完整藏文原文 · 德格版页 当前仅加载第 52 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འདི་སྐད་ཅེས་གསོལ་ཏོ། །གལ་ཏེ་བདག་གིས་ཞུས་ནས་ཞུས་པའི་ལུང་བསྟན་པར་བཅོམ་ལྡན་འདས་ཀྱིས་སྐབས་དབྱེ་བར་གནང་ན་བདག་གིས་དེ་བཞིན་གཤེགས་པ་ལ་ཕྱོགས་གཅིག་ཅིག་ཞུའོ། །བཅོམ་ལྡན་འདས་ཀྱིས་འོད་སྲུང་ལ་
D119.052.0040a01.01བཀའ་སྩལ་པ། ཁྱོད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཅི་དང་ཅི་འདོད་པ་དྲིས་ཤིག་དང་། ངས་དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རངས་ཤིང་ཐེ་ཚོམ་མེད་པར་བྱའོ། །དེ་ནས་བྱང་ཆུབ་སེམས་
D119.052.0040a02.01དཔའ་སེམས་དཔའ་ཆེན་པོ་འོད་སྲུང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་བདག་ཞུ་བར་གནང་ན་བདག་གི་ཤེས་རབ་ནི་སྦྲང་བུ་ལྟ་བུར་གྱུར་ལ། དེ་བཞིན་གཤེགས་པའི་ཡོན་ཏན་ནི་ཤིན་ཏུ་
D119.052.0040a03.01མཐོ་བས་གཅན་གཟན་དང་སེང་གེ་ལྟ་བུ་རྣམ་པར་མི་ཤིགས་པའི་འཁོར་གྱིས་ཡོངས་སུ་བསྐོར་ཏེ། དེ་བཞིན་གཤེགས་པའི་སྐུ་ཡང་རྡོ་རྗེ་ལྟ་བུ་ལ་མདོག་བཻ་དཱུརྱ་འདྲ་སྟེ་མི་ཤིགས་པ་ལགས་ལ། ཡེ་ཤེས་དང་ཤེས་རབ་རྒྱ་མཚོ་ལྟ་བུས་ཡོངས་སུ་བསྐོར་ཅིང་།
D119.052.0040a04.01འཁོར་གྱི་དཀྱིལ་འཁོར་ན་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལ་སོགས་པ་ཡང་ཚད་མེད་མཐའ་ཡས་པའི་ཡོན་ཏན་མཆོག་དང་ལྡན་ཏེ། སྤོས་ཀྱི་གླང་པོ་ཆེ་ལྟ་བུའི་འཁོར་གྱི་དཀྱིལ་འཁོར་འདིའི་ནང་ན་འདྲི་བར་ག་ལ་སྤོབས་མོད་ཀྱི། འོན་གྱིས་
D119.052.0040a05.01ཀྱང་སངས་རྒྱས་ཀྱིས་བྱིན་གྱི་རླབས་དང་། འཁོར་མང་པོའི་དགེ་བའི་རྩ་བའི་ཤུགས་ཀྱིས་ཅུང་ཟད་ཅིག་ཞུ་བར་འཚལ་ཏོ་ཞེས་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། ཚེ་རིང་བར་ནི་ཅིས་འགྱུར་ཞིང་། །མི་འཇིག་རྡོ་རྗེའི་ལུས་ཅིས་འཐོབ། །
D119.052.0040a06.01ཅི་ཡི་རྒྱུ་དང་རྐྱེན་གང་གིས། །ཤིན་ཏུ་བརྟན་པའི་སྟོབས་ཀྱང་འཐོབ། །ཇི་ལྟར་མདོ་སྡེ་འདི་ཉིད་ཀྱིས། །མཐར་ཐུག་ཕ་རོལ་ཕྱིན་པར་འགྱུར། །བཅོམ་ལྡན་འདས་ཀྱིས་དགོངས་པ་གང་། །སེམས་ཅན་དག་ལ་བཤད་དུ་གསོལ། །ཇི་ལྟར་ཆེ་བ་ཉིད་
D119.052.0040a07.01