完整藏文原文 · 德格版页 当前仅加载第 52 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་དུ་མི་གནང་། བཀའ་སྩལ་པ། རིགས་ཀྱི་བུ་ཤ་ཟ་བ་ནི་སྙིང་རྗེ་ཆེན་པོའི་རིགས་གཅོད་པ་ཡིན་ནོ། །འོད་སྲུང་གིས་གསོལ་པ་སྔོན་བཅོམ་ལྡན་འདས་ཀྱིས་ཤ་བརྟགས་པ་རྣམ་པ་གསུམ་འཚལ་དུ་གནང་བ་མ་ལགས་སམ། བཀའ་སྩལ་པ། འོད་སྲུང་ཤ་
D119.052.0057b01.01བརྟགས་པ་རྣམ་པ་གསུམ་ཟར་གནང་བ་ནི་བགས་ཀྱིས་བཅད་པའི་ཐབས་སུ་གསུངས་སོ། །བྱང་ཆུབ་སེམས་དཔའ་འོད་སྲུང་གིས་གསོལ་པ། ཅིའི་སླད་དུ་མ་བརྟགས་པ་རྣམ་པ་བཅུ་དང་། བརྟགས་པ་རྣམ་པ་དགུའི་བར་དུ་འཚལ་དུ་མི་གནང་། བཅོམ་ལྡན་
D119.052.0057b02.01འདས་ཀྱིས་འོད་སྲུང་ལ་བཀའ་སྩལ་པ། དེ་ཡང་བགས་ཀྱིས་བཅད་པའི་དོན་དུ་གསུངས་ཏེ། མདོར་ན་ཤ་བཅད་པའི་དོན་དུ་བསྟན་པ་ཡིན་ནོ། །བྱང་ཆུབ་སེམས་དཔའ་འོད་སྲུང་གིས་གསོལ་པ། བཅོམ་ལྡན་འདས་ཅིའི་སླད་དུ་དེ་བཞིན་གཤེགས་པས་ཉའི་ཤ་ལ་
D119.052.0057b03.01བསོད་པའི་ཟས་སོ་ཞེས་གསུངས། བཀའ་སྩལ་པ། རིགས་ཀྱི་བུ་ངས་ནི་ཉ་ཤ་ལ་སོགས་པ་ལ་བསོད་པའི་ཟས་སོ་ཞེས་མ་གསུངས་ཀྱི། བུ་རམ་གྱི་ཤིང་དང་། འབྲས་དང་། ཁ་ར་དང་ཁྲེ་དང་། ནས་ལ་སོགས་པ་དང་། ཧ་སེ་དང་། འོ་མ་དང་། ཞོ་དང་། མར་དང་།
D119.052.0057b04.01འབྲུ་མར་ལ་སོགས་པ་ལ་བསོད་པའི་ཟས་སོ་ཞེས་གསུངས་ཏེ། གོས་རྣམ་པ་མང་པོ་ཡང་འཆང་དུ་གནང་བར་ངས་གསུངས་མོད་ཀྱི། འཆང་དུ་གནང་བ་དེ་ཡང་ཁ་དོག་བསྒྱུར་བ་ལ་བྱ་ན། ཉའི་ཤ་ལ་ཆགས་པ་ལྟ་སྨོས་ཀྱང་ཅི་དགོས། འོད་སྲུང་གིས་གསོལ་པ་དེ་བཞིན་
D119.052.0057b05.01གཤེགས་པས་ཤ་འཚལ་དུ་མི་གནང་ན་རོ་རྣམ་པ་ལྔ་པོ། འོ་མ་དང་། ཞོ་དང་། དར་བ་དང་། མར་དཀར་དང་། ཞུན་མར་དང་། ཏིལ་མར་ལ་སོགས་པ་དང་། གོས་ཀེའུ་ཤ་ཡ་དང་། དོ་ཤལ་དང་། ཀོ་ལྷམ་དང་། གསེར་དངུལ་གྱི་སྣོད་ལ་སོགས་པ་ཡང་འཆང་དུ་
D119.052.0057b06.01མི་གནང་བའི་རིགས་སོ། །བཀའ་སྩལ་པ། རིགས་ཀྱི་བུ་གཅེར་བུ་པའི་ལྟ་བ་དང་འཐུན་པ་མ་ཡིན་གྱི། དེ་བཞིན་གཤེགས་པས་ཚུལ་ཁྲིམས་བཅས་པའི་རྣམས་ནི་སོ་སོར་དགོངས་ཏེ་གསུངས་པ་ཡིན་པས་དགོངས་པ་ཐ་དད་པའི་ཕྱིར་ཤ་བརྟགས་པ་རྣམ་པ་གསུམ་ཟར་
D119.052.0057b07.01