དེ་ལྟར་རྩེ་གཅིག་པའི་སེམས་ཀྱིས་
D119.052.0184a06.01ཤིན་ཏུ་རྟོག་པ་ན། གཟུགས་ལ་འདོད་ཆགས་པ་ཐམས་ཅད་ཞི་བར་འགྱུར་རོ། །ཡང་འདི་སྙམ་དུ་སེམས་ཏེ། རུས་པ་དེ་ཡང་རྟེན་ཅིང་འབྲེལ་ཏེ་འབྱུང་བ་ཡིན་ཏེ། རྐང་པའི་རྟིང་པའི་རུས་པས་ནི་ལོང་བུའི་རུས་པ་བརྟེན། ལོང་བུས་ནི་རྗེ་ངར་གྱི་རུས་པ་བརྟེན། རྗེ་ངར་གྱི་རུས་པས་ནི་པུས་མོ་བརྟེན།
D119.052.0184a07.01